الليله المعنى على راس الدرين

[ابراهيم الجـــــذع]

السلام عليكم ورحمة الله وبركاته





منصور قبل السحور







الليله المعنى على راس الدرين اليا حصل فالسوق بيع ومشترى=انا مع التجار عارف مكسبي واللي عقد روس الحبال يحلها


لا تحسب إن الذيب مثل ابا الحصين الناس تدري بالحصين الازهرى=قم يا صبي مطير واحذر يا صبي واللي عقد روس الحبال يحلها

[شهاب العطاوي]

صح لسانك ابراهيم ولسان قبيلك

[ابراهيم الجـــــذع]

هلا وغلا أخوي فكاك النشب

صح بدنك يا الغالي

[برررق الحيا]

دائما أتواجد في طواريقك لأنها تعجبني وتسحبني جزالتها


صح السانك يابراهيم وصح السان منصور

[خلف المطيري]

الله الله

صح السانك يالجذع

عدنا العود احمدي

ودي اقضب صفك يالدرين مار الجذع ماسك علي ممسك ههههههههه

صح السانك مقدما يالدرين طوف لي هالمره

متابع

[ابراهيم الجـــــذع]

هلا وغلا برق الحيا

صح بدنك يا الغالي

اشكرك على الإطرا

ولطفك وتواصلك الدائم

[ابراهيم الجـــــذع]

صح بدن أخوي خلف

هههههههه

لا ما عليك زال الخطر

ههههههه

[شاعر الثغر العذب]

صح السانك

علي الطاروق الرائع
بس لونه منكوس احسن

سلام

[منصور الدرين]

السلام عليكم ورحمة الله وبركاته





منصور قبل السحور







الليله المعنى على راس الدرين اليا حصل فالسوق بيع ومشترى=انا مع التجار عارف مكسبي واللي عقد روس الحبال يحلها


لا تحسب إن الذيب مثل ابا الحصين الناس تدري بالحصين الازهرى=قم يا صبي مطير واحذر يا صبي واللي عقد روس الحبال يحلها



وعليكم السلام ورحمة الله وبركاته

المعذره ياإبراهيم ماكان عندي خبر وتو دخلت





إرفع سلاحك ياحفيد الطيبين والحق يظهر لك وقدام البرى=بسم الله أكبر يالجذع وش تطلبي واللي عقد روس الحبال يحلها
إن جيت للقاضي على الحبل المتين لابد ياابراهيم ماترجع ورى=ون كنت تبغا الثانيه فانته غبي واللي عقد روس الحبال يحلها

[منصور الدرين]

صحت أبدانكم جميع

وتسعدنا متابعتكم

[ابراهيم الجـــــذع]

الحب في وسط الرحا يصبح طحين واللي يرد الثار رداد البرى=واللعب والميقاف في سد اشنبي والـلـي عـقـد روس الحـبـال يحلـهـا


الأوله ما بين خشم وبين عين وش هو جزانا فالحصان الأصفرى=والثانيه مذهبك ما هو مذهبي والـلـي عـقـد روس الحـبـال يحلـهـا

[برررق الحيا]

عودة للحياة والابداع لهذا المتصفح مرة أخرى بتواجد شعاره

ونجدد صح السان المطلوب منصور وصح السان راعي البدع ابراهيم الجذع

متابعيييين بشغف

[منصور الدرين]

يابا الثريا وإلعن بليس اللعين اللي يقابلكم من القوم أومرا=هيا العبي يام الخلاخيل إلعبي واللي عقد روس الحبال يحلها

تاكل على وجه وقفا لو لك بطين من كثر مايدخل به من الما انفرى=وأنت الحقيقة لاصحيب ولااجنبي واللي عقد روس الحبال يحلها

[منصور الدرين]

صح بدنك يابرق الحيا وتواجدك مشرف

[ابراهيم الجـــــذع]

دبر تجارتكم عسى ربي يعين واللي يقابلنا يفارقه الكرى=من عقب بيض الخام يزبن للعبي واللي عقـد روس الحبـال يحلهـا


هذاه وصف السيف حدينه ثنين والا أنت أبو عينين لكن ما ترى=في كل ليل الكحل منها يقربي واللي عقـد روس الحبـال يحلهـا

[منصور الدرين]

على تجارة ماتبور وكاسبين ياللي عليكم من مكاسبنا ذرى=غير الشجاعة والشكاله وش تبي واللي عقد روس الحبال يحلها
بيني وبينك يالجذع مليار دين والفرق مابين الثريا والثرى=ونشوف منها صار شكلك لولبي واللي عقد روس الحبال يحلها

[برررق الحيا]

صحت الالسن والقلوب صافية ملتمة

متابعييييين

[ابراهيم الجـــــذع]

فنجالكم مشروب من طول السنين هذا كلام الصدق والعلم اجهرى=لا جا العتيبي رحت مرواح الضبي واللي عقـد روس الحبـال يحلهـا


أن قمت تحرثها سوات ام القرين يلصق لسانك في جماك ابلا غرى=وأن مات قرصة داب والا عقربي واللي عقـد روس الحبـال يحلهـا

[منصور الدرين]

صح لسانك يالجذع وحنا اصبحنا وأصبح الملك لله

الحين صيام خلها بكره نكملها

تصبحون على خير

[ابراهيم الجـــــذع]

صح بدنك أخوي منصور

على خير إن شاء الله

[فيحان العطاوي]

صح لسانك يابراهيم

[عايض مثقاب الزراقي]

صح لسانك يا ابراهيم شاعر بدع ورد مافي كلام




وصح لسانك يالدرين



’’’’’كل عام وانتم بخير’’’’’

[ابراهيم الجـــــذع]

صحت ابدانكم جميعاً

اشكركم على لطفكم وتواصلكم الدائم