يامنتدى العتبان

[نواف المري]

السلام عليكم


نقص شريط الأقتتاح:)








في منتدى العتبان جيت ومقصدي الشعر الجزيل=سلام تسليمه لها ذوق ولها طعم وزعم

الله يقطع كل يمنى ماتمد ألا بخيل=وأنا جبل راسي على البيدا ورفرف ياعلم

[خلف المطيري]

في منتدى العتبان جيت ومقصدي الشعر الجزيل

الشطر يبغاله شغل

وصح السانك

ومبارك عليك الشهر

[معجب العتيبي]

الله الله

نواف وقصيت الشريط ببدايه طيبه



صح لسانك




ملاحظه : الشطر الاول يحتاج اعادة نظر ( ومقصدي الشعر)

[شهاب العطاوي]

يامرحبا ترحيب فاضل و الشهر شهرٍ فضيل =عن ربعي عتيبه طوال الروس وكبار الهمم
في منتدانا سيف عز ومزهب وبنٍ وهيل =واحد يمينه تنقطع واحدٍ تدّهن بالشحم

[معجب العتيبي]

صح لسانك يافكاك



ابدعت وردك وافي




متابع

[ابراهيم الجـــــذع]

صح السانك يا المري

وصح السان فكاك النشب

مبدعين وحنا متابعين

[نواف المري]

في منتدى العتبان جيت ألعب على الوزن الثقيل=يسلام تسليمة لها ذوق ولها طعم وزعم

الله يقطع كل يمنى ماتمد ألا بخيل=وأنا جبل راسي على البيدا ورفرف ياعلم


هذى التعديل وبيض الله وجهك ياجبل صايد على الصيده اللي غير شكل:)

[شهاب العطاوي]

معجب العتيبي ابراهيم الجذع حياكم الله وصح بدنكم

[خلف المطيري]

في منتدى العتبان جيت ألعب على الوزن الثقيل=يسلام تسليمة لها ذوق ولها طعم وزعم

الله يقطع كل يمنى ماتمد ألا بخيل=وأنا جبل راسي على البيدا ورفرف ياعلم


هذى التعديل وبيض الله وجهك ياجبل صايد على الصيده اللي غير شكل:)

وجهك ابيض

والصف صفك

[زياد العصيمي]

الله الله
صحت الاسنه والقلوب
متااااااابع
واااااصلواا

[نواف المري]

دام البقى ياعتيبه الهيلا هل السيف الصقيل=نيابة ٍ عن ربعي المره مهجدة الخصم
حنا عرب وانتوا عرب والعلم مايبقى دليل=لاخير في راس ٍ بليد ولا يفيد به الزهم

[نواف المري]

يامرحبا يامعجب العتيبي

ويافكاك النشب واتشرف باللعب معك

صح بدنك ياابراهيم الجذع ويامرحبا

[نواف المري]

زياد العتيبي يامرحبا

وشرفت المكان كله

[شهاب العطاوي]

الله يشرف مقدارك يانواف



الصدق يامرة ونعم ولابكم رجلٍ ذليل =والعلم يفطن له لبيب وتجهله ناسٍ غشم
حنا عرب نمشي على ملة براهيم الخليل =وانتم قبيلة وافيه ربع المكارم والكرم

[نواف المري]

فك النشب ياصاحبي وأذهن تزل ولا تعيل=العام جاكم ذيب ٍ أشهب ثم تولا له غنم

أثر الذيابه مابها رحمة ليا طال الطويل=تخلي اللي مايصير يصير ياراس الهرم

[شهاب العطاوي]

ارتاح يانواف واذهن لاتحط ولا تشيل =الله يكثر خير من قهواك ياراع الضرم
حنا نطالع فالسما ونشاهد الجدي وسهيل =وانتم نفختوا باغة البالون ثم قلتوا نجم

[نواف المري]

عد الحقيقه يالعتيبي ياعسى عمرك طويل=من يجحد فعول العرب جعله ضحية لطرم
اعصار تسنامي يااهل مسقط ماجا الا بالقليل=لو كان مابه من هل الديره من اعصاره سلم

[شهاب العطاوي]

اللي يصدق في كلامك مامعه عقل وهبيل=هذي عتيبه من يطاولها يبا يرجع قزم
ذباحة الحايل وتلطم فالجزيرة من يعيل =واللي طمع بحدودها شكرة على راس السهم

[شبل القبيله]

متااااااااااااابع

[نواف المري]

حنا نميز فالدروب ونعرف الحر الأصيل=يالفارس اللي تغزي بسيفك ترى السيف أنثلم
قناة(بي بي سي) ماعاد تذيع لك يا أحمد جميل=هذى دليل الأنهزاميه على اللي منهزم

[عبدالله بن هملان الغامدي]

شدو الحيل ياشعار وانتبهو لنظام ساهر الله لا يهينكم

[نواف المري]

شبل القبيله ياااامرحبا ومسهلا وتسرني متابعتك

[نواف المري]

عبدالله بن هملان ياهلا وغلا

بس ممكن تعطينا نبذه بسيطة عن نظام ساهر:)

[عبدالله بن هملان الغامدي]

الله يعطيك العافيه اخوي نواف
والمعنى في بطن الشاعر

[شهاب العطاوي]

نواف ليته قبل مايطوي زهابه للرحيل =يرجع على اول دربنا ويعالج جروح اللغم
زرقاء اليمامه ميته ماعاد عندك من يخيل =ان مافهم نواف جعله ياعتيبه مافهم

[شهاب العطاوي]

ههههههههههههههه

نظام ساهر حق المخالفات المروريه يانواف هههههههه



لاهنتم ياشبل القبيله ويابن هملان

[نواف المري]

لا والله الا فهمت وفهمت وفهمت وصح الله لسانك يافكاك النشب ووالله العظيم انه ابرك الليالي اللي جمعتني فيك ولاعاد عندي شي اقوله واللياقه ماعندي لياقه والدليل ثار بي اللغم:)

تمسوا على خير

[شهاب العطاوي]

بارك الله فيك يانواف وصح بدنك وشاعر جزل

اسعدتني مجاراتك

[نواف المري]

زين انك علمتني يافكاك النشب وانا وانت وقفنا عند الاشاره اول ماولعت حمرا :)

[فيحان العطاوي]

صحت الالسن
والله يعافيكم