من يعرف الكيف يأهل الكيف يدري عن قناده

[ابراهيم الجـــــذع]

السلام عليكم ورحمة الله وبركاته






مساكم الله بالخير جميعاً







مرحبا ترحيب وافي ما يبا مثله زياده=بأسمي وبسم الرجال اللي رفيعٍ مستواها


من يعرف الكيف يأهل الكيف يدري عن قناده=ومن ورد فوق العدود الراهيات يخض ماها

[علاي الحافي]

ودي ارد

لاكن شرطك مشروط


صح السانك

متابع الا اذا

[خلف المطيري]

مسا الخير ياصديقي

وكفيلي حاكم الغنامي مايحتاج


البقا ياراعي الترحيب والزايد عباده = لاتحكر الناس فالترحيب واتقلل عطاها

عارفين القصد كله مانبا منك الافاده =والمثل معروف من دوّر علي حاجه لقاها

[ابراهيم الجـــــذع]

هلا وغلا أخوي عابر سبيل

صح بدنك يا الغالي

[ابراهيم الجـــــذع]

أنت من عين كفيلك عقب دكتور العياده=كل عله يا عميل الخير من يدنا دواها

كان خيط الصبح ما تعرف بياضه من سواده=لا تجيب الهرجه اللي من خلاها في خلاها

[خلف المطيري]

طيب طيب



الكفيل ابخير والشرهه علي عين الجراده = ماتشوف الا طرف جنّحانها والله بلاها

توّنا بسم الله الرحمن ياراع الشهاده =لا تقرر لين تاخذ ردها واللي وراها

[ابراهيم الجـــــذع]

البلا من يلبس العله مثل لبس القلاده=والمصيبه في عجوزٍ بذ خلق الله نماها

عقب زاد النور نور اشهد شهادة حق صاده=مير ما اظن الولد يدري عن البير وغطاها

[خلف المطيري]

الله الله


التبلّي والتهايم والضلايم فيك عاده = اكّبر اكّبر لاتنوش القوم واتنوشك عصاها

الكلام اللي تقوله حق لاصحاب السعاد5=من عطاك الحق يابراهيم وانته في ذراها

[ابراهيم الجـــــذع]

وا هجاد اللي معي سوا سواتك وا هجاده=الذيابه في علو الضلع يا صلكم عواها


اشهد ان الحر جاب الصيد في موسم هداده=مير ميز يا عميلي فأرضها والا سماها

[خلف المطيري]

طيب طيب


الفيهم اعطيه مره وانت محتاج الاعاده= قلّتلك شهب الذياب اتموت ماجانا وذاها

اتصدد عنك وادري يوم حركت الرماده = من طناخة راس ولا القوم ماتلحق مداها

[زياد المزرمي]

التبلّي والتهايم والضلايـم فيـك عـاده
اكّبر اكّبر لاتنوش القوم واتنوشك عصاها

التبلّي والتهايم والضلايـم فيـك عـاده
اكّبر اكّبر لاتنوش القوم واتنوشك عصاها


الله الله

صح اللسانك ياجبل

شاعر كبير

وشهادتي فيك مجروحه


وصح اللسانك يا ابراهيم

مبدع يالغالي

الليل الليل

[خلف المطيري]

التبلّي والتهايم والضلايـم فيـك عـاده
اكّبر اكّبر لاتنوش القوم واتنوشك عصاها

التبلّي والتهايم والضلايـم فيـك عـاده
اكّبر اكّبر لاتنوش القوم واتنوشك عصاها


الله الله

صح اللسانك ياجبل

شاعر كبير

وشهادتي فيك مجروحه


وصح اللسانك يا ابراهيم

مبدع يالغالي

الليل الليل

هلا وغلا يابوصالح

صح بدنك ياذخر ابوي وجدي

لاهنت يابوصالح لاهنت

[ابراهيم الجـــــذع]

لو يعاندنا العنيد يموت ما سره عناده=إن نساها ما ذكرها وإن ذكرها ما نساها


لو عطيناه المسدس ما عرف يضغط زناده=وإن عرف يضغط زناده وا عذاب اللي رماها

[ابراهيم الجـــــذع]

هلا وغلا أخوي زياد

صح بدنك

وشرفنا مرورك يا الغالي

[ماجد العصيمي]

ابداع يالجذع


شاعر مافيك حيله


ازهل الصف ياسنايدي



صح لسانك ياجبل

[ابراهيم الجـــــذع]

هلا وغلا أخوي ماجد

الصف يزهابك طال عمرك

شرفنا مرورك ومتابعتك يا الغالي

[عزيّز العبدلي]

ويلوموني يوم أدافع عنه !!!!!!!

صح السانك مليون يا ابوعبدالله

والصف صفك

ولايهون الجذع

[فيصل المقااطي]

مرحبا بك يابراهيم الجذع وعمره مقبوله والله يتقبل منا ومنكم

ومبدع دائما" والصف صفك

تقبل تحياتي

[ابراهيم الجـــــذع]

هلا وغلا أخوي العبدلي

شرفنا مرورك ومتابعتك

[خلف المطيري]

استريح وهد بالك وش تبا بختم السياده= لو يلد العين ماتلقا سنونك في جماها

باكر اذكرك هرجك لبّتدت حرب الاباده = كل ديره يالعتيبي ماتهنا في هواها

[ابراهيم الجـــــذع]

هلا وغلا أخوي فيصل

الله يقبل منا ومنكم إن شاء الله

والصف يزهابك طال عمرك

شرفنا مرورك يا الغالي

[خلف المطيري]

ويلوموني يوم أدافع عنه !!!!!!!

صح السانك مليون يا ابوعبدالله

والصف صفك

ولايهون الجذع

صح بدنك

والدفاع شي مطلوب من ابناء القبيله هههههه

والصف يزهابك

لاهنت يالعبدلي

بس ودي اعرف من انت

[خلف المطيري]

مرحبا بك يابراهيم الجذع وعمره مقبوله والله يتقبل منا ومنكم

ومبدع دائما" والصف صفك

تقبل تحياتي


شرفت يافيصل المقاطي

وحياك الله

[خلف المطيري]

ابداع يالجذع


شاعر مافيك حيله


ازهل الصف ياسنايدي



صح لسانك ياجبل

لا ياشبل الا انت هههههه وين الرفقه بس معذور

صح بدنك

ويستاهل ابراهيم من يقف في صفه

[ابراهيم الجـــــذع]

القراده كل ابوها فيك يا راع القراده=من يلوم القوم لو تاخذ وتنتف من لحاها

نارنا لن ولعت ما هيب في شوشة عراده=مير حظك عقب جيت اقشر وعينك وا عماها

[نواف المري]

ياسلااااااام على اللعب الراقي والعالي

ابراهيم الجذع::وجبل صايد


عزالله ان المتابعه حتميه


متااااااااابع

[فيصل المقااطي]

الله الله ياجبل صايد واسمك طال عمرك ترى سقط سهوا" والمعذره منك

ومتابعين للموضوع اللي بينكم.....

تحياتـــــــــي
ياجبل صايد

[خلف المطيري]

البعير احتاس مشيه يوم قصرنا قياده = صار راسه تحت عضّده والمياسم في سراها

ناركم ياهل التعالي جرم والباقي كداده=والكداده من ثلاث امتار مانلمح سناها

[خلف المطيري]

الله الله ياجبل صايد واسمك طال عمرك ترى سقط سهوا" والمعذره منك

ومتابعين للموضوع اللي بينكم.....

تحياتـــــــــي
ياجبل صايد

الشك ابعيد يافيصل المقاطي

واسمك الاخير يسوي ويستوي عندي

[عزيّز العبدلي]

البعير احتاس مشيه يوم قصرنا قياده = صار راسه تحت عضّده والمياسم في سراها

ناركم ياهل التعالي جرم والباقي كداده=والكداده من ثلاث امتار مانلمح سناها



الله الله

هذي من المعلقات يا العوارض هههههه

[خلف المطيري]

ياسلااااااام على اللعب الراقي والعالي

ابراهيم الجذع::وجبل صايد


عزالله ان المتابعه حتميه


متااااااااابع

هلا يانواف

وانا وياك من هل الشرق:)

اقضب الصف ياولد يام

[خلف المطيري]

الله الله

هذي من المعلقات يا العوارض هههههه

ماعليك زود

بس انا طال عمرك ديحاني صحصح يالعبدلي

[ابراهيم الجـــــذع]

من يسوق اشعيل ساقه من يقود اشعيل قاده=مير عود للجبال السود ثم قبل حصاها


جارنا مشروبنا شربه وزاد البيت زاده=محتمين الجار والديره بعد نحمي حماها

[خلف المطيري]

الله الله


كيف اعوّد وانت زرعك مذّهب الروقه حصاده = خلّهالي وانت خلك من وراكشب وحجاها

الجذع يحفر ويدفن مير ماحصل مراده = والاحاديث الضعيفه يخذل الله من رواها

[خلف المطيري]

صح السانك يابراهيم الجذع

والقلوب اصحاح

وهاذي مزوح تجي وتروح

والخاتمه عندك

والشكر موصول للاخوان اللي شرفونا في حضورهم

وتصبحون علي خير

[ابراهيم الجـــــذع]

عقب ما سليت سيفي جيت ارده في غماده=عقب ما فارقتوا الحره وفارقكم قراها

روح وقرا اللي كتبته بتأني والركاده=والرساله من كتبها ما يحصل من قراها

[ابراهيم الجـــــذع]

صح بدنك أخوي جبل صايد

تشرفت واستمتعت باللعب معاك

[برررق الحيا]

ابراهيم الجذع وووووو جبل صايد


عنوان للقمة والجزالة دايما ولا يهونون البقية


متصفح راق وطاروق كايف بس الله يهداك ياجبل ماكملت وخليتنا نستمتع ونرقص قبل العشر

والصف صفك ياجبل صايد بس عود خخخخخخخخ


وهالطواريق محتاجة رسايل على الخاص لأننا بحاجتها وبمتابعة شعارها

تحياتي

حرر والسحور مقابل الكيبورد خخخخ

تسحرون على خير ياهل الخير

[خلف المطيري]

ابراهيم الجذع وووووو جبل صايد


عنوان للقمة والجزالة دايما ولا يهونون البقية


متصفح راق وطاروق كايف بس الله يهداك ياجبل ماكملت وخليتنا نستمتع ونرقص قبل العشر

والصف صفك ياجبل صايد بس عود خخخخخخخخ


وهالطواريق محتاجة رسايل على الخاص لأننا بحاجتها وبمتابعة شعارها

تحياتي

حرر والسحور مقابل الكيبورد خخخخ

تسحرون على خير ياهل الخير


يالله حي برق الحيا

حضور غير مرور غير تشجيع غير

الطاروق مايزين غير في حظورك

نورت المتصفح يابرق الحيا

[ناصر الشلاحي]

يا سلام عليكم بيض الله وجيهكم على هذا الابداع
جبل صايد
ابراهيم الجذع

اسجل اعجابي