الفقر بلوى من كبار البلاوي

[العامري1]

قصيدة للشاعر رجا بن هدي المباركي العالي المتوفي عام 1391هـ (يرحمه الله)عند ما لامه بعض جيرانه على كثرة ذبح اغنامه لاي ضيف حتى وان كان طفلا صغيرا او امرأة :


يامل قلبٍ للشكاله نحاوي
من الوجيه اللي كثيرٍ حياها
دايم على تبع الشكاله شفاوي
لو اعذله عيا يطاوع بلاها
قالوا لي العربان مجنون غاوي
مجنون غاوي ومتحلوي كلاها
والفقر بلوى من كبار البلاوي
والمرجله طاله لحيٍ قناها
والبيت مانبنيه سد الملاوي
وارزاقنا من عند ربٍ عطاها
نبنيه من دون البخيل الغناوي
لوبرقت دنياه ضايع جداها
اقولها بالصدق ماهي سناوي
حنا ندسم بالشحم من نصاها

[سلطان الفجري]

الله يرحمةا لشاعر رجا بن هدي المباركي
تحياتي

[محمد العتيبي]

الله يرحمه ويجعله فالجنه ..




لاهنت يالغالي على النقل الطيب ..



تحيتي
..

[الصقر الحوام]

قصيدة للشاعر رجا بن هدي المباركي العالي المتوفي عام 1391هـ (يرحمه الله)عند ما لامه بعض جيرانه على كثرة ذبح اغنامه لاي ضيف حتى وان كان طفلا صغيرا او امرأة :


يامل قلبٍ للشكاله نحاوي
من الوجيه اللي كثيرٍ حياها
دايم على تبع الشكاله شفاوي
لو اعذله عيا يطاوع بلاها
قالوا لي العربان مجنون غاوي
مجنون غاوي ومتحلوي كلاها
والفقر بلوى من كبار البلاوي
والمرجله طاله لحيٍ قناها
والبيت مانبنيه سد الملاوي
وارزاقنا من عند ربٍ عطاها
نبنيه من دون البخيل الغناوي
لوبرقت دنياه ضايع جداها
اقولها بالصدق ماهي سناوي
حنا ندسم بالشحم من نصاها

رحمة الله عليه رحمتاً واسعه

اللهم أغفر له وأرحمه وتجاوز عنه وأغسله بالماء والثلج والبرد ونقه من الذنوب


والخطايا كما ينقى الثوب الابيض من الدنس وجميع موتى المسلمين .اللهم آمين

ونعم وانه معروف واسمه رجا ابن هدي العامري المقاطي وليس المباركي العالي
وسيرته عندالشيخ /محمد ابن ختام العامري المقاطي وعمره يتناهز فوق 100 والله يطول في عمره

[خالد بن مورق]

صح السان الشاعر لاهنت

[ابن ملفي العتيبي]

صح لسان الشاعر

والله يرحمه

لاهنت

[العامري1]

الاخ الصقر الحوام . مشكور على المرور والدعاء جزاك الله خير . واذا تعتقد انك اعرف من النا س بانسابهم ارجو اثبات ماتقوله بايراد اسماء اباء واجداد رجا بن هدي العامري حتى يرد نسبه فالمقطه ولك الحق فالاستعانه بمن لديه معرفه من كبار المقطه كما ذكرت . واذا لم تستطع ذلك فاترك لك الحكم على مداخلتك بنفسك .والسلام.