في علو الجبل ذيبٍ اشهب وبين السلم بربري

[ابراهيم الجـــــذع]

السلام عليكم ورحمة الله وبركاته





مساكم الله بالخير جميعاً





ابتدا الليل والخصم فارق عيونه لذيذ الكرا=قوم يا الشاعر اللي تحب المواقف وقلبك جري

كل شاعر يعرف المعاني بفنه وعينه ترا=في علو الجبل ذيبٍ اشهب وبين السلم بربري

[خلف المطيري]

صح السانك يالجذع

الليله علوم سد علوم

والصف صفك

[ابراهيم الجـــــذع]

هلا وغلا خلف

صح بدنك يا الغالي

والصف يزها بك طال عمرك

[ماجد العصيمي]

ابتدا الليل واليا ابتدا معه لازم نرد البرا=مار جود حزامك ليا ثورت لاتعود قري
كلما ولعت لدت الناس قالت وش اللي جرى=واثرها هينه كلبوها نتايج عمل سرسري

[ابراهيم الجـــــذع]

السوالف كثير وحنا ترا فالعلوم اخبرا=البلا العالم اللي تكب السمين وتحب الهري

من هو اللي درا عن هذا العلم واللي سرا ما درا=اشهد أنه سرا ليل حالك ظلامه ولا ينسري

[ماجد العصيمي]

لاتجي في نحرها مدامك غناوي وفيه افقرا=خلها للفقارا تعرمش بها وانت لاتزدري
لبسوها ثيابن حرير وذهب يالباس العرا=والمجنن تخمخم بها يوم شافت لباس العري

[أخو جوزا]

الجذع ...........العصيمى


صحت السنتكم

[ابراهيم الجـــــذع]

يا العصيمي ترا العلم دون الثريا وفوق الثرا=كيف طبيت فالسوق يوم استوى السوق للمشتري

كل من ينفخ الذرب ذربه مثل حية الكوبرا=مستعدٍ على راسه واقفٍ وقفت العسكري

[علي الثبيتي]

هذا القاف يصلح بعد صلاة العصر ههههههههههههه

صح لساااااانك يابو نايف

وصح لساااااااااااااااااان ماجد

[ابراهيم الجـــــذع]

هلا وغلا يا أبو فهد

صح بدنك يا الغالي

ههههههههههههههه

والله صادق حق عصر

[ابراهيم الجـــــذع]

هلا وغلا اخو جوزا

صح بدنك يا الغالي

شرفني مرورك

[ماجد العصيمي]

التفت للحسا واصله والتفت واصل ام القرى=كل قلبن صمودن طموحن جري يبلغ المعبري
فالعرب يابشر جن لو يشتغل هد قمة كرا=مار في قمة الضلع ذيبن ليامن عوى تنفري

[ابراهيم الجـــــذع]

والله اني معلمك بالعلم يا الحصني الازهرا=مير خلك تروغ سواته ولو ما هي بخاطري

كان بك جن جاكم من اللي كتب فالكتاب وقرا=راقياً يدوخ الجن لين الدعاوي تروح اعثري

[ماجد العصيمي]

صح لسانك



ماعاد الا الرقاد يابراهيم

[ابراهيم الجـــــذع]

صح بدنك يا الغالي

بيض الله وجهك ما قصرت

[نوآف الغنامي]

الله الله


صحتــ السنتكم ..


ولآ هنتوا

[احمد العالي]

قاف طويل الله يخارجنا بس واصلووو