انا بقول الحقيقه والحقيقه ماعليها جدال=ياكثر جهال خلق الله يوم اشوف عقالها

[مطني الحافي]

من خاطر الشاعر اللي مايقول الا البيوت الجزال=سلام من هاجسَ ياخذ ويعطيكم من جزالها

انا بقول الحقيقه والحقيقه ماعليها جدال=ياكثر جهال خلق الله يوم اشوف عقالها

[ابراهيم الجـــــذع]

من هاجس الشاعر اللي يبدع الأبيات في كل حال=يا مرحبا يا هلا من عقبها الدله وفنجالها

هذي تراها حقيقه يا مطني من قديم الليال=لكن حذرا تميل يا ولد غترتك وعقالها

[علاي الحافي]

صححححححت السنتمك


ووقلوبكم


متابع

والصف صفك يالجذع

[شهاب العطاوي]

صح السنتكم وبارك الله فيكم!!

[ابراهيم الجـــــذع]

هلا وغلا أخوي علاي

صح بدنك يا الغالي

والصف يزهابك طال عمرك

[ابراهيم الجـــــذع]

صح بدنك اخوي شهاب

يشرفنا مرورك وتابعتك يا الغالي

[مطني الحافي]

مال للحمول الثقيله يالجذع الاضهور الجمال=وان كان مانت بجمل شرهة مطني عند جمالها

تال الزمن فعلي وفعلك مغر بجنيه ولا الريال=الناس هاذا الزمن ماعاد تهرج غير بريالها

[مطني الحافي]

علاي الحافي

صح بدنك

شهاب العطاوي


ارحب ارحب

[ابراهيم الجـــــذع]

بعض الحمول الثقيله ما هي بمكسب ولا راس مال=وشعيل لا جا الحمول الجايره فالوقت يشتالها

من ماضي الوقت لعيون المعادي يا مطني خلال=وبعض العرب لو تطب السوق يا بن روق يرثالها

[مطني الحافي]

اليا نشدناك خل اجابتك من قيس جنس السوال=لاتطول اقصارها ياصاحبي وتقصر طوالها

انته غزيت اليمن ولاغزيت مع الجماعه شمال=حتى اني انا راعي الصفرا وخيالها

[راع العبيه]

ياسلام ياسلام وين الصفوف الليل يا حامد

[مطني الحافي]

ههههههههه

ارحب ارحب

يارع العبيه

[ابراهيم الجـــــذع]

جاك الخبر مختصر لكن عينك للعلوم الطوال=الظاهر انك تدور حيلةٍ فالوقت تحتالها

وشلون تقرب من المنبر وتذن وأنت ما أنته بلال=مير أنتبه قدم لا نكحلك الثنتين بكحالها

[مطني الحافي]

الله ربي وربك عالم بمقصدك يابن الحلال=لكن بعض السوالف قول فال الله ولا فالها

اقول قدام لاخليك للعربان مضرب مثال=خلك في حالك وخل الناس يابراهيم في حالها

[عيد السميري]

صحت الالسن والقلوب

[مطني الحافي]

عيد السميري

صح بدنك ولاهنت

[ابراهيم الجـــــذع]

ترا الدعاوي عوافي يا ولد ما هيب روح وتعال=اصبر يلين اليال اللي عليكم ينقز اهلالها

تقول وام القرون اتموت ما هزت سفوح الجبال=لكن شوف الأوادم ويش من زالك ومن زالها

[مطني الحافي]

والله ماضاق خاطر من سوالفكم ولاشان بال=لو كان بعض الاوادم من علومي ضايقَ بالها

ام القرون ارضعتكم عام الاول يوم كنتم عيال=واليوم ماكنك الا يالجذع واحد من عيالها!!

[ابراهيم الجـــــذع]

أن طعتني يا مطني لا تدور معي حرب وقتال=خل الأذاعه تذيع اشوي قبل اشفر ارسالها

هذيك منها عليك وصوف كب الخثرقه والخبال=حتى لبنها ترا ما زال في لحيتك وسبالها

[مطني الحافي]

صح لسانك


ولاهنت

[ابراهيم الجـــــذع]

صح بدنك يا الغالي

تشرفت باللعب معاك

[برررق الحيا]

الله جمال ورعة

صح السانك يامطني وصح السان ابراهيم الجذع

ولاهنتو

[مطني الحافي]

برق الحيا

الروعه حضورك يالغالي

[مخاوي الطير]

الله الله

صحت الالسن والقلوب ...


مبدعين .




//