ابو فلاح ... من يسوق البعيــر ...؟.؟.؟

[سلطان الجـذع]

..

..


ابو فلاح اذا وقتك يسمح ... ياطويل العمر :)



ياعلي لاتصغر القالات وانته فالمقام الكبير = بيني وبينك ترى ليل العلوم الاولة ماانجلا!!
لا صرت انا أمير وانت أمير .. قل لي من يسوق البعير ؟= تبا تغيب النجوم مقابلين بعيرنا فالخلا!!

[فايز بن سرحان الثبيتي]

لا صرت انا أمير وانت أمير .. قل لي من يسوق البعير ؟
تبـا تغيـب النـجـوم مقابلـيـن بعيـرنـا فالـخـلا!!



ياسلام ياسلام "


صح لسانك يابو عبدالله وفي انتظار اكتمال الابداع من ابو فلاح وصح لسانه سلفا ً "

[سلطان الجـذع]

..
.

ارحب ارحب يابو ريان ... صح بدنك ولاهنت ..

[مــــحــــمــــد]

الله الله الله الله الله

بدعه تعيدنا إلى زمن الابداع

صح لسانك ولسان ابو فلاح


ابشرلك بمدرب صف (مايحول ) الا من مرابع النجوم

واصلو متابع

[ناصر الجلاه]

..

سلطان الجذع

..

علي أمير ما اختلفنا ....!!!

انت متى جيت أمير ههههههههه

ياسلام ياسلام

صح لسانكـ وصح لسان ابوفلاح

واصلوووا متابعين

..

[سلطان الجـذع]

..
.

ارحب ارحب يامحمد .. شرفتنا بتواجدكـ .. صح بدنك ولاهنت

مير انتبه لاتطيح ونبلش بك :) ...

..

[سلطان الجـذع]

..
.

ارحب ياناصر ارحب ... ومن وقت جداني يامال العافيه :) ...

صح بدنك ولاهنت على تشريفكـ ...

[مــــحــــمــــد]

هههههههههههههههههههه

يحبك للفه والتدويره :)

ولاكن لا تحدني اغير الصف ثم معد تلقى احداً يقف في صفك

[سلطان الجـذع]

..

طيب ماقلنا شئ :) ... والله الله فالصف لاعدمناكـ ... :)

[مــــحــــمــــد]

امزح معك طال عمرك الصف صفك لين تطلع نجمة الصبح

[صميدع.]

سلطان الجذع ..


صح لسانك ..



وراك مندس يالأمير هههههههه



صح لسان الأمير علي مقدما

[سلطان الجـذع]

..

ماابطى بالسيل الا كبره :) والله الظاهر مانستمر لين تطلع النجمه :)

المهم خلك قريّب تحسباً لاي طاري

[علي فلاح العضياني]

أرحب يابو عبدالله أتشرف طال عمرك



الوقت الاول ترى ما دمّره غير الزمان الأخير=السلعه الغاليه ما عاد توجد وسط سوق الغلا
و الله ما تصبح فيافي نجد خضراء مثل سودة عسير=ألاّ ليا منّ وجه الارض من غرّ السحاب إمتلا

[خلف المطيري]

هههههههههههههههههههه

يحبك للفه والتدويره :)

ولاكن لا تحدني اغير الصف ثم معد تلقى احداً يقف في صفك


ههههههههههههههههههههه
مافي مشكله

انا في صف الجذع حتي تقوم الساعه:eek:

صح السانك يالجذع

والليل والليل

[علي فلاح العضياني]

الاخوان الموجودين



حياكم الله كلٍ بإسمه





شرفتونا بمروركم الكريم

[سلطان الجـذع]

..
.

طيب طيب


دنياك ياصاحبي عيا على العليا قدمها يسير = والسر في وجهها .. بعض الوجيه الغبر جات دخلا!!
ياموسم الهجرة اللي مع قدومك كل طيرٍ يطير = مدري على ديرة ابن فهيد والا ديرة ابا العلا!!

[سلطان الجـذع]

...

ارحب ارحب ياصميدع .. شرفت بحضورك .. والبس النظارة :)

[سلطان الجـذع]

...

ارحب ارحب ياخلف ... شرفتنا بتواجدكـ ..

والصف اللي تجي فيه مبروك ومنصور راعيه ان شاء الله :)

[خلف المطيري]

دنياك ياصاحبي عيـا علـى العليـا قدمهـا يسيـر
والسر في وجهها .. بعض الوجيه الغبر جات دخلا!!

صادق صادق

ماتشوفني خليت الميادين انا وابن شلاح هههههههه

صح السانك يابوعبدالله

والليل الليل

[ماجد العصيمي]

متابع



رغم أن الابداع لم يكتمل بسبب (اللعب من برا)

[سلطان الجـذع]

..
.

ارحب ياماجد ارحب ... وكل شئ مكتمل يالغالي ... ولكن لإنك برى في حويمضه وجراب :)

تحسب اللعب من برى وهو في قلب الحدث :)

[علي فلاح العضياني]

الله الله الله


الضيف لو ما لقى عند البدو تمره و سمن و مضير=أرض الجزيره ما ضاقت يالعتيبي من خيار الملا
المشكله فالبخيل اللي عطاه الله مالٍ كثيــــر=على لسانه ثقيله قولته : يا مرحبا يا هلا

[سلطان الجـذع]

..
.

طيب طيب


لاياخذك واقع الاحلام والايام برد وهجير = خايف يقول الزمن مامن بعد مرٍ تذوقه حلا!!
عزيز قومٍ ليا ما شاف فوجيه المقايبل خير = لامشكلة لو يقضي العمر كله مع وحوش الفلا!!

[علي الشهراني]

عاااش من شاااااااافكم


سلطاان و علي


صحت السنتكم جميعا

[علي فلاح العضياني]

طيب طيب


الواقع يصير يوم المستحيله مستحيله تصير=زميلي العام ما كنّا قضينا ربع يوم زملا
وش هو علاج المريض اللي منوّم فوق ظهر السرير ؟=فالكبد فيروس و يعاني و يشكي من غسيل الكلى

[علي فلاح العضياني]

عاشت أيامك


حياك الله و كل عام وانت بخير

[خلف المطيري]

عزيز قومٍ ليا ما شاف فوجيه المقايبـل خيـر
لامشكلة لو يقضي العمر كله مع وحوش الفلا!!

---------------------------------------------

هاذي حكمتي فالحياه

صدقت صدقت شرّبك علي ايدين الرجال هماج

ياسلام سلم

علي اسمك سلطان

صح السانك

والصف منذو مبطي

[سلطان الجـذع]

...


لو تنشد الرّحل اللي يعرفون المجمعة من سدير = قالوا عسى الله يعافيك ويكافي المسلمين البلا!!
عيت تفيد الجبارة يابن ثعلي في عظام الكسير = لكن ياعلي اقر فوقه من كتاب الله المنزلا!!

[علي فلاح العضياني]

اللي يغطّ الحقيقه يعتبر خاين و ميّت ضمير=للخير ناس عملا و الشرّ له بالمثل ناس عملا
عمّك ليا منّ عيني فيه لدّت شفت وضعه خطير=و أطلب من الله يشافي علّته ما أضحك من المبتلا

[علي فلاح العضياني]

ابو عبدالله



صح لسانك وتشرفت بلقائك يا أستاذي العزيز




تصبح على خير





و الشكر موصول للاخوان اللي شرفونا

[فهيد الايدا المورقي]

الله الله الله الله الله
الله الله الله الله
الله الله الله
الله الله
الله


سلطان الجذع

على فلاح العضياني


صحت السنتكم


طاروق عالمي


تحيتي

[ابو فايح]

متابع من بعيد


بالدربيل الليالي



صحت السنتكم وننتظر اكتمال الإبداع

[سـعـد الـعـصـيـمـي]

الطاروق بيَن من عنوانة خمس نجوم
لله درررررررركم

[مشاري]

شعراء عمالقه وطاروق رااااائع استمتعنا فيه

تحيتي للجميع..

[زياد المزرمي]

الله الله


شعراء كبار


وطاروق فايف ستار


لله دركم يا مبدعين

[معجب العتيبي]

الله الله


العمالقه موجودين



صحة الالسن

[سعد الذابح]

طاروق رائع .... وشعراء مبدعين

ودي,,,,,

[ابن مداعيل]

لله دركم على هاللعب

وصح لسانكم

[ابراهيم الجـــــذع]

الله الله الله

صح السانك يا أبو عبدالله

وصح السان علي

مبدعين مبدعين مبدعين

[عيضه الثبيتي]

ياسلام ياسلام



مبدعين وقاف متعوب عليه




تقديري