قصيده للامير برغش بن زيد بن عريعر

[ولدعساف]

قصيدة بن عريعر يوم دار الزمن عليهم


هذه قصيده للشاعر الامير برغش بن زيد العريعر



وقد حدد راعي البير الحدود بقوله






حمى من ربى هجر إلى ضاحي اللوى****إلى الشام من دار العميري حدودهـا


إلى العرض والوادي الحنيفي مشـرق****وما عن جنوب كـل هـذا يسودهـا


إلى خشم رمان إلـى النيـر مجنـب****إلى الشعرا وطمانهما مـع نجودهـا


واليكم القصيده


يـا الله ياخالـف علينـا تعبنـا****بدنيا نجاذبهـا و عيـت تجينـا


صكوا علينا الباب واقفوا عربنا****وضاعت هقاوينا ومن به هقينـا


لو هي عليهم كـان والله تعبنـا****باموالنـا وعيالنـا مـع يدينـا


يا ابن دويحس عقب هذي ذهبنا****والله ما يشـرى بحـق حدينـا


سار القلم يا أبو محمـد وشبنـا****واليوم مـارد الفوايـت علينـا


اسباب فتح الباب سيـرة سببنـا****اوهام ياتي مـن سببهـا عدينـا


برباعنـا يامـا ويامـا قصبنـا****من حول ضان وناب نوق سمينا


وياما على شهب النواصي ركبنا****وياما على عوج العصى التوينـا


ياما على طوعاتهن قـد لعبنـا****وياما فهقنا روسهـن وانتحينـا


بظهورهن يامـا ويامـا ركبنـا****وكم واحد فارق هله مـن يدينـا


وياما على جرد السبايـا ركبنـا****وقلايع فـوق المسـارج خذينـا


وياما على ملح الفرنجـي تعبنـا****وياما على فـرق وهيـق بدينـا


وياما لجزلات العطايـا وهبنـا****وياما رفعنا النفس عما عطينـا


وياما على شقر الجزاير طربنـا****شقـر سماويـات تنقـل يدينـا


وياما بها من فرق ريـم سببنـا****ووعول في روس الشخانب ثنينا


وياما على زين القطايف لعبنـا****وياما حديناهـم ويامـا حدينـا


وياما لحسنا الرشم وياما وهبنـا****وياما لجزلات الوهايب عطينـا


وياما على غصن الصبايا لعبنـا****نلوي على سمر الذوايـب يدينـا


وياما من الشهد المصفى شربـن****من غصن غضات الصبايا روينا


واليوم من كثر الدواكيـك عبنـا****من كثر ما نفقد مـن الغانمينـا


هيهات ياعصر مضى لو ندبنـا****هيهات وين اللي مضى عاد وينا


حنا عمود البيت و البيت يبنـى****والبيت مـا يبنـى بليـا حدينـا


صرنا كما فرق الضحايا جلبنـا****يالله يـا غافـر عـن المذنبينـا


ولي عجوز من بلاويـك شبنـا****لو ينجلي عن دارها قـد جلينـا


اليوم من تعديـل الأيـام شبنـا****وباكـر نخليهـا لمـن مقتفينـا


ياخيبة الدنيا ولـو بـه طربنـا****ياابو محمد تقل ماشفـت زينـا




الامير برغش بن زيد العريعر

[عبدالمجيد النفيعي]

ياخيبة الدنيا ولـو بـه طربنـا ،،، ياابو محمد تقل ماشفـت زينـا

سبحان الله دائم والدنيا يقال عنها كذا من الشعراء الأولين مثل ماقال تركي بن عبدالله تماماً وهو يتكلم عن الدنيا


تسـقـيـك حــلــو ثــــم تـسـقـيـك مــــرا=ولـذاتــهــا بــيـــن الــبــرايــا عــــــواري

وفعلاً حصل نفس ماقال الأمام في بن عيرعر هو في بداية القصيده يعد الزمن الذي عاش فيه بعز والمفاخر ... الخ ، يعد زمانه الزين الذي عاش فيه

ومن ثم قال


واليوم من كثر الدواكيـك عبنـا=من كثر ما نفقد مـن الغانمينـا

كأن الشيخ تركي بن حميد يكذرّه بأن الدنيا مجرّد مغره ومن ثم تنقلب وهذه عادتها المعروفه


دنياك لو زانت تراها مغرّا = دنيا خراب ولا عليها تحاسيف

فعلاً كأنه يخاطبه خصوصاً حينما توجد بن عيرعر على أيامه التي فاتت وهو يقول


هيهات ياعصر مضى لو ندبنـا=هيهات وين اللي مضى عاد وينا

وكأن يرد عليه بقوله هذا أيضاً الشاعر المعروف البذالي حينما قال


دنياك لو تعطيك زين المعوشه = تالي عوايدها تعوّد على ماش

..

ولاكن في دعاء معروف دائم نسمعه ألاوهو (اللهم لاتجعل الدنيا أكبر همنا) ونقول اللهم آمين

..

تقبّل مروري أخوي المبدع ولد عساف ، وترا الأبيات التي ذكرتها كانت بتوقيعي لاكن وجدت المكان الذي أستشهد بها فيه ألا وهو موضوعك :)

[خلف المطيري]

تسلم ياولد عساف

الموضوع طيب

لكن القصيده الثانيه ماهي علي سقوط بني خالد

اعتقد علي سجن برغش بن عريعر في اسطنبول

والبيوت متغيره شوي والقصيده ناقصه غيرمكتلمه

اذكر منها بيتين

من عقب ماحنا مقادم عربنا = اليوم مايسوي ريالن حدينا

000000000000000000=تفن علي الدنيا وتفن علينا

تسليم يمينك ياولد عساف