الملعبه بنتٍ نهار الكون

[ابراهيم الجـــــذع]

السلام عليكم ورحمة الله وبركاته








الليل الليل ههههههههه





يا مرحبا في مرحبا مليون=تطرب لها من يوم تسمعها

الملعبه بنتٍ نهار الكون=تومي ببخنقها وبرقعها

[مــــحــــمــــد]

صح لسانك وفي انتظار قبيلك يابراهيم

[ابراهيم الجـــــذع]

هلا وغلا أخوي محمد

صح بدنك يا الغالي

شرفني مرورك

[علي الثبيتي]

صح لسااااااااااااااااانك يابراهيم وصح لساااااااااااااان قبيلك والله يعينه عليك ههههههههه

[ابراهيم الجـــــذع]

ههههههههههه

هلا والله أبو فهد

صح بدنك يا الغالي

يمكن الله يعيني على اللي يقابلني هههههههه

[محمد شبيب السبيعي]

هلابك يالجذع

أسمح لي بمجاراتك



دام البقا يالجذع يالمفتون=غازلتها وأنا بدلعها
مجنون ليلى حظه الملعون=من سبته هلت مدامعها

[ابراهيم الجـــــذع]

ما هي على هامان يا فرعون=قدامك القوم ومدافعها

أن ركبت الجمره على الغليون=شعاركم والله لجربعها

[نواف المطيري]

ابرهيم الجذع صح السانك عدد بلا مدد

السبيعي صح السانك عددبلامدد

متابع لكم

[ابراهيم الجـــــذع]

هلا بك اخوي نواف

صح بدنك يا الغالي

شرفنا مرورك

[محمد شبيب السبيعي]

بالهون ياراع الهوى بالهون=النار مطفيها مولعها
خل المهايط عنك يابوقرون=من كبر القمه مايبلعها

[ابراهيم الجـــــذع]

قدام تنطح رمحنا المسنون=اقرا مواضيعه وراجعها

كان السبيعي شاعرٍ ملسون=انقز اسنونه واقلعها

[نواف المطيري]

قدام تنطح رمحنا المسنون=اقرا مواضيعه وراجعها

كان السبيعي شاعرٍ ملسون=انقز اسنونه واقلعها

الله الله عليك يابراهيم صح السانك

فكني الله منك بعد جهز ردي عليك ههههههههههه

[ابراهيم الجـــــذع]

ههههههههههههه

ما فات الا الشر

خيرها بغيرها

[محمد شبيب السبيعي]

القصه الي مالها مضمون=ماهي حسوفه لونقطعها

كان العتيبي شاعرن مجنون=أظهر عفاريته وإطلعها

[ابراهيم الجـــــذع]

تبا الكلام الصدق ما من لون=تخالف الناقه وترضعها

الملعبه ما هيب هز متون=عفريتنا صورته طابعها

[محمد شبيب السبيعي]

تبا الحقيقه جاك أبو حجون=ناقتك جاها من يشبعها
عان الفحل هبدان عانه هون=ناقتك تلقح لو يصارعها

[ابراهيم الجـــــذع]

حنا ترانا يا سبيع انمون=وارماح ندري وش توابعها

وأن كان ما تدرون ما تدرون=اطيورنا نعرف مواقعها

[محمد شبيب السبيعي]

تقراء وغيرك عالمن يقرون=مدري لو أن الجذع صانعها

ماودنا نظهر لك المدفون=وتزعل حليمه وختها معها

[ابراهيم الجـــــذع]

اسبيع لو تظحك بدون اسنون=حتى براطمها توسعها

الله حماك اليوم بالقانون=والا ضلوعك من يشلعها

[محمد شبيب السبيعي]

نفش صدرك فشت البالون=والقنبله عادي تفرقعها
سوالفك سوالف ام عيون=الي تدور من يضاجعها

[محمد شبيب السبيعي]

صح لسانك يالجذع والله يكفينا شررررك وتصبح على خير

[ابراهيم الجـــــذع]

يا اللي تحسب أن الحدج ليمون=الخيل تاكله ويصرعها

اثرك لسلعه تبا عربون=هقوتك لا تخلف روابعها

[ابراهيم الجـــــذع]

ههههههههه

صح بدنك يا الغالي

كلها مزح خفافي

وأنت من أهل الخير

[خلف المطيري]

القاف هذا متي صار

صحت الالسن والقلوب جميع

علي طاري الحدج البهايم لو تاكله تموت والسالم يسّهل

الا الحمار يعتبره كنافه مايثر فيه ههههههههههههههههه خخخخخخخخخخخخخخخخخخخخخخخ

[ابراهيم الجـــــذع]

ههههههههههههه

هذا قصدي بالخيل

لأنه يمخمخ صح مع الحدج هههههههه