المساعد الشخصي الرقمي

مشاهدة النسخة كاملة : الوقت يمضي والليالي نهايب


منير رحيل الشراري
28-Aug-2010, 12:46 AM
الشاعر منير رحيل الشراري


الوقت يمضي والليالي نهايب=والمكسبه في تالي العمر شيمه
حفظك حقوق الله منشي السحايب=ينجيك من جمر(ن) توقد هشيمه
خلك فطين الهرج لا صار صايب=أخذ الكلام الزين وترك دميمه
وعرف تفرق بين صايب وخايب=وحرس ترى ماكل علمن غنيمه
حذراك من علمن يجيب النشايب=عمر الردي ماجاب غير النميمه
وحرس على ربعك تجيب الطلايب=كثر الحكي مازود الرجل قيمه
وخذ النصيحه من فهيمن وشايب=علك بها تستر عقولن غشيمه
ولا تبدي الكلمه بليا سبايب=خل النوايا بالخفايا سليمه
ودنياك لا دارت عليك المصايب=شكواك دون الله تراها شتيمه
أصبر وتاليها مع الصبر طايب=الوقت ماله غير صبرك خصيمه
وحذراك من هرجه تخليك عايب=العيب مايمحاه ذبح التميمه
ويالله تغفر ذنب مخطي وتايب=وتنجيه من درب الزلل والظليمه

فيحان العطاوي
28-Aug-2010, 07:42 AM
صح لسانك يامنير

منير رحيل الشراري
28-Aug-2010, 08:16 AM
فيحان صح بدنك ولاهنت على مرورك الراقي

ودمت بحفظ الله

فهد رشيد الزلامي
28-Aug-2010, 10:29 AM
صح لسانك يامنير وبيض الله وجهك

قصيده جزله من شاعر جزل

تحياتي.

منير رحيل الشراري
28-Aug-2010, 09:36 PM
فهد حياك الله ومن قال

يعطيك العافيه على مرورك لاهنت

لك الشكر والتقدير

ودمت بخير

ܓܨ عبدالله البرقاويܓܨ
28-Aug-2010, 10:16 PM
صح الله لسانك ولاهنت قصيده جزله

منير رحيل الشراري
29-Aug-2010, 05:52 AM
عبدالله صح بدنك ولاهنت على مرورك الراقي

لك الشكر والتقدير

ودمت بخير