هلا مرحبا و الله يحيي بني عباد

[براك المهيدلي]

السلام عليكم



هلا مرحبا و الله يحيي بني عباد
نحيي حضور مطير في حلة عتيبه



ليا فاحت الدله يبا يضبط البراد
وضيف الاكارم تحت حكمة معازيبه

[مطني الحافي]

الله الله


صح لشانك


ومتابع

[خلف المطيري]

عليك السلام

وصح السانك


انت رحبت في بني عباد

وخليتنا ياربعك هههههه

[براك المهيدلي]

اثرك جبل صايد

وانا اقول الوجه هذا كني قد شفته :)



لاتنسى اني قلت نحيي حضور مطير ؟ عسى منت بمطيري بعد هههههه


ارحب ياخلف ترحيبه خاصه لك

[براك المهيدلي]

مطني صح بدنك وشانك :)

[علاي الحافي]

صح السانك

ولسان قبيلك

مقدماً

[ابن حمد العتيبي]

صح لسانك ومتابع

[برررق الحيا]

صح السانك يالشيوخي وبدع قمة قبيلي بين عتيبة ومطير صح السان قبيلك مقدما

وليتك ماحصرتها على بني عباد ليتك فتحتها على مطير عسى جبل صايد تصيده خخخخخخخخ


همسة يالشيوخي - لا تلعب لين تتسحر وتذح الجوع والايصيبك عمش وتخريف خخخخ -

متابع والصف صفك أيضا يالشيوخي

[طلال ناشي]

هلا مرحبا و الله يحيي بني عباد
نحيي حضور مطير في حلة عتيبه


ليا فاحت الدله يبا يضبط البراد
وضيف الاكارم تحت حكمة معازيبه

صح ألسااااااانك يالشيوخي

كلام

[براك المهيدلي]

علاي الحافي

صح بدنك


ابن حمد


صح بدنك


برق الحيا


صح بدنك


لاهنتو جميعاً


تحياتي

[براك المهيدلي]

صح بدنك يابن ناشي


ولاهنت

[خلف المطيري]

اثرك جبل صايد

وانا اقول الوجه هذا كني قد شفته :)



لاتنسى اني قلت نحيي حضور مطير ؟ عسى منت بمطيري بعد هههههه


ارحب ياخلف ترحيبه خاصه لك

والبقا يالشيوخي

لا لا ماهو عذر ههههههه انت خصيت عبدله

وماتلام العبادل هم اهل ال محاوره فمطير

حنا يابريه اهل نظم

الصف صفك

الليل الليل

[براك المهيدلي]

تا تردون يا مطار والا التفتنا فيكم التفاتن مهب هاذي؟



الهماااااااااااااام

[فهاد المطيري]

يدوم البقى مادام طول بعيد الماد

ومادام طول مالقى شيئا يجيبه


تحرى على المردود ياتيك من فهاد

{ ياطيب الرخاء ستر المساكين ياطيبه }

[برررق الحيا]

صح السانك يافهاد وصح السان الشيوخي

ومتابعين

[فهاد المطيري]

صح بدنك .. يابرق الحيا ومشكور

[براك المهيدلي]

بغينا نقهويكم من الكيف يالاجواد
نحسب انكم للكيف يامطير شرّيبه





مابين العتيبي و المطيري شراب وزاد
عسى الشر عنكم والي العرش يبطي به

[فهاد المطيري]

نقدنا على حماسة البن يانقاد

اليا ما عدل حمّسته ياويش نبغيبه



تعيد مع الميعاد .. والا ورى الميعاد ..

عليك التفكر لا تقربلك مصيبه

[براك المهيدلي]

والا يا مطيري كان تبغى الصراحه عاد
ترى الضلع كله ذيب لا ياكلك ذيبه



ليا جا نهار العيد فصل ثياب جداد
وثوبك هذا لا عاد اشوفك تصلي به

[برررق الحيا]

والا يا مطيري كان تبغى الصراحه عاد
ترى الضلع كله ذيب لا ياكلك ذيبه



ليا جا نهار العيد فصل ثياب جداد
وثوبك هذا لا عاد اشوفك تصلي به

بسم الله قلت وش هاللي خطم وبزع بروحه أثاريه أنت يالشيوخي خخخخخ

في كل صباحية تجينا باقعة جديدة ونشكك بعقولنا خخخخخخخ

بشر عساك تسحرت زين

صح السانك والصف صف براك ولايهون فهاد


ليا جا نهار العيد فصل ثياب جداد
وثوبك هذا لا عاد اشوفك تصلي به

وانت فصلتها ولبستها قبل العيد خخخخخخخخ

[براك المهيدلي]

اجل اثاريه يابرق :)


عقبال ماتصرح باسمك ونشوف انت من اي العرب


امسك الصف وخلك ذيب :)

[برررق الحيا]

اجل اثاريه يابرق :)


عقبال ماتصرح باسمك ونشوف انت من اي العرب


امسك الصف وخلك ذيب :)

ماعليك الصف ازهله وعطنا القيفان الجزلة والطواريق الكايفة وهذا اللي نباه منك

والباقي علينا

وعسى الله يرد مقابلك فهاد

[برررق الحيا]

اجل اثاريه يابرق :)


:)


الله يهداك يابراك دايم تدور الزلات وتحب القفشات وتقص الأثاري خخخخخخخخ

وينك يافهاااااااااااااااااد فكنا منه

[براك المهيدلي]

ههههههههه



احسبك بصفي مير (اثاريك) مع فهاد :)

[براك المهيدلي]

سلم لي على فهاد يابرق و قله صح لسانك


ولاتنسون تصلون الجمعه وخصوصا انت يابرق لاترقد عن الصلاه


تمسو على خير

[برررق الحيا]

سلم لي على فهاد يابرق و قله صح لسانك


ولاتنسون تصلون الجمعه وخصوصا انت يابرق لاترقد عن الصلاه


تمسو على خير


أفا عليك مالنا غير الصلاة وإلا الباقي يخلف الله علينا وأبشرك توني طالع من المسجد

قلت أخبرك حتى تطمئن إني من أهل الطاعة ولا تخليني باكر الختمة إن شاء الله خخخخخخخ

[فهاد المطيري]

العذر منك يابراك فصل اتصالي امس ..

وابشر بالعوض .. ولاهنت وصح لسانك

والشكر موصول لـ برق الحيا على تواجدك