قصيده لوالدي الشاعر هاجس بقيران الشيباني [الأرشيف] - الهيـــــــــــــلا *** منتدى قبيلة عتيبة

مشاهدة النسخة كاملة : قصيده لوالدي الشاعر هاجس بقيران الشيباني

ابن بقيران الشيباني

08-Sep-2010, 09:43 AM

بسم الله الرحمن الرحيم
اخواني اعضاء منتدى الهيلا الكرام حبيت اشارك معكم بموضوع اتمنى ان يحوز على رضاكم واستحسانكم

الموضوع هو قصيده لوالدي هاجس بن بقيران بن راجح الشيباني في ابن عمي راجح بن شاهر بن بقيران الشيباني بعد مشاركته في مزاين ام رقيبه وحصوله على المركز الرابع في فئه الشعل 40
ياراكب اللي بعيد الدار يطويها
يركد مع الخط مايهتز سكانه
واليا بغا ديرتا روح ويمسيها
منوت غريبا تذكر دار خلانه
له فشحتا من قدم والرب حاليها
فجا عضوده تقول عضود شيهانه
عز الله ان الامريكي مبدعا فيها
يازين تصميمته للجمس واخوانه
كنه هنوفا تفنن في تخطيها
ثقليتا بالمشي ماهيب عجلانه
وتلد بعيونها للي مهاويها
وهوه بعد يلتفت والكبد عطشانه
ويلفي على اللي سمان الحيل مفنيها
راجح وطيب الولد من طيب جدانه
والله ونعم اليمين ونعم راعيها
باللي تبين مع البنيان بنيانه
من صغرته والمراجل طامعا فيها
حرا تعلا على العلايات جناحه
مع القبيله بيوت العز بانيها
وربعه يجونه هل العادات عجلانه

اتمنى ان تحوز القصيده على رضاكم واعدكم في القريب العاجل بنشر قصائد لوالدي وقصائد لجدي بقيران الشيباني ولكم ودي وتقديري

احمد منير الواصل

08-Sep-2010, 11:05 AM

والله ونعم يابن هاجس وصح لسان والدك وقصيده والله
جميله
في عمك راجح
ويعطيك العافيه وننتظر جديدك من القصايد لوالدك
في حفظ الرحمان

سعد عبدالرحمن

08-Sep-2010, 01:56 PM

صح لسان والدك وتسلم يمينك

لاخلا ولا عدم

..المورقي..

08-Sep-2010, 10:21 PM

والله ونعم يابن هاجس ولاهنت على الايراد

وصح لسان والدك وقصيده

جزله من جزل

ابن بقيران الشيباني

09-Sep-2010, 08:01 AM

اخوي احمد واخوي سعد والمورقي لاهنتوا وما عليكم زود ومشكورين على التعليق الاكثر من رائع وان شاء الله اوافيكم بالجديد

ابو شوق الازوري

09-Sep-2010, 08:29 AM

والله ونعم يابن هاجس ولاهنت على الايراد

وصح لسان والدك وقصيده

جزله من جزل

تحياتي ................. ابو شوق الازوري

ابن بقيران الشيباني

11-Sep-2010, 06:57 AM

مشكور اخوي ابو شوق الازوري على التعليق ولك ودي

هيلاوي شقاوي

11-Sep-2010, 08:12 AM

والنعم فيك يابن بقيران وفي بني عمك

وسبق ان اطلعت على قصيده لجدك الشاعر بقيران الشيباني في كتاب والله ناسي القصيده وناسي اسم الكتاب لاكنها قصيده تعتبر مضرب مثل

ياليت تنزلها بالمنتدى

هيلاوي شقاوي

11-Sep-2010, 08:14 AM

وهذه قصيده وجدتها للشاعر بقيران الشيباني رحمه الله

ان هاض بالي يوم وقت الطوي عصير
مطل على الديرة واشوف الوطن خالي
على ربعي الى سندوا منتوين جرير
جفاهم وطنهم له زمانين ما سالي
اهل جلستن منها الفدواي يعين خير
ولاطامت العدوان ماضين الافعالي
وانا ابرجي الله من خيالن يجي يامنير
حقاقن خياله والطفل منه ينجالي
لينن الضعون من المهامل تجيك تسيل
ومن ديرة ما ربع بها أول وتالي

خالد بن مورق

13-Sep-2010, 10:17 PM

ونعم والله في الشيابين لاهنت

ابن بقيران الشيباني

14-Sep-2010, 08:53 AM

اخوي هيلاوي شقاوي مشكور على التعليق وان شاء الله بالقريب العاجل سوف انزل بالمنتدى قصائد لجدي ولوالدي جديده ولاهنت على نشر القصيده وبيض الله وجهك
واخوي خالد بن مورق مشكور على التعليق وما عليكم زود جميعا وتقبلوا ودي وتقديري