أنا وظــــلي!

[د . حمد العصيمي]

ظلي اللي خذا مني قليل الكثير= كنت اراعيه يوم امشي سواة ولدي

التفت له وهو يمشي وراي ويسير= مثل طفل بخطوة والده يقتدي!

كنت امامه بصير وكان خلفي ضرير=يلتمس خطوتي وبصوتها يهتدي!

واتخير له الدرب الهوين اليسير=واتجنب عن الدرب الصعب واحتدي

كنت امهد له الديباج تحت الحرير=لو تكلفت في راحته فوق جهدي!

كل ما اكبر تمنيت ان ظلي كبير=وان ترديت ما ودي يسمى ردي!

ما ربطنا سوى الغاية ونفس المصير=هكذا كنت انا وياه من مولدي!

لين شمس النهار وقرصها المستدير=مالت وجابته قبلي وكان بعدي!

قصرتني وانا والله ماني قصير= طولتني مع الاصحاب مدة يدي !

هكذا صحبة اصحاب الرخا يا سمير=تنتهي فا الظلام وفا الضيا تبتدي!

بس قل للظلال اللي تمايل عصير=ان وجه الزمان اغبر وكفي ندي!

واني بخير والدنيا تراها بخير=وان ليل الشدايد ماهو بسرمدي

وانت يا ظلي اللي تحسب اني صغير=كم سبقتك وانا جالس لو انت تعدي!

[مخاوي أحلامي]

صــح لســانك

د. حمد

بيض الله وجهكـ والله لايهينك

[فهد علي العازمي]

بس قل للظلال اللي تمايـل عصيـر
ان وجه الزمان اغبر وكفـي نـدي!

الله الله صح السانك

ٌاقبل مرور وإعجاب محبّك

[فايز بن سرحان الثبيتي]

لين شمس النهار وقرصها المستديـر
مالت وجابته قبلـي وكـان بعـدي!
قصرتني وانـا والله مانـي قصيـر
طولتني مع الاصحاب مـدة يـدي !
هكذا صحبة اصحاب الرخا يا سمير
تنتهي فا الظلام وفا الضيـا تبتـدي!


الله الله .. عيديه تليق بحظورك الفخر بلا شك "


لين شمس النهار وقرصها المستديـر
مالت وجابته قبلـي وكـان بعـدي!
قصرتني وانـا والله مانـي قصيـر
طولتني مع الاصحاب مـدة يـدي !
هكذا صحبة اصحاب الرخا يا سمير
تنتهي فا الظلام وفا الضيـا تبتـدي!



سلم راسك وصح لسانك يادكتور الابداع وسلم فكرك " تقبل احترامي "

[زايد المرشدي]

ماشاء الله فكره أكثر من رائعه

تقبل مروري وصح ألسانكـ

[@ـايل]

رائعه من روائع الشاعر : حمد العصيمي

صح لسانك , وسلمت يمينك على هذا الابداع

سجّل اعجابي وتقبّل حظوري

..

[محمد العتيبي]

د. حمد العصيمي


عيدك مبارك وكل عام وانت بخير ..


حقيقه هذه نعتبرها عيديه فعلا ومقبوله منك ..



صح لسااااانك ..



تقبل مروري
..

[فهد الشمال]

صح السانك يالذيب

[عيد بن مرضي]

الله الله

ابدعت يالدكتور

قصيده رائعه وفكره اروع

صح لسانك ولاهنت

[عيضه الثبيتي]

الله الله



قصيدة من عيون الشعر




لله درّك يادكتور








ومن العايدين









تقديري

[د . حمد العصيمي]

مخاوي احلامي مرورك فخر

[أبو مرحبا]

قصيدة رائعه

صح السانك ياابوتركي

تقبل مروري

[ولدعساف]

صح لسانك على هذه الرائعه .. ولاهي غريبه على شاعر مثلك عرف بالجزاله

,,

دمت بود

:)

[علي الثبيتي]

هكذا صحبة اصحاب الرخا يا سمير


تنتهي فا الظلام وفا الضيـا تبتـدي!

----------------------------------------
بس قل للظلال اللي تمايـل عصيـر


ان وجه الزمان اغبر وكفـي نـدي!
--------------------------------------
صح لســـــــــــــــااااااانكــــــــــ مليون

هكذا الشعر والا بلاش

[عبدالله الجـــذع]

الله اكبر

دره من درر دكتور الشعر

تشبيه بليغ ووصف اكثر من رائع

مدرسه شعريه في هذه النادره


صح لسانك يالداهيه

محبك

[عبيدالله العرابي]

ظلي اللي خذا مني قليل الكثير= كنت اراعيه يوم امشي سواة ولدي

التفت له وهو يمشي وراي ويسير= مثل طفل بخطوة والده يقتدي!

كنت امامه بصير وكان خلفي ضرير=يلتمس خطوتي وبصوتها يهتدي!

واتخير له الدرب الهوين اليسير=واتجنب عن الدرب الصعب واحتدي

كنت امهد له الديباج تحت الحرير=لو تكلفت في راحته فوق جهدي!

كل ما اكبر تمنيت ان ظلي كبير=وان ترديت ما ودي يسمى ردي!

ما ربطنا سوى الغاية ونفس المصير=هكذا كنت انا وياه من مولدي!

لين شمس النهار وقرصها المستدير=مالت وجابته قبلي وكان بعدي!

قصرتني وانا والله ماني قصير= طولتني مع الاصحاب مدة يدي !

هكذا صحبة اصحاب الرخا يا سمير=تنتهي فا الظلام وفا الضيا تبتدي!

بس قل للظلال اللي تمايل عصير=ان وجه الزمان اغبر وكفي ندي!

واني بخير والدنيا تراها بخير=وان ليل الشدايد ماهو بسرمدي

وانت يا ظلي اللي تحسب اني صغير=كم سبقتك وانا جالس لو انت تعدي!



لله درك

ستظل تغرّد خارج السرب يادكتور

ما اروع السفر مع حروفك وابداعك