السر في عومة السباح موصول(علي الشهراني)!

[عزيّز العبدلي]

يابحر والبحر فيه الدر واللول = حولت موجه على دره ولوله!!
السر في عومة السباح موصول = والحل ياقايسٍ عرضه وطوله!!

[خلف المطيري]

الله الله

صح السانك

والصف صفك


حيلك فبومحمد لاترحمه

وصح السانه مقدما

[عزيّز العبدلي]

هلا وغلا فأبوعبدالله


والصف يتشرف بوقفتك معه


لا هنت لا هنت

[علي الشهراني]

حياك الله يا العبدلي




مقبول لوكان غيرك غير مقبول=و ان كان لغزك بحر عندي حلوله
الطول بالعرض و الّا العرض بالطول=اهم شئ الردي يملا حثوله

[علي الشهراني]

اقول خلك بعيد حبك يزيد يا خلف



ههههههههههههههههههههههههه



حياك الله و وجودك هو المكسب يا بو عبدالله

[عزيّز العبدلي]

البقاء



ادنيت راسك وشلت الراس مبلول = وش حيلة المتهم في كل دوله!!
فك المسامع وحمّل كل محمول = وانقول لك عندنا صوله وجوله!!

[رعد الروقي]

الله الله


عزيز العبدلي // علي الشهراني




صحت السنتكم وسلم نبضكم


متابع

[علي الشهراني]

مصْر الشقيقه تعظّم راس ابو الهول=وانا يدي من بني عوز امغسوله
قلب المطيري حجر و الفمّ معسول=ما يدري انّ الوغا دقّت طبوووله

[عزيّز العبدلي]

هلا وغلا


العمــــدة .. صح بدنك ومتابعتك غايه يالغالي!

[علي الشهراني]

صح بدنك و نبضك يا العمده



يا مرحبا و الله و هلا و غلا



وجودك يعني الشئ الكثير

[عزيّز العبدلي]

الجنب جنب امعفي والمتن مفتول = مير العرب ضايقه من شوف زوله!!
البندق امزهبه والسيف مسلول = قدام شهران تنفض امعيوله!!

[علي الشهراني]

كان العرب عوّدت جاهل و مجهول=جهّز لي الجيب و ابشر بالحموله
و ان كان همّك فقط فالخبز و الفول=فانا و ربعي لنا نارٍ شعوله

[عزيّز العبدلي]

كان العرب عوّدت جاهل و مجهول=جهّز لي الجيب و ابشر بالحموله
و ان كان همّك فقط فالخبز و الفول=فانا و ربعي لنا نارٍ شعوله
.






وكان العرب عودت فاعل ومفعول = جاتك حموله كبيره وامحصوله!!
اليوم كامل وبكره نص مكمول = لو كان موقفك ماتكمل فعوله!!

[علي الشهراني]

و الله مالك معي قوه و لا حول=احسب طلوع الجبل و احسب نزوله
ارتااح يا العبدلي محمول مكفول=هرجٍ ليا ثارت الهيجا نقوله

[علي خيران العتيبي]

يا سلام يا سلام

صحت الالسن يالذياب

عزيز العبدلي

طلب خاص : كثر حضورك فالمنتدى

[علي الشهراني]

صح بدنك يا سفير الكويت



هلا و غلا بك

[عزيّز العبدلي]

.






الظاهر انك تبالك حمل مشمول = العبدلي معك مير القول قوله!!
هذا طريقك وقدمه باب مقفول = والفرق مابين يده مع رجوله!!

[عزيّز العبدلي]

مرحبا مرحبا بالسفير


صح بدنك .. وأبشر باللي يسرك يالغالي

[علي الشهراني]

اللي شراعه مع الايام مغسول=نصيحتي لا يعرّض لي سموله
مومن ولا همّني فالعور و الحول=طايع لهدي الله و سنّة رسوله

[عزيّز العبدلي]

.






من شيب عارضك صرت اليوم مذهول = محدٍ بتارك حواره مع زموله!!
لاشك والمشتبه منجوم مسيول = والضلع ذيبه مسليته ثعوله!!

[علي الشهراني]

يا زول مالك و مال الشام يا زول=محدٍ نهار الوغا يهدي رحوله
لينا و عدنان مع زينه و نحّول=هاذي تراها سبب نقص السيوله

[عزيّز العبدلي]

صح السانك يا علي
لا هنت على تشريف الدعوه

كما أشكر كل من مر وأتحفنا بمروره الممتع

[علي الشهراني]

هلا بك و صح بدنك يا العبدلي


و على قولة اخواننا الكويتيين ( وش دعوى ؟ )


و الشكر موصوول لجميع من مر و علق على الطااروق