وين الشعار ؟؟؟

[فهد سعد العضياني]

سلامي على الشعار نسل الرياجيل ,,, رجال الوفا والطيب واهل الجزيله

بعدها نبي شاعر قبل يسري الليل ,,, يجيب العلوم الطيبه والجميله

[فايز بن سرحان الثبيتي]

صح لسانك يافهد وفي انتظار قبيلك "

مرحبا بك مره ثانيه "

[فهد سعد العضياني]

صح بدنك يابن سرحان


ومرورك شرف طال عمرك يالذيب

[ابراهيم الجـــــذع]

هلا مرحبا ترحيبةٍ توفي الكيل=لو أن السلام يخص بعض القبيله

هل الكيف تشرب كيفها بالفناجيل=واظنك تعرف الكيف بنه وهيله

[برررق الحيا]

صح السانك يافهد طاروووق كايف وممتع في ليلة كلها جزالة

بانتظار المقابل وصح السانه مقدما

[محمد شبيب السبيعي]

الله الله الله


صحت الالسن والقلووووووووب


متابع

[محمد الشامان الحشيبري]

الله الله

واظنك تعـرف الكيـف بنـه وهيلـه


صحت الالسنه

والقلوب

لنا عوده

[فهد سعد العضياني]

ابراهيم الجذع



استلم



يدوم البقا واعداد جيلن بعد جيل ,,, وهذا الجذع ياقوم مافيه حيله

انا خابرك شاعر ولافيه تعديل ,,, وخصمك عدوه بس واعزتيله

[برررق الحيا]

صح السانك يابراهيم الجذع ولايهون فهد

ومتابعين لطارووووق حتى آخر قطرة

[ابراهيم الجـــــذع]

ترا اللي على الوقفات ما يعدل الميل=رجال الوفا والطيب تخلي سبيله

ليا صرت سيف من السيوف المصاقيل=لا بده تقارعك السيوف الصقيله

[برررق الحيا]

ليا صرت سيف من السيوف المصاقيل
لا بــده تقـارعـك الـسـيـوف الصقـيـلـه

صح السانك يابراهيم على هالحكمة والبيت المليان واللي فيه الفخر دون السب للخصم بالرفع منه ووصفه بالقوة ولا يهون فهد العضياني

واصلو وحنا متابعييييين

[فهد سعد العضياني]

استلم يالذيب




ترى اللي على الوقفات مثل المهابيل ,,,, يذوق العنا والمر في كل ليله
ونعمين فيك ومدهلن للمشاكيل ,,,,, وراع الجزاله مايجيب الهزيله

[فهد سعد العضياني]

صح بدنك وانت اللعب معك يشرف


وبصراحه الشعراء اللي مثلك وشرواك يستفاد منهم



على كل (ن)ماقصرت وبيض الله وجهك