ثلاث نصائح للشاعر/حبيــــب العازمـــــــــــي

[ذيب العازمي]

هذة ثلاث نصائح للشاعر/حبيب العازمي
كل نصيحه تتكون من اربعة أبيات
وهي عن الصح والخطاء،،، والكلام الزائد في المجلس،،، والرفيق والقريب
ويقول حبيب


النصيحة الاولى : الصح والخطاء
لولا الخطأ محدن عرف قمة الصح *** ولولا الصحيح يصح جات الفضائح
شيً طبيعي يوم ننصح وننصح *** الناس كانو يشترون النصائح
ياجاهلً في الوقت تسرح وتمرح *** ترى الحياه لها نظام ولوائح
وأن كان ماتبغى كلامي هذا رح *** وأشره على اللي قال وين أنت رائح
_________________________________________________
النصيحة الثانية : الكلام الزائد في المجلس
ياهل الهروج العرج لو تمشي العرج *** خطوه ورى عن خطوةً لأمامي
الصمت في بعض المجالس عن الهرج***يسوى مائة كلمه من أغلا الكلامي
ولو كل تاجر في البشر يفتح الدرج *** ماصار للتجار غير الاسامي
وراع الحصان اللي يعنه بلا سرج *** لويشعل النيران برد وسلامي
__________________________________________________
النصيحة الثالثة : الرفيق والقريب
مهما يجيك من الخطأ من رفيقك *** حاول تغاضى والخطأ لايجي منك
ترى رفيقك لو وقف في طريقك *** مثل الرصيد أن قل وأن زاد في البنك
واعرف عدوك قبل تعرف صديقك***من لا يحس بضيقتك مادرى عنك
ولا تأيد المخطي لو أنه شفيقك *** وش عذرك من اللي على ايسرك وايمنك

[مشاري الحبردي]

صح لسان ابو فيصل


وسلمت يمناك

[أبوثنتين]

ولا تأيد المخطي لو أنه شفيقك *** وش عذرك من اللي على ايسرك وايمنك



صح لسان الشاعر الكبير / حبيب العازمي



ولا هي غريبة علي هذا المبدع

هذه النصائح الحكيمة



لا هنت اخوي ذيب

[ذيب العازمي]

شكراً اخوي مشاري الحبردي ولاهنت على المرور

تقبل تحياتي

[ذيب العازمي]

شكراً اخوي ابوثنتين ولاهنت على المرور

تقبل تحياتي