الطاارف الله يحيه

[فارس المورقي]

يامرحبا بالحضور ومرحبا بالغياب = في منتدى الهيلا وفي كل زوٌارها
الله يجيب العميل الي يقول الصواب = يعرف علوم الرجال ويعرف اخبارها

[ناصرابن نقاريس الهاجري]

دام البقا والحقايق لا تعود سراب=واهل المزامير لا يشعاك مزمارها
يا فارس الرابطه من وين بطلت باب =اهل الدياوين لا تلحاك شعارها

[مهند العصيمي]

الله الله

صح لسانكم وأعتلا شأنكم

تحياتي

[فارس المورقي]

الشمس فوق السما والارض تحت السحاب = ونجوم ربي علينا تشرق انوارها
افروق مافيه بين سباعنا والذياب = لكن خلك بعيد ولا تجي غارها

[فارس المورقي]

منهد العصيمي

هلا وغلا


صح بدنك

اسفرت وانورت

[ناصرابن نقاريس الهاجري]

يا فارس العلم صاير بين ضرسٍ وناب=وانته مع الناس منته عارف اسرارها
الذيب يعوي وحطوله تميمة خراب=عشرين درهم تساوي صرف دينارها

[فارس المورقي]

يالاطلسي مانطالع غير بيض الثياب = واهل والردا والخنا مانلفي اديارها
القافله مايوقفٌها نبيح الكلاب = الي تحوف البيوت وتنقز جدارها

[ناصرابن نقاريس الهاجري]

المشكله يالعتيبي ما توفي نصاب=واهل الرسايل عليها بصمة اصدارها
يا ويش دخل العرب في الراي والا العتاب=هذيك بنتٍ سرت في ضف ستّارها

[سعود العصيمي]

فارس العتبان =

يامرحبا بالحضور ومرحبا بالغيـاب=في منتدى الهيلا وفي كل زوٌارهـا
الله يجيب العميل الي يقول الصواب=يعرف علوم الرجال ويعرف اخبارها








الاطلسي =

دام البقا والحقايق لا تعـود سـراب=واهل المزامير لا يشعاك مزمارهـا
يا فارس الرابطه من وين بطلت باب= اهل الدياويـن لا تلحـاك شعارهـا










فارس العتبان =

الشمس فوق السما والارض تحت السحاب=ونجـوم ربـي علينـا تشـرق انوارهـا
افروق مافيـه بيـن سباعنـا والذيـاب=لكـن خلـك بعيـد ولا تجـي غـارهـا






الاطلسي =

يا فارس العلم صاير بين ضرسٍ وناب=وانته مع الناس منته عارف اسرارها
الذيب يعوي وحطوله تميمـة خـراب=عشرين درهم تساوي صرف دينارها







فارس العتبان =

يالاطلسي مانطالع غير بيض الثياب=واهل والردا والخنا مانلفي اديارها
القافله مايوقفٌهـا نبيـح الكـلاب=الي تحوف البيوت وتنقز جدارهـا








الاطلسي =

المشكلـه يالعتيبـي مـا توفـي نصـاب=واهل الرسايل عليها بصمـة اصدارهـا
يا ويش دخل العرب في الراي والا العتاب=هذيك بنتٍ سـرت فـي ضـف ستّارهـا




صحت السنتكم

يالثنين

[فارس المورقي]

وين انت غادي وساري ياعزيز الجناب = فالارض طيارة ٍ ماشفت طيارها
علقتها في جناح الصقر ولا الغراب = ولا مع الذيل ولا راس منقارها

[فارس المورقي]

سعود العصيمي

هلا وغلا

وبيض الله وجهك على ماسويت

صح بدنك لاهنت ولا شنت

اسفرت وانورت

[ناصرابن نقاريس الهاجري]

مدامك انته مجربها مليت الجراب =من يصقرون الحديه خسر صقارها
علقتها فوق صدرك ويش ودا وجاب=ياللي قبل لا يوذن تعرف اشبارها

[ناصرابن نقاريس الهاجري]

سعود العصيمي


لاهنت على المتابعه المشرفه

[ناصرابن نقاريس الهاجري]

فارس العتبان


صح السانك وعز الله انك وافي وعز الله اني استفدت واستمتعت بالمحاوره معك



لاهنت يالغالي ماباقي الا الصيام

[فارس المورقي]

لن جيت بالخير ماقلنا عساك الذهاب = ولن جيت بالشر نفسك طاح مقدارها
الظاهر انك مولٌع مثل عود الثقاب = تسمح صدور الرجال وتسرق انظارها
بيض الله وجهك يالاطلسي

ماعاد بقى على السحور شيء

صح لسانك واعتلا شانك

والختام عندك كان لك خاطر

اصبح على خير

[فارس المورقي]

معليش مانتبهت لكلامك الاخير

صح بدنك والشرف والفايده لي طال عمرك

وتقبل الله منا ومنك صالح الاعمال