المساعد الشخصي الرقمي

مشاهدة النسخة كاملة : هذي حياتي بحر. جزره. ومده


ابوسليمان
04-Mar-2005, 11:56 PM
متواضعه اضعها بين ايديكم املا ان تنال ولو جزءا يسيرا من اعجابكم




واقلبي اللي زاد صبره عن الحد=ساقه زمانه لين عداه حده

كنت احسب ان السيل ياقف على السد=لكن هد السيل جسره وسده

ياهل المعرفه وقتنا بيح السد=وش حيلتي فالوقت لاباح سده

امدله بالصاع ويرد بالمد=ياكيف راع الصاع يجزى بمده؟

تمشيبي الخطوه ليامارد العد=واضما وانا واقف على جال عده

ان قلت اشد الحبل ماينفع الشد=الدلو فاضي بالحبل من يشده

وان قلت ابسلى عنه واسج واصد=((ياعنك عرجا ماتجي في مصده))

ياللي تعرف البحر والجزر والمد=هذي حياتي بحر.جزره.ومده.

وسلامتكم

مرزوق حمدان العتيبي
05-Mar-2005, 12:09 AM
صح لساااااااااااااااااااااااانك يابو سليمان
رائعه بحق
نورت قسم قصائد الاعضاء
فزت بمعانقة هذه المشاركه
وفي انتظار مشاركات اخرى
اخوك

((الدلبحي))
05-Mar-2005, 12:14 AM
صح السانك

يابوسليمان ويعطيك العافيه

تحيااااااااااتي

مروي العطاشا
05-Mar-2005, 07:14 AM
صح لسانك

جزلة من جزل

وصل العطياني؟؟؟
05-Mar-2005, 12:04 PM
أبو سليمان ..

صح لســـانك ...

قصيدة متناسقة وجميلة جداً ...



تحيااااااااااااتي

ابوسليمان
10-Mar-2005, 12:31 AM
هلا ياهلا يامرزوق





وصح بدنك ياغالي




تقديري واحترامي