مطر وعتيبه وشاعر المليون والحقيقه الغائبه

[خلف المطيري]

حبيت اني انقل لكم هذه القصيده

للشاعر : تركي الديحاني

والقصيده تعبر عن نفسهاا





ياشاعر المليون حطمت الامـال=منت الطموح اللي نبيـه ونريـده

سببت لك فتنه على روس الاقذال=وراحت ضحياها القلوب البليـده

ناسٍ تحسب المسأله ساحة قتال=وكلٍ على الثاني يحد الحديـده !!

ياناس ياعالم هذا الحكـي بطـال=والمسأله مغيـر ذوق وقصيـده

الشاعر اللي يعجبك كـل ماقـال=ارسل على شانه رساله وحيده !!

فزعاتنا ماهي بتصويـت جـوال=فزعاتنا حطّت حكومه رشيـده !!

حنا قبايل نجـد ذربيـن الافعـال=اصغر ورع فينا عن امية وليـده

وياعتيبه الهيلا صناديد الابطـال=حنا مطير اهل العلـوم الفريـده

حنا سما عالي كما الغيث همـال=وانتو الجبال الراسيات الشديـده

وانتو فعايلكم تـدرّس للأجيـال=وحنا وصلنـا للنجـوم البعيـده

رجالكم على العدو سيف سـلال=ورجالنـا دايـم عـدوّه فقيـده

انتم وحنّا كالبناخي مـع الخـال=الطبع واحـد والعلاقـه وطيـده

مطير وعتيبه تقل نسـل رجـال=كـل البدايـد تعتبرنـا بديـده !!

وان عودت شعر وقوافي ومـوال=انتـم عواميـده وحنـا رصيـده

شعاركم اهل الجزالـه والامثـال=وشعارنا الشعـر نفسـه تزيـده

فيكم حبيّب والفحـل ابـن هـذال=وفينا سعد سلطان وتركي الوليده

شعار صح وابياتهم كلها اجـزال=وقصيدهم يزيد سعـر الجريـده

نبقى على روس النوايف والاقذال=وياشاعر المليون ماهي جديـده

مطير والعتبان حطّـووك بالعـال=ومن دوننا رصيدكم عالحديده ؟!

[سلطان الفجري]

مطـيـر وعتيـبـه تـقـل نـســل رجـــال
كــــل الـبـدايــد تعـتـبـرنـا بــديـــده



الاهنت على النقل المتميز وسبعين نعم يامطير[/size]

[ابورازن فالمريخ]

لاهنت ياجبل صايد وعلمك غانم وصح لسان تركي الديحاني وكلامه لاشك فيه وعلى ماشوف اكثر نسايب عتيبه من قبايل خارجيه من مطير واتوقع ان العكس صحيح والله يديمها المحبه والمعزه بينهم...

[عبدالمجيد النفيعي]

فزعـاتـنـا مـاهــي بتـصـويـت جــــوال=فزعاتنـا حطّـت حكـومـه رشـيـده !!

هذا أكثر بيت عجبني فعلاً التصويت ليس بمقياس لمواقف القبيله ولا تستاهل أحد يقول تكفون على شانها مواقف عتيبه ومطير وجميع القبائل كونت وحده نِحسد عليها الله لايفرقنا بقيادة أخوان نوره آلاد مقرن ، الدم الفيصلي النادر

ونحن جميعاً كما قال الشاعر ذربين أفعال لا يوجد بيننا مفاضله وعتيبه ومطير بدايد وتعتبر بديده كما قال أيضاً

[ولدعساف]

ونعم بمطير حمران النواظر وبعتيبه الهيلا وكـافة القبائل .. وشاعر المليون أثار فتنه بين القبائل لكن الأن أصبح 0 على الشمال !!

,,

لاهنت ياجبل صايد :)!!

[خلف المطيري]

الحمدلله انها لقت استحسان

وهذا ان دل لازال الخير موجود فمطير وعتيبه

انا اعجبني مضمون القصيده

لانها تجمع ماتفرق

واشكر عبدالله الجبري علي تزويدي فالقصيده

لاهنتم جميع ومشكورين علي المرور الطيب

[احمد منير الواصل]

مشكوووووووور اخوي وصح لسان الشاعر تركي الدحياني
ونعم في كل القبائل
وشاعر المليووون ماهووو شعر ذا شارع مسرررررررررروق

[مشاري الحبردي]

ونعم والله بولد ديحان وصح لسانه


وللمعلوية تراها قديمة على النسخة الاولى :)



ولاهنت

[الجهبذ]

صح لسان الشاعر تركي



ونعم بالقبيلتين عتيبة ومطير




وحسبنا الله على اللي يسعى لتفرقة المسلمين




وفعلا


غاب عن الناس المغفلين



ان الذكاء الشيطاني لمنظمي شاعر المليون


كان يلعب على وتر حساس


وهو وتر النخوة وتكفون يا ربعي



لذلك ضحكوا على الناس عيني عينك

[الفجـ511ـري]

والله ونعم بمطيرر
ونعم بمخاواة المطيري

عز الله ان كانك تبي خوي امطيري واما عتيبي

ولا قصوراً في ربعي العتباان


صح لساانك

وان شاء الله ان نلتقى على هذة
المودهـ في جنات ربنا سبحانه

[فهد علي العازمي]

هكذا يجب أن يكون الشعر

ولا أزيد عن كلام أخواني

[صقرالروقي]

مشكوووووووووووور والله يعطيك العافيه

[غـشَّـامـ]

فزعاتـنـا مـاهـي بتـصـويـت جـــوال
فزعاتنا حطّت حكومه رشيده !!



هذاء البيت شدني وكان الشاعر يقصد ان مطير وعتيبه
هم من قام بالمشاركه في توحيد المملكه تحت راية الاسلام والموحد الملك عبدالعزيز رحمه الله فصح الله لسانه مطير في مقدمة جيش الاخوان بقيادة فيصل الدويش (الهارف) وعتيبه فالمقدمه بقيادة سلطان بن بجاد بن حميد (سلطان الدين ) رحم الله اخوان من طاع الله



ونعم عتيبه ومطير فزعاتهم مهيب تصويت جوال فزعاتنا يوم توحيد المملكه ودون وطنا ادامه الله والله يطول عمر حكامه




لاهنت ولاهان الشاعر الله يكثر من الشعار امثاله يسعون للتكاتف

[تركي ابن مكه]

شكر جبل صايد على النقل
لاكن الشاعر ذكر تركي واذا كان يقصد الفين فقد اخطا
فتركي نعرف انه مهو شاعر جزل ومطير فيها افضل منه بكثير
بل انه سبب رئيسي للفتنه بين مطير وعتيبه ونحن جميعا نعرف ذلك
وبعد ماجاء شاعر معروف منذ خمس سنوات تركي لم يعد حتى يدافع عن قبيلته
ويتهرب من مواجهة ذلك الشاعر
وجهة نضر صحيحه مليون في الميه تقبلها بصدر رحب