كريم يابرقٍ سرى له رفاريف

[ذعارعوض العصيمي]

كريم يابرقٍ سرى له رفاريف
جعله على دارن عيوني توده


وجعله بشارت خير في مقدم الصيف
ونهار غبه كل طرقي يعده


ينثر ثعوله فوق هاك الشفاشيف
اللي لها عن شوفت السيل مده


طاريه يسعدني وانا مع هل السيف
وعيني وقلبي يابونواف قده


شوفه يعوض بشوف باريس وجنيف
ويعوض فالدمام عندي وجده


انا اسهمي وتجارتي شوفت الريف
ومشين مع البدوان قامه وشده


مستور حال ولا عليه تخاليف
وماجاء من المعبود ماعنه صده


شفق (ن) على فرقاء البحر والمجاديف
عيدي ليافارقت جزره ومده


هوايتي مبدا" بروس المشاريف
ومد النظر في سهلتن مجرهده


وباق الحياه رقاد وكل وسواليف
جنة ضعيفٍ لازمه مايسده


ماكلفه وقته من الهم تكليف
يضح الضحى هو ماتعدا المخده


هاذا وانا ماصنف الناس تصنيف
من طاب طيبه طيب خاله وجده


ياهل الجمايل طيبين المواقيف
قد قيل علمٍ تستحي منه بده


ساعة بنات الفكر جني مراديف
لديت في بعض المواضيع لده


اللي تبي شرحن مفصل وتعريف
مربوطتٍ مابين هاته وده


تمت ويالله يامكاف الصواديف
عسى اللي نبني وقتنا مايهده







عسى ان تنال اعجابكم

ذعار العصيمي

[ابراهيم الزراقي]

صح لسانك يامبدع قصيده جميله

ابدعت في تناول الموضوع

جزالة مفرده وانطلاقه وتجربه حياتيه جميله


تحياااتي لك

[أبو مرحبا]

ابدااااع ياذعار العصيمي
قصيدة رائعه من شاعر رائع
صح السانك واعتلى شانك

تقبل مروري

أخوك..أبو مرحبا

[شاعر الثغر العذب]

*·~-.¸¸,.-~*ياسلام الله عليك


صح السانك


لاتحرمنا من جديدك *·~-.¸¸,.-~*

[ذعارعوض العصيمي]

صحت ابدانكم جميعا"

ومروركم انار متصفحي المتواضع


الف شكر لكم