. ابراهيم الجذع .

[فهد الشيباني]

سلام عليكم .


سلام تسليمةٍ وقت المساء والصباح = تمشي على كيفها والناس في كيفها

خابرك يا هالجذع ما تقبل الانفتاح = تضيق ابك نفسك اليا وريت طيفها

[عيد العازمي]

سلام تسليمةٍ وقت المساء والصباح
تمشي على كيفها والناس في كيفها
خابرك يا هالجذع ما تقبل الانفتاح
تضيق ابك نفسك اليا وريت طيفها



الله الله يافهد


جزل صح لسانك


وصح لسان المبدع ابو نايف مقدما

[ماجد العصيمي]

صح لسانك يابن مشيب وبانتظار الجذع وصح لسانه مقدما

[فهد الشيباني]

صح بدنك يالعازمي وتشرفنا بمرورك يالغالي .

[فهد الشيباني]

صح بدنك ياابو جزا ومتابعتك شرف لنا يالغالي .

[ابراهيم الجـــــذع]

يا مرحبا مثل براق الحيا يوم لاح=ترحيبةٍ ما تعرف الصدق من زيفها

اليا قبلتوه جيناكم بعقد النكاح=وأنت على وسع نفسك جاك تكليفها

[ابراهيم الجـــــذع]

صح بدنك يا أبو طلال

اشكرك على الإطراء

[ابراهيم الجـــــذع]

هلا وغلا اخوي ماجد

صح بدنك يا الغالي

[فهد الشيباني]

دام البقا يارجل وانته تحب المزاح = يا صعبها يالسيوف الثلم مع سيفها

يا هيه ما فادكم كثر العدي والصياح = طيب العتيبي عسى ماهو على ريفها

[فهد الشيباني]

صلاه وراجع .

[ابراهيم الجـــــذع]

حنا نعرف البريم وعارفين الشباح=يا ليت بعض العرب تدرك عشا ضيفها

فعلاً من اسيوفنا ومذربات الرماح=يوم أن بعض العرب يا هون تكتيفها

[فهد الشيباني]

يا صاحبي يالجذع ولى التغطرس وراح = لو كان بعض البشر ضاري بتحذيفها

ابسألك ليش ماخذ موقفٍ من رباح = النبره الضافيه نحتاج تعريفها

[برررق الحيا]

صح السان فهد وصح السان ابراهيم وشعار طاروق ومعنى وجنا حضور ومتابعين


واصلو ولاهنتو

[ابراهيم الجـــــذع]

بعض السوالف ترا ما لك وراها صلاح=بعض الآوادم تخرف قبل تخريفها

يوم أن ضرب المعاني مثل ضرب السلاح=ما هوب مقنع تصرفها وتصريفها

[فهد الشيباني]

ما طار طيرٍ وعانق جوه الا وطاح = رحله قصير على البحار تجديفها

ما كل يومٍ تبا تكسب وتحصد رباح = لابد تفنع وترضى بعد توظيفها
صح السانك ياابراهيم واشكرك على تلبية الدعوه وتشرفت وانا اخوك .

[ابراهيم الجـــــذع]

صح بدنك اخوي فهد

الشرف لي يا الغالي