فواز السعيدي شاعر هذيل المنتظر [الأرشيف] - الهيـــــــــــــلا *** منتدى قبيلة عتيبة

علي الثبيتي

25-Sep-2010, 01:59 AM

تفضل يابو عايش كان وقتك يسمح

تعال يافواز ياشاعر هذيل المنتظر= اللي عليه اتعلق الهذلان كل امالها!!
قبل 3 ايام سامع يمكم علم وخبر= صكو محطات القناه اللي تبث ارسالها

بن ساعد الثبيتي

25-Sep-2010, 02:01 AM

صكوا محطات القناة اللي تبث ارسالها
صكوا محطات القناة اللي تبث ارسالها
صكوا محطات القناة اللي تبث ارسالها

الله الله صح لسسسسانك يالنشمي ولسآن الهذلي مقدماً

علي الثبيتي

25-Sep-2010, 02:16 AM

حياك الله يابن ساعد وصح بدنك

ابراهيم الجـــــذع

25-Sep-2010, 02:20 AM

صح السانك يا ابو فهد

والسان قبيلك

واحد نفر متابع

خلف المطيري

25-Sep-2010, 02:29 AM

الله الله

احسب انك تقول المهدي المنتظر

زين تلاحقت يدي

صح السانك والصف صفك

وصح السان فواز مقدما

ويالله تصبحون علي خير دقت الساعه

نوآف الغنامي

25-Sep-2010, 03:23 AM

الله الله

مســـآكـــ الله بالخير يا شايبنا

ذكرتني بالرجال اللي يقول :
مسيت بالخيرات يا شاعر ثبيت المنتظر :)

صحــ لسانكــ يبو فهـــ<

وصح لسان ابو عايش مقدمـآ

فواز السعيدي

25-Sep-2010, 11:22 PM

المعذرة يالنشمي والله دوبني ادخل المنتدى وانتبه لموضوعك

/////////
.................

انتظر تواجدك لننهي المحاورة

..

فايز بن سرحان الثبيتي

25-Sep-2010, 11:43 PM

صحت السنتكم مقدما ً

ابو فهد & ابو عايش

في انتظاركم "

فواز السعيدي

26-Sep-2010, 12:27 AM

عدنــــــــــا

//////
..........

شاعر غروب السيل .. لوّ انه على النّت اشتهر = لو عاش مطلق كتّفه في غترته وعقالها !!

بعض المعاني ياعلي تمشي على بطن وظهر = لاتقبل الهرجه من الهارج قبل تصحالها !!

عيد العازمي

26-Sep-2010, 12:39 AM

ابو فهد & ابو عايش

ولعب الجيران غير

صحت السنتكم

فواز السعيدي

26-Sep-2010, 12:40 AM

كل من مر له حبه على راس خشمه

//////////
...................

لاهنتو

علي الثبيتي

26-Sep-2010, 02:00 AM

شاعرولو لديت للهذلان لده بالنظر =شدو هذيل أهل اليمن والشام من منزالها

ياجارنا خل الدعاوي والمشاكل والقشر =الزم حدودك لاتعدا ديرتك وجبالها

فواز السعيدي

26-Sep-2010, 02:55 AM

الله الله
/////
........

هذيل لوعارضتهم ياعود وطّوك الكفر = تظهر قصابينك وتظهر معدتك وطحالها !!

بكره نرز خيامنا في فيّة الضلع الحمر = اللي وراه تبرّك الثبتان كل جمالها !!

برررق الحيا

26-Sep-2010, 03:07 AM

صح السانك يالنشمي وبيض الله وجهك على هالطلب خخخخخ
بدع كايف وممتع وجزل

وصح السان المطلوب فواز السعيدي وعزالله إنه وافي في الرد والنقض

طاروووق يستاهل المتابعة وحامي جدا فوق امية فهرنهايت خخخخخ

متابعة وماسك صف ثبيتي ولايهونون هذيل

علي الثبيتي

26-Sep-2010, 03:08 AM

الامر صادر وانت يافواز تدري بالامر= ماعاد باقي في يدينك حيلةٍ تحتالها!!

لاتبني اخيامك بجنب اجمالنا خلك حذر=ماريد يمسي جارنا في حالةً يرثالها!!

علي الثبيتي

26-Sep-2010, 03:11 AM

كل من مر له حبة خشم

//////////
...................

لاهنتو

علي الثبيتي

26-Sep-2010, 03:14 AM

برررق الحيا

26-Sep-2010, 03:15 AM

فواز السعيدي

بكره نرز خيامنا في فيّة الضلع الحمـر
اللي وراه تبرّك الثبتان كـل جمالهـا !!

النشمي :

لاتبني اخيامك بجنب اجمالنا خلك حذر
ماريد يمسي جارنا في حالةً يرثالها!!

صحت الألسن والقلوب مجتمعة ومتحابة والطاروق حامي وضرب السيوف أصواتها تطرب داخل الميدان

متابعين

فواز السعيدي

26-Sep-2010, 03:21 AM

الله الله
/////
..........

اثرك مطارد ياعلي ويدورونك من شهر = جتني علومك يابناخ المشكلة ياخالها !!

حنا بنينا جدرنا ولا انت ماعندك جدر = عان البيوت اللي بنيناها وعان ظلالها !!

علي الثبيتي

26-Sep-2010, 03:40 AM

ماهمني هرج الضعوف وكيدها وسط النحر=راحو سوات السلعه اللي عافها دلالها!!

خلك ورى الوادي يابن عايش وموت من القهر=هذيل من ذيك السنيه منشرب فنجالها!!

ابو فايح

26-Sep-2010, 03:56 AM

علي العود

الله الله وش هالعلوم

لايكون عندنا فالحويه العلم اللي معك

فواز السعيدي

وين الناس ؟؟

صحت السنتكم ومتابعين للأخر

فواز السعيدي

26-Sep-2010, 04:05 AM

طيب طيب
///////
..........

الشايب اللي يستحي يقدي شيوخه والجبر = والشايب العايب .. مثل بقعا ومثل عيالها !!

ياكم هرجت وكم هرجنا .. والظفر لاهل الظفر = نسيت باكستان يوم اهتشّها زلزالها !!

فواز السعيدي

26-Sep-2010, 04:07 AM

اهلا ابا فائــــــح

كيف حالك ؟

علي الثبيتي

26-Sep-2010, 04:09 AM

ياهل عقل شدو ورى الكبري تراكم في خطر= الناس تدري بالعلوم اقصارها وطوالها

اما يجيكم مشكله من فوق والا من حدر=خل الدعاوي منت ناقضها ولا فتالها

فواز السعيدي

26-Sep-2010, 04:14 AM

هههههههههههه

الله يخارجنا

/////////
...........

صح لسانك يالنشمي

استمتعت بمجاراتك

وتصبح على خير

علي الثبيتي

26-Sep-2010, 04:19 AM

هههههههههههه

الله يخارجنا

/////////
...........

صح لسانك يالنشمي

استمتعت بمجاراتك

وتصبح على خير

حياك الله يابو عايش وصح بدنك وتصبح على خير انت وجميع من تواجد معنى على المتصفح

ولهم مني كل التقدير والاحترام