تسجيل الدخول

مشاهدة النسخة كاملة : سلام لعتيبه الحضار والغايبين

المسرّي
22-Feb-2005, 01:02 AM
ســــــــلام لعتيبه الحضـــــار والغايبين --
قومٍ نهـــــــــار الفعايل تعــــــرف فعولها

احمـــــــل تحــــية وفا للعزوه الغانمين--
عن "غامد" اهل الشيم والطاله اقولها
عتيبي نجد
22-Feb-2005, 02:22 AM
يامرحبا يالعميل الي كلامك ثمين ....ترحيبتن مابطل فالوقت مفعولها


انتم وحنا رجالٍ كلنا طيبين ... وايضاّ وكل القبايل مانقص طولها
وصل العطياني؟؟؟
22-Feb-2005, 10:32 AM
الله الله ...

بداية موفقة ورائعة ...

أكملو واحنا متابعين ...


؛ نقل الموضوع لقسم المحاورة ؛



تحياااااتي
أحمد المالكي
23-Feb-2005, 12:05 AM
المسري

<<<< صقر تهامه

وفقك الله يالغالي

وانا في صفك ولايهون العتيبي ولد العم


بالتوفيق
المسرّي
23-Feb-2005, 12:25 AM
دام البقا وادخل الميدان عينٍ لعين --دلة كرم ما قصر من دونكم دولها

انتم وحنا رجال الفهد دنيا ودين -- نعدّل عٌصاية العدوان ونهولها
المسرّي
23-Feb-2005, 12:31 AM
مرحبا مليون يا صقر تهامه
وجودك يشرفني ، رسالتك وصلت وكلنا بني عم وربع ورفاقه
((الدلبحي))
25-Feb-2005, 11:56 PM
تسلمون يالربع

واصلوا وحنا متابعين


تحياااااااااااتي
أبو فيصل
26-Feb-2005, 06:44 PM
ياحيّاك الله يالغامدي

نتشرف بتواجد معنا

الله يحييك ويحيي بدايتك الطيبة

واصلوا الله يعطيكم العافية
المسرّي
27-Feb-2005, 04:58 PM
الدلبحي :مشكور على المرور
فهد الشيباني : الله يبقيك ويطول عمرك وانا والله اللي اتشرف بوجودي معكم
وانا في انتظار عتيبي نجد
ولد العتيبي
03-Mar-2005, 01:24 AM
مشكور يالمسري....
ولد العتيبي.
عتيبي نجد
03-Mar-2005, 01:43 AM
اصبر عليّه شوي وكل قاسي يلين ... لين السحابه علاكم تمطر أثعولها انتم رجال الفهد من ماضيات السنين ... فالسلم والمعركه لن دقت أطبولها
أبو مرحبا
03-Mar-2005, 01:49 AM
المسري

يامرحبا اقولها ياأهل الوفا الطيبيين **** عن ربعي اعتيبه الهيلا لمن جولها

ان جبت النا السمينه مالك الا السمين **** يامرحبا في بني غامد ومرسولها
المسرّي
04-Mar-2005, 07:41 PM
ما عاد فيها صبر والحرب تطحن طحين -- واللي مهو قدها لا يقترب حولها
لمّت علينا عتيبه من يسار ويمين -- والمعركه بان قاتلها ومقتولها
ولد العتيبي
07-Mar-2005, 03:50 PM
اوصيك ياصاحبي ترجع ورا خطوتين * احذر تقرب من العتبان وافحولها
حنا قبيلة شجاعه من قديم السنيــــن * والعازه اللي نبيها لازم انطولــها
المسرّي
08-Mar-2005, 05:27 PM
حياك الله ياولد العتيبي
والله يخارج منكم يا عتبان كل ما رديت على واحد طلع لي واحدٍ غيره
لكن اسمع :
وواوصيك يا صاحبي تتبع طريق الثنين -- قدام بنت العبيه تكبر حمولها
ما اذمكم مير به فالقوم خشمٍ وعين -- الخشم والعين قل لي ويش مدلولها
ولد العتيبي
09-Mar-2005, 01:57 AM
الحرب انا خضتهاوالجنب جنب متين واقدراميز مابين الحيه وزولـــــها
اصابعك تختلف ماتستوي يالفطــــين وسطى وسبابه ومتغير طولـــــــها
محمد العتيبي
09-Mar-2005, 02:41 AM
ما عاد فيها صبر والحرب تطحن طحين -- واللي مهو قدها لا يقترب حولها
لمّت علينا عتيبه من يسار ويمين -- والمعركه بان قاتلها ومقتولها

الله الله


أصبر شويه ولابد الخوافي تـبـيــن -- وشـعـيل ماهـمه العـربان وحـمولها
ان كان جاتك عتيبه استعن بالمعين -- ياقشر من جاته اعتيبه مع سيولها
المسرّي
12-Mar-2005, 06:03 PM
الله يجمل احوالكم يا عتبان
والله العظيم اني استانست معكم
لكن الدعوى طالت وانتم كثرتوا علي وابشروا بالخير في الجايات
تذكار هايم
12-Mar-2005, 08:41 PM
يعطيـــــــــــــــــــــــكم العـــــــــــــــــافيه

المســــــــــــــــــــري الغامدي و عتيــــــــــــــــــبي نجد صح السنتكم

واصــــــــــــــــــــلوا
مرزوق حمدان العتيبي
12-Mar-2005, 09:38 PM
...
الاخوان الذين تدخلوا فالمحاوره
مايجوز ياحبايب وليس هذا هو المتعارف عليه في المحاوره
المحاوره بين شاعرين وهم المسرّي وعتيبي نجد..
وعلى الاخرين المتابعه والتشجيع هذا هو اللي ينبغي..
المسرّي وعتيبي نجد واصلوا وحنا مستمتعين
واي مداخله خارجيه سوف تحذف
مع كل الاعتذار
هذا من اجل نعطي الشعراء مجال للابداع.
تحياتي
محمد العتيبي
14-Mar-2005, 02:03 AM
السموحه يالربع
على مشاركاتنا معكم