أخبار الشعير

[أبوزبن البراق]

مساكم الله بالخير جميعآ
شخباركم يالربع وش علومكم الا وش أخر أخبار الشعير

[الجوراسي]

اسعاره في تصاعد وهو على علاقة عكسية مع اسعار المواشي

-ورغم توقع الكثير بتصاعد اسعار المواشي وخصوصا الذبايح لاننا مقبلين على موسم الحج حيث اشترى معضم الناس كميات كبيرة من الاضاحي توقعا بارتفاع اسعارها ولكن تحرك اسعار الشعير شكل صدمه

- الازمة عالمية حيث يشاهد العالم ارتفاعا ملحوظا في اسعار الحبوب

- اسعار الذبتئح لازالت مرتفعه وماعداها انخفض سعرة

[أبوزبن البراق]

اخوي الجو راسي شكرآ ع.مروركـ
وتعليقكـ
طيب وين راحت التسعيره الجديده سمعت قبل شهر ان سعر الكيس بيكون بـ25 بس للاسف اصبح يزداد كل يوم نص ريال ذحين صار الكيس بـ45

[اسـيـر زمـانـه]

والله ياناس ماهيب حاله كل يوم يزيد السعر

[فهد عبيد المسعودي]

ابشرك الشعير بينزل الى 25 بعد اقل من شهر حسب مصادري الخاصه

[خلف القثامي]

الشعير صارت عليه مضاربه قويه من هوامير التوريد من ميناء جده الى المنطقه الوسطى


اسعار غير معقوووله


يقفز من 28 ريال الى 48 ريال تقريبا


شبه تدبيله

الله يستر لايصير فوق 70 ريال

بترول رقم 2

النفط 70 دولار

والشعير يمكن يصل 60 ريال


بسبب ايقاف التصدير من جمهورية روسيا

للقمح

[الحميدي الفجري]

اليوم الصباح بـ 47 ريال


ويوم جيت العصر لـبـ 50 ريال

وحسبي الله لمن كان السبب

حتا الورعان في المدرسه يسولفون في الشعير

[ذيب السبايا]

هههههههههههههههههه

ياعم عربي خذ راتب زيادة بيدك اليمنا وجيبها باليسرى مع الفوائد

[أبوزبن البراق]

شكرآ على ردودكم اخوي فهد الله يبشركـ بالخير الشعير له شهرين وهم يبشرون بنزول سعره وما شفنا شي الا كل يوم يزداد
حسبنا الله ونعم الوكيل

[محمد بن غازي]

ارتفاع سعر الشعير يجبر تجار الأغنام على تخفيض الأسعار المبالغ فيها ... والعكس صحيح ...

[ابو نايــف]

ياخي العالم ماتقدر تشتري ذبايح


ودك ماينخفض لمدة سنه عشان تصير الذبيحه بـ 200 ريال

[سلطان نايف العضياني]

ياأخي أنتم تقولون إذا إرتفع سعر الشعير ترخص الذبايح وهذا غير صحيح

هل من المعقول أن أشتري كيس الشعير مثلاً بـ48 وأبيع الذبيحه بـ 500أو 400

أكيد رايح أدبل سعرها

[فهيد الايدا المورقي]

تجار الشعير حراميه وتجار المواشي حراميه


حرامي طاح في حرامي



كلهم طماعين والضحيه المواطن


تحيتي

[محمد بن غازي]

ياأخي أنتم تقولون إذا إرتفع سعر الشعير ترخص الذبايح وهذا غير صحيح

هل من المعقول أن أشتري كيس الشعير مثلاً بـ48 وأبيع الذبيحه بـ 500أو 400

أكيد رايح أدبل سعرها




ياسلطان اكثر تجار الاغنام مايملك سيوله يشتري شعير .. خصوصاً بالسعر الغالي .. ويضطر يصرف الأغنام اللي عنده بدل مايحتفظ فيها لوقت اطول مع غلا الشعير لأنه المتضرر ... ولو دبل سعرها السوق مايطيعه ...