قصيدة في شيخ شمل قبيلة الشيابين

[سلمان العرم]

قصيدة مهداه إلى شيخ شمل قبيلة الشيابين وأمير الفوج الثامن
الشيخ الامير / سلطان بن ماجد بن فهيد الشيباني


سلام يابن فهيد من قلب ولسان
سلام ياشيخ(ن) على الشمل كله
سلطان لاعدو هل الطيب سلطان
شموخ عز(ن) والوفاء مستحله
فيه الشهامه والتواضع والاحسان
وفيه الصفات اللي بغيره مقله
شيخ القبيله كلها طير حوران
وامير فوج ولاحملها سوله
يوم(ن) بعض الناس من دون عنوان
ماغير بشته فوق متنه يشله
ماهم بقد الصيرمي عالي الشان
اللي فعوله في النوايف مطله
شيخ(ن) نجيله كل ماثار دخان
يحمي بني عمه وخصمه يذله
والله ماننسى ماقفه عند سلمان
يوم(ن) جدي في الشدايد زبنله
شيخ(ن) يجيله في المواقيف برهان
سيفه على صعب المهمات سله
يقود قوم(ن) في المواقف لهم شان
الاد مشيب واسمين الاهله
امارة جتله من اسلاف جدان
ماهيب امارة مال دقه وجله
ورث(ن) لبوه اللي له الطيب عنوان
ماجد زعيمن ماقفه شاهدله
ينطح طوابير(ن) و ينطحله اركان
من دون ربعه ماتجيهم مذله
يارد حياض الموت في كل ميدان
يمشي وربعه ماشين(ن) بظله
انا اشهد انه شيخ ورث(ن) لشيخان
المرجله والطيب فيهم جبله
ميت وذكره حي مع مر الازمان
يذكر بقولة نعم جاه(ن) ومله
ياجعل منزاله بروضات وجنان
برد وسلام ومنزله مايمله
خلف لنا شيخ القبيلة كحيلان
سلطان فعل الطيب من عادةله
شيخ(ن) وابن شيخن على شمل شيبان
حلال عقدن مالقي من يحله
وختامها ياجعله يدوم سلطان
للشمل دايم ثابتن في محله


الشاعر/ سلمان بن نايف بن جفين العرم الشيباني

[مقاطي سيفه صاطي]

صح لساااانك يالعرررم ويستااااهل ابومااااجد والله يحفظ لعتيبه شيوخها

[فايز بن سرحان الثبيتي]

يوم(ن) بعض الناس من دون عنوان =ماغير بشته فوق متنه يشله
ماهم بقد الصيرمي عالي الشان =اللي فعوله في النوايف مطله
شيخ(ن) نجيله كل ماثار دخان =يحمي بني عمه وخصمه يذله
والله مانسى ماقفه عند سلمان =يوم(ن) جدي في الشدايد زبنله



سلطان بن فهيد كفو وانت بعد كفو "

صح لسانك ياسلمان شاعر جزل "

بيض الله وجهك "

لازلنا متابعين لكل ماتطرح و ننتظر منك كل جديد "


وليتك مسير على هالرابط وانا اخوك :

http://www.otaibah.net/m/showthread.php?t=92948

[الصل]

والله ونعم بألاد مشيب وبن فهيد

صح لسانك والله ياسلمان

تقبل تحياتي

[سلمان العرم]

صحت ابدنكم جميعا وشكركم جزيل الشكر على هذا المرور الطيب


لكم مني اجمل تحيه