الشاعر المتمكن فقط

[خالد عواض الذيابي]

الليله اللي محتزم يقرب على حد الصفاه=اما ذبحته فوقها ولا كسرته فوقها
ما عندنا ما عندنا للقوم يا كود الذكاه=لا حاربتنا القوم نجزيها بقص حلوقها

[برررق الحيا]

صح السانك يالمستشار على هالبدع الناري الشري خخخخخخ

بدع جزل ومعنى قوي وطاروووق كايف

وبانتظار المقابل اللي تبا تصير فيه الطعه خخخخخخ

صح السانه مقدما والله يعينه

وبيض الله وجهك وجهه هلى إفادتنا وامتاعنا واتحافنا

والليلة مافيه نوم مواصلين لعيون هالطاوق ونواياه خخخخخ

[ابراهيم الجـــــذع]

الليله الليله حلومك ما تفسرها الرواه=أثرك مثل الحيه اللي سمها بشدوقها

ياللي تبا تضرب بحر ما لك من الغبه نجاه=لا تحسب أن الحرب تمره طارفه بعذوقها

[خالد عواض الذيابي]

برق الحياء

صح بدنك وجهك ابيض والله لا يهينك ومشكور على مرورك

لكن الليله ما فيه الا الميسم الحامي

[برررق الحيا]

هذا اللي نبيه ابراهيم الجذع المقابل

يعني البدع المستشار والرد ابراهيم الجذع شعار مافيها كلام و عزالله لقينا المتعة والفايدة والجزالة من

بين القوافي والمعنى في طياتها

صح السانك يالجذع على هالرد الوافي والنقض الجزل وصح السان صاحب البدع والطاروق والفتل

الشاعر المستشار

واللي نباه حاصل من المتعة والتسلية

صحت الألسن والقلوب متآلفة ومتحابة

[غالب الذيابي]

.
.
.
.



اسف على التصادم الغير مقصود..

.. واصل ياعم خالد انت وابراهيم.
.
.
.
.
.

[إدارة القسم]

عساكم على القوه ياخالد وابراهيم
وبيض الله وجه غالب الذيابي

[خالد عواض الذيابي]

الفارس اللي لاغزا يطعن عدوه في قفاه=ما يعتبر فارس من يغدر العرب ويبوقها
نضرب خطرها ما حسبنا للممات وللحياه=واللي يعارض لسيوف الصارمه بيذوقها

[غالب الذيابي]

عساكم على القوه ياخالد وابراهيم
وبيض الله وجه غالب الذيابي



ووجهك ابيض.. ولو .. الاصول اصول.
.
.
.
.

[خالد عواض الذيابي]

برق الحيا

صح بدنك ومتابعتك شرف

[ابراهيم الجـــــذع]

اللي يوامي بالعصا من سيفنا نشقر عصاه=والحرب خدعه والخصوم اليوم تلقا عوقها

محدٍ يلوم اشعيل لا منه وطا فرخ القطاه=لن القطاه موقعه في سوق ما هو سوقها

[سلطان فهد المطيري]

ياسلام مبدعين وصحت السنتكم

[مشعل سعد]

صحة ألسنتكم ..



مبدعين الله لايضركم ,,


أخوكم


مشعل @@

[خالد عواض الذيابي]

الحرب خدعه والنهايه موتتك دون اشتباه=وهذي عصا موسى نطق بها الدبش وتسوقها
كان الجذع ما استسلم الليله وغطته العباه=والله لسوقه لين يكره عرضتي وطروقها

[برررق الحيا]

لازلنا متابعييين للابداع والجزاله بمقوماتها وشعارها

صح السان المستشار وصح السان ابراهيم الجذع

واصلو لاهنتو على ما تقدمونه

صحت الألسن والقلوب أحباب ومتآلفة

[خالد عواض الذيابي]

صح بدنك ياسلطان

وصح بدنك يامشعل

لاهنتو مشكورين على مروركم

[خالد عواض الذيابي]

برق الحيا

صح بدنك

الله لايهينك يالغالي على مرورك

[برررق الحيا]

الليله اللي محتزم يقرب على حد الصفاه=اما ذبحته فوقها ولا كسرته فوقها
ما عندنا ما عندنا للقوم يا كود الذكاه=لا حاربتنا القوم نجزيها بقص حلوقها


الليله الليله حلومك ما تفسرها الرواه=أثرك مثل الحيه اللي سمها بشدوقها

ياللي تبا تضرب بحر ما لك من الغبه نجاه=لا تحسب أن الحرب تمره طارفه بعذوقها


الفارس اللي لاغزا يطعن عدوه في قفاه=ما يعتبر فارس من يغدر العرب ويبوقها
نضرب خطرها ما حسبنا للممات وللحياه=واللي يعارض لسيوف الصارمه بيذوقها


اللي يوامي بالعصا من سيفنا نشقر عصاه=والحرب خدعه والخصوم اليوم تلقا عوقها

محدٍ يلوم اشعيل لا منه وطا فرخ القطاه=لن القطاه موقعه في سوق ما هو سوقها


الحرب خدعه والنهايه موتتك دون اشتباه=وهذي عصا موسى نطق بها الدبش وتسوقها
كان الجذع ما استسلم الليله وغطته العباه=والله لسوقه لين يكره عرضتي وطروقها



قمة وإبداع وروعة وإمتاع صحت الألسن والقلوب متحابة ومتآلفة

وحنا متابعيييييييييييييين

[ابراهيم الجـــــذع]

من فعلنا كم واحدٍ يا الروقي تعدي شواه=حتى من الراعه عيونه ما يطبق موقها

أنت على وجه الثرا تنظر لنجمٍ في سماه=وأهل الفتن والذوق نعرفها ونعرف ذوقها

[خالد عواض الذيابي]

اثر الجذع ماحدٍ يفرق بين وجهه من قفاه=اشتال له حمله على ظهره وهو ميطوقها
الكلب لامنه نبح نسد حلقه بالحصاه=والناس في ظهر البسيطه والسما من فوقها

[برررق الحيا]

لازلنا متابعين ومستمتعين


صحت الألسن والقلوب أحباب ومتآلفة


والطاروووق روعة بروعة شعاره ومحبتهم و فائدته وتسليته

واصلو يالربع والنار النار والهدوء ( ريلاكس ) والملعبة حبية

[خالد عواض الذيابي]

برق الحيا

صح بدنك

متابعتك شرف لاهنت

[ابراهيم الجـــــذع]

عليك وصف من الذيابه مير نابك ناب شاه=لكن روح وخاشر اليتمان في مرقوقها

أثرك حصان الشاوي اللي ما جهل دربه هذاه=ما يدري أن الشمس فوقه نورها وشروقها

[برررق الحيا]

برق الحيا

صح بدنك

متابعتك شرف لاهنت

لاهنت يالمستشار ولا هان مقابلك ابراهيم

والشرف لنا طال عمرك

[خالد عواض الذيابي]

عقب هدير شعيل نوخته ودوخني رغاه=حطيت في خشمه رسن والنار ذاق حروقها
لبس البشوت الجذع مشقوقه وانا بكشف غطاه=ابشوته اللي لبسها لازم تبين شقوقها

[ابراهيم الجـــــذع]

خالد هذا ما عاد اله فكه يلين العن ثواه=حتى ولو بنت الهوى تشكي ظلايم شوقها

لو أن ما هي عادة الطيب ينزل مستواه=لكن ابخفي رمس ناسٍ غرها منطوقها

[خالد عواض الذيابي]

الركبي اللي حمّلوه القوم قدام الصلاه=القربه اللي شالها كثرت عليه خروقها
الله على ناسٍ فقارا تبغي دروب الغناه=لا زادت الفضلات عند اهل الغناه تحوقها

[ابراهيم الجـــــذع]

هذا الولد يا سرع ما تنقز سنونه من جماه=مثل الزبيديه لقاها من لقا رقروقها

تبا تروغ مثل ترويغ السمك في وسط ماه=من يوم هديت الحرار اللي نشد اسبوقها

[فهيد الايدا المورقي]

خالد الروقي

ابراهيم الجذع


صحت السنتكم جميع


تحيتي

[خالد عواض الذيابي]

سقت الجذع يالين عديته وراء ضلع السراه=سوق النصوب المردفات اللي تلوح بروقها
بغا الجذع يكحل عيونه ثم تسبب في عماه=لانه يعاند له رجالٍ ما تضيع حقوقها

[خالد عواض الذيابي]

بناخي الايدا

صح بدنك

مشكور على مرورك

[ابراهيم الجـــــذع]

عقله يقول أنه نقض بيتي وهذا من غباه=مير البضاعه بالبضاعه قافلٍ صندوقها

ترا الجذع شاعر وميدان الوغى يحمي حماه=وأنت مثل مصر الشقيقه والملك فاروقها

[خالد عواض الذيابي]

انا اليا مني وقفت استسلمت كل الطغاه=والخزنه اللي مغلقه عندي فتح مغلوقها
ما انته بلا شاعر ومثل اللي تغني فالقناه=اليا فتحناها نحصلها على طاروقها

[ابراهيم الجـــــذع]

ما لك ومال الحرب يا خالد ليا دارت رحاه=منته بداله في ديارٍ طالعٍ زملوقها

حنا مصخرت القوافي خصمنا نبحث خفاه=خلك تشاول مع جمالٍ شاولت مع نوقها

[خالد عواض الذيابي]

ابك الجذع مرضان لكن الجذع عندي دواه=العله اللي داخله نذرٍ لقص عروقها
أصخر القيفان وأصخرك من كل اتجاه=خلك مربط مع رخالٍ فالحلوق ربوقها

[ابراهيم الجـــــذع]

اشره على نفسك وخصمك ما لكم شرهه علاه=الصاع جزيه ألف صاع وطاقها مطبوقها

منته مصخر غير رجالٍ غلاكم من غلاه=اللي فتنته بالثياب و وسعها من ضوقها

[خالد عواض الذيابي]

الخبل ما نشره علاه وكل من مره وطاه=لا تفضح العتبان برقا يالخبل مع روقها
الرجل يابراهيم من يمناك رده في خباه=رده على اخته من قريب لا تبين اخثوقها

[ابراهيم الجـــــذع]

راجع وتلقا فالجريمه ما تدين ابه الجناه=حتى تميز شدة العدوان قبل ارفوقها

أنا سوات الحر الأشقر وأنت من باقي عشاه=من شلعةٍ وحده وكبدك ظاهرٍ معلوقها

[خالد عواض الذيابي]

قد قالوا العربان من لا يعرف الحر اشتواه=اخطاك يا ابراهيم قلي من يسد فتوقها
من ضربي الراكد براهيم الجذع صادف بلاه=ضرباتي اللي بين حجانه تشاف فلوقها

[ابراهيم الجـــــذع]

ترا الحقايق واضحه للعين ما تبغا قضاه=مير البلا بقلوب بعض الناس قبل عموقها

تقول هذي وأنته اللي واطيٍ جمر الغضاه=واصبحة مطروده مع الأيام صعب الحوقها

[خالد عواض الذيابي]

لطبب ابراهيم وسط السوق ما حين شراه=قيمته قيمة من على ريش رقبتها طوقها
ترا الجذع راعي وانا خابره من ضمن الرعاه=اللي ما تدري ويش يعنيها وويش يلوقها

[ابراهيم الجـــــذع]

وشلون تنطح واحدٍ خيال وأنت من المشاه=شلفاه ما ترجع من ادروع العرب وادروقها

صحيح راعي وأنت من بين الرعيه في ذراه=ومن رزق رب الكون لـــ الراعي يجي مرزوقها

[ابو البيرق]

صح السانك يا ابو نايف وصح السان قبيلك


صحيح راعي وأنت من بين الرعيـه فـي ذراه
ومن رزق رب الكون لـالراعي يجي مرزوقها

هذي والله الي مالها رد ههههههههههههههه

اكوي يابو نايف وزهل الصف

[خالد عواض الذيابي]

شلفاك ترجع في نحرك ومن بغا شيٍ لقاه=ما هيب لايقتٍ على شكلك ولا انت تلوقها
انا من شيوخٍ تضد القوم وتعسف العصاه=ولا انت ترعا ما تعرف شروقها وشفوقها

[ابراهيم الجـــــذع]

وش عاد يملا العين كان الفعل هذا ما ملاه=الا ترابٍ من تراب الأرض يا مخلوقها

من وين جات الشيخه اللي جات علمك ما نباه=لو قلت يا رجال عاشقها وأنا معشوقها

[ابو البيرق]

وش عاد يملا العين كـان الفعـل هـذا مـا مـلاه
الا تــرابٍ مــن تــراب الأرض يامخلـوقـهـا
من وين جات الشيخه اللي جات علمك ما نباه
لـو قلـت يــا رجــال عاشقـهـا وأنــا معشوقـهـا

[خالد عواض الذيابي]

والله ما كبه لين يعرض دام يبحث عن عناه=وانا ادري انه ما يعرف جلالها ودقوقها
خطٍ مشاه ابطرده يالين ياصل منتهاه=واعلمه كيف المشيخه غصب ذا ممحوقها

[ابراهيم الجـــــذع]

من أول ابعتقه لله مير ربي ما هداه=الحر حايم والخباري رابضٍ غرنوقها

والله منته شيخ قوم ولاش وجه ولاش جاه=مثل الذياب اللي سلاسلها زهت بعنوقها

[ابو البيرق]

مــن أول ابعتـقـه لله مـيـر ربــي مــا هـــداه
الحـر حـايـم والخـبـاري رابــضٍ غرنوقـهـا
والله منته شيخ قوم ولاش وجه ولاش جاه
مثل الذيـاب اللـي سلاسلهـا زهـت بعنوقهـا

[خالد عواض الذيابي]

همتك بسيفي يالجذع ونحاش ميه من هواه=خلها تفيدك شلةٍ عشتك من مسلوقها
يالطير الابرق ماش حوم ولا على شوفك طراه=ليتك قبل نعمي عيونك يالردي اتسوقها

[ابراهيم الجـــــذع]

لا تعترض درب الجمل ما تحتمل هبدة يداه=اللي من أسبابه جمال القوم شفت انفوقها

اظن خالد قلبه اسبيرٍ لوحده من كلاه=يبا يفوق الناس ماله قلب كيف يفوقها

[ولد منصور الابرق]

الاوالله هذا الهجااااااااااااد

كفوو وصحت الالسن ياعمالقه

الله ياخالد

سقت الجذع يالين عديته وراء ضلع السراه
سوق النصوب المردفات اللي تلوح بروقها

والله سقت العقول بحبكك وسبكك للقاف


والجذع ماعليه زود ولاهان يذكرني بلعب على الفالح العضياني الله يذكره بالخير

متابع وضيعتوني من مقاضت الفطور الله يصلحكم

[خالد عواض الذيابي]

لا والله الا ضعت يا ابرهيم في وسط الفلاه=لا تلفق القيفان مايمشي علي ملفوقها
باقي رصيدي ما نقص ماجاك ياكود الزكاه=انا سحقتك يالجذع يالين شفت سحوقها

[خالد عواض الذيابي]

ولد منصور الابرق

صح بدنك وشهااااااااااااااااااده اعتز فيها ياولد منصور

ومشكور على مرورك

تحياااااااااااااااااتي

[ابراهيم الجـــــذع]

روحتك يا خالد تراها روحة امقيط ورشاه=لكن عينك من بكاها لا تكف ارموقها

أنت ترددها كما اللي ناقلٍ داه ابرداه=وأنا سبحت الغبه اللي ما زرق زاروقها

[خالد عواض الذيابي]

الذيب يقنب فالطويله والقطو نسمع صواه=و يسري ويأخذ له عشاء من الضان في مشقوقها
ما لد عينه للبساس اللي يخوفها عواه=ما دور الهزله سوات البس يازندوقها

[ابراهيم الجـــــذع]

اللي عطاك من العلوم الطيبه ربي عطاه=والا أنت خثرق والعرب توحيك يا خثروقها

الشيخ لو يفتي من اللي ينشده واللي فتاه=منته مفرق والسوالف ما تعرف افروقها

[خالد الثبيتي]

الحمدلله انكم فرعتوها قبل تجي الطامه

ههههههههههه

خالد الروقي
ابراهيم الجذع

صحت الالسن و القلوووووووووب


عسى ما تعورتوا هههه :)

الجاي احسن و أنقى ان شاء الله :)

[خالد عواض الذيابي]

صح بدنك يابن منور

لاهنت يالغالي

[ابراهيم الجـــــذع]

صحت أبدانكم جميعاً

تشرفنا بمتابعتكم