ياداره المنتدى متى مطني ياخذ وسام؟=ترا مطني عليكم صابرن صبر المهادي

[مطني الحافي]

[سلام للي يعرفون السلام ودين الاسلام=واللي تعرف التحيه من حضر ولابوادي

ياداره المنتدى متى مطني ياخذ وسام؟=ترا مطني عليكم صابرن صبر المهادي

[ولدعساف]

صح لسانك يامطني ولسان قبيلك مقدماً .. وتستاهل الوسام ياولد روق !!

,,

والصف صفك !!

,,

محبك

:)

[خلف المطيري]

صح السانك ياولد روق

وتفائل بالخير وانشاء الله

والصف صفك

[جمال العضياني]

الله الله
صح لسانك يامطني,,,,
وانا اناشد الاداره وقول؟؟
ليش مطني ماتعطونه وسام؟؟؟
مظلوم اعلاميا!!!!

وصح لسانك من يجاريك مقدمااا


متاااااااااااااااااااااابع

[مطني الحافي]

ولدعساف

صح بدنك ولاهنت

خلف المطيري

مرحبا مليون


جمال العضاني

مشكور على المجامله


وشهاده اعتز فيها

[شهاب العطاوي]

صح لسانك يامطني وان جاك شيء لاتنسى تخشرني معك

[مطني الحافي]

ههههههههههه

ابشر ابشر

حيا الله فكاك النشب

[ابراهيم الجـــــذع]

يا مرحبا يا هلا ترحيب يبقا طول الأيام=ترحيبةٍ يا مطني مثل نور الشمس بادي

تراك منته بحاجه لأوسمه والعلم قدام=الرجل في ماقفه يكفيه لا ضد المعادي

[مطني الحافي]

انت تبينا نغزي اهل اليمن ولا هل الشام=اعجل علينا وعطنا يالجذع علمن وكادي


الاوسمه يالجذع ماكنها الا ورثت ايتام=واللي على ورثت الايتام كذاب وربادي

[ابراهيم الجـــــذع]

الناس بعقولها تفهم ما هوب بكبر الأجسام=لو أنها بالجروم شعيل مع كبره يقادي

الأوسمه شالها بين العباد اطوال واقزام=ما هي بهمي ولا شفي ولا غاية مرادي

[مطني الحافي]

[الله يكفيك يابراهيم من دورات الايام=بيوت شعرك حرام ضربها ضرب الحدادي
لاوالله تبيها مار جات ارزاق واقسام=لكن جاهد ترا الدنيا تبا صبر وجهادي

[ابراهيم الجـــــذع]

من لا حما ماقفه يا صاحبي ثم عاق الأخصام=والا عسى البيض تلبس عقب فرقاه الحدادي

ما ابغاه واللي سواته ما قعد عندي ولا قام=حيث أن ما هو نهار الحرب جيش ولا عتادي

[برررق الحيا]

صح السانك يامطني وصح السان إبراهيم الجذع

وبلا شك الكيف والمتعة معكم وحنا هنا حضور ونساند الصفوف وننقز

متابعييييييييييييييين حتى آخر رمق

[مطني الحافي]

خشم يجينا عليه عرام يقفي مابه عرام=واللي يدور هجاد الليل يبشر بالهجادي
والله مانت بتغني يالجذع والعالم صيام=الا علشانه وحاديك عن مقصدك حادي

[مطني الحافي]

برق الحيا

متابعتك شرف

[رائد الكيرعاني القحطاني]

الأوسمه شالهـا بيـن العبـاد اطـوال واقـزام
مـا هـي بهمـي ولا شفـي ولا غايـة مـرادي


يا سلام يا سلام


متابعيييييين


واشهد يا مطني انك شاعر وتستاهل الوسااام



تحياتي

[مطني الحافي]

رائد القحطاني

لاهنت يابعدي


ابراهيم الجذع


صح لسانك يامبدع


ودي اكمل معك بس الصلاة وصلت

[ابراهيم الجـــــذع]

ما جاك من يمنا يا مطني ألا روس الأقلام=لكن جعلك تميز فالبياض وفالسوادي

بالخاص ليتك طلبته يا ولد ما هو على العام=لكن خله يجي شوال والا في جمادي

[عبد الرحمن الفرهود]

صح السانك يامطني وصح السانك يابراهيم



ابيات جزله

وتستاهلون الدرع والكاس