أسال اعزاز القوم ربعي عتابه(لغز عليه جائزه ماليه)

[خلف محماس العصيمي]

جعل السحاب إلي ابر وقه يلوحن=
تضحك مقاديمه ويبكي عقأبه

والياء وصل ديرت وليفي يهيجن=
لينن سيله تقتحمبه شعابه

دارن بها المجمول يدهل ويسكن=
جعل المزون الممطرة من هبابه

من السمار لييسر الضلع الأيمن=
حقوق سيله يعجب إلي مشابه

في ديرتن فيه ألجوازي يربن=
وفيه الا دامي راغباتن ترابه

وفيه الطيور الحايمه مايحومن=
أليا تعلن عودن بنعطابه

ضلعن طويل وفيه عالي وطامن=
وعلاه من دار الرقابة رقابه

علاه عؤدن حزت الضيق يفتن=
وليا تضايق حول جنبه عصابة

والياء زهمهم جوه مثل المجنن=
يردون حوض الموت ورد الذيابة

الأصل واحد ماد خلهم مهجن=
أعيال عود وكلبوهم قرابة

لعل يفداهم ردين ملون
إلي رداه مربطن في زهابه=

غلفتها بغلاف مبهم ومتقن=
والي يدور حلها وعذابه

والي يقول انه ماهوب أمتمكن=
يسال عزاز القوم ربعي عتابه

ويلقى كلامي في كتابن مدون=
يقرءا الكتاب ويفتهم في جوابه

الشاعر /خلف محماس العصيمي.

[علي الثبيتي]

خلف صح لسااااااااااانك

وماهو مقدار الجايزه

حتى ندقق في ابيات لغزك

[خلف محماس العصيمي]

السلام عليكم ورحمة الله وبركاته

اسعد الله مساكم بكل خير

اخي السأل عن مقدار الغز قيمة الجازه عشرة الاف ريال

والاجابه تتكون من ثلالث اجابات

وشكراااا

خلف محماس العتيبي

[سيف الأسلام]

والله اللغز مره صعب


ولي محاوله بس لاتقولون منين جبته هههههههههههه



حل اللغز من قرايتي له = الموبايل ( التلفون ) ويشمل = أبراج السيرفس و البطاريه + وارقام الناس

في ديرتن فيها الجوازي يربن ********** وفيها الادامي راغباتن ترابه =( ارقام الناس المخزنه)

1_ وفيه الطيور الحايمه مايحومن*********** اليا تعلن عودن بنعطابه = ( أبراج السيرفس - التغطيه تتحرك
ضلعن طويل وفيه عالي وطامن ********** وعليه من دار الرقابه رقابه= نازله طالعه ورقابه من الشركه


2- عليه عودن حزة الضيق يفتن********** واليا تضايق حول جنبه عصابه = ( العود هو قوة تحمل البطاريه والعصابه الشواحن التي تغذيه من الكهرب
اليا نخاهم جوه مثل المجنن ********** يردون حوض الموت ورد الذيابه = ( اذا تم الشبك انشحن


3- الاصل واحد مادخلهم مهجن ********** عيال عود وكلبوهم قرابه = ( الاصل واحد وهو الموبايل وقرابة الارقام
ياعل يفداهم ردي ملون ********** اللي رداه مربطن فيه زهابه

[عبد الكريم العازمي]

والله تسلم يمينك أكيد اللغز محير يا طويل العمر

لكن نشوف ردك على سيف السلام

[خلف محماس العصيمي]

الحل غير صحيح والعود انسان وليس جماد

وسلامتكم

[فهيدفيصل العصيمي]

الحل ياخوي خلف انكان اصبت الهدف
هواقسام قبيلة عتيبة 1الثبتة 2برقا 3روق

[خلف محماس العصيمي]

الاخ فهيدالعصيمي الجواب غير صحيح

[فهيدفيصل العصيمي]

الطيارة فلجووطيورطارن = ولكبتن الطيارفوق السحابة

وارض المطارالى منهايطيرن =لولالحرس ياذيب تغدي نهابة

[المـرشدي]

خلف على ماظن تقصد في الحب وبعدها الزواج منها وبعدها الاولاد

[فهيدفيصل العصيمي]

الطايرة فلجووطيورطارن =والكبتن الطيارفوق السحابة

وارض الامطارالي منهايطيرن =لولالحرس ياذيب تغدي نهابة

[هجاد الثبيتي]

خلف بن محماس ترا النصيفه لك وانا ابن ثابت



انا اقول والعالم الله




انه (قلب الانسان)

[الــــــنــ511ــايــف]

السلام عليكم ورحمة الله وبركاته
اخوووي محمااااس الحل مهوب المكان اللي اختفى فيه (سلطان الدين) حينما راح للملك عبدالعزيز

[غالب الذيابي]

لغزك صعب يالعصيمي وبين عليه مليان ..

لكن ابيك تعلمني انت وين اتجاهك يوم تقول اليا ايسر الضلع الايمن .

انت بالحجاز والا نجد؟.

:
:
:
: