مساكم الله بالخير جميعاً

[ابراهيم الجـــــذع]

السلام عليكم ورحمة الله وبركاته






مساكم الله بالخير جميعاً








اشوف الرجال أهل المواقف طفو طفو=بعد ولعوا نار المعرفه طفو طفو

ولا أدري تغوص البحر وألا طفو طفو=يقولون مال الأوله غير راعيها

وش خانة الشعار يا شعار=إن لبست الفزعه مجاندها

الخصم احطه بين نار وغار=حتى عتيبه ما يعاندها

[زياد العصيمي]

ارحب يالجذع
واستلم
الا امرحبا والاوله دايما لها لها
والا صاحبي يالجذع ماهو لها لها
تزهب نبا ناخذ علومك لها لها
يقولون مال الاوله غير راعيها
============
الا يالجذع هون ليت مايلحقكم الاضرار
وانا شاعر عصيمي يتعبك يارجل تجهدها
لاكن اخذ الكلام اللي على الميزان والمعيار
علومك يارجل مانته موازيها ومسندها

[فلاح القحطاني]

الله الله


صحت السنتكم

واااصلوووووووو

[احمد حامد الزايدي]

رجال المعرفه للمعرفه سعو سعو=وحجاج بيت الله في بيته سعو سعو

سعو للمعالي مادركو ماسعو سعو=يقـولـون مــال الأولــه غـيـر راعـيـهـا

في موقفي حاضر ولا بحتار=والنار حذرى لاتوقدها

عساك تسلم شيلت الأعصار=والقوم ضني مانت هاجدها

[ابراهيم الجـــــذع]

زياد العصيمي صح السانك

لكن الوزن عندك خطأ يا الغالي

سرني مرورك

[ابراهيم الجـــــذع]

صح بدنك أخوي فلاح

سرني مرورك يا الغالي

[زياد العصيمي]

ارحب يافلاح وصح بدنك

ملايين

[زياد العصيمي]

صح بدنك يابراهيم ومافيه مشكله واصل مع ابن الشاكرين
وانا متابع

[ابراهيم الجـــــذع]

ترا كل شيءٍ له بدايه وجل وجل=مغير الله اللي عز شانه وجل وجل

واجل تحسب الدعوى عوافي وجل وجل=يقـولـون مــال الأولــه غـيـر راعـيـهـا


حنا ليا منا شعمنا النار=تبسط يدينك وتوسدها

عواصفٍ ما حركت سنجار=واظن بعيونك تشاهدها

[احمد حامد الزايدي]

ترى الكامل الله والله اللي كمل كمل =وغيره ما هو كامل ولاهو كمل كمل


نقص لن نقص هذا الشهر وان كمل كمل=يقـولـون مـــال الأولـــه غـيــر راعـيـهـا


تراك جوف النار مهماصار=في جوفها لا لا تباعدها


والله هو اللي قدر الاقدار=مار البشر ياكثر حاسدها

[ابراهيم الجـــــذع]

انا اقول دع عنك المشاكل ودع ودع=وكثر الروابع في يدينك ودع ودع

وراع الودايع عندكم ما ودع ودع=يقولـون مـال الأولـه غيـر راعيهـا

وشلون تبرك والحمول اكبار=ما حلها يا كود عاقدها

خابرك مسلم ما عليك اغبار=ما بين راكعها وساجدها

[احمد حامد الزايدي]

ماعندي مشاكل عندي أنا عمل عمل=وكل أمرءٍ مكتوب اله ماعمل عمل

وهذا تراه العامل اللي عمل عمل=يقولـون مـال الأولــه غـيـر راعيـهـا

أتشيلها أنت كبار والأصغار=ومال العصيده غير عاصدها

وأنا احمد الله والله الستار=يغفر ذنوبي مايفندها

[فايـز العتيبي]

نعم نعم

صحت الالسن



ابو نايف


و



ابن الشاكرين


مبدعين

[ابراهيم الجـــــذع]

نسوق الجمل وأنته حوير عفر عفر=وضيف الله اليا جا بخصمه عفر عفر

وصاحبك لو هو يعدم الما عفر عفر=يقولون مال الأوله غيـر راعيهـا


يا بندقٍ ثارت بدون اعيار=فيها البلا والا سواعدها

يا صاحبي بالله يدك والحار=يوم المخايل دن راعدها

[احمد حامد الزايدي]

ترى الصقر حر ويكفي أسمه صقر صقر=ويحب الصقر صقار واسمه صقر صقر

وجهنم يقولون أسمها هي صقر صقر=يقـولـون مــال الأولــه غـيـر راعيـهـا


من لايفيد الناس ماله شار=والناس ترغب من يساعدها

والحار هرج الناس والأشرار=مابين حاقدها وناقدها

[ابراهيم الجـــــذع]

صح السانك أخوي ابن الشاكرين

للمعلوميه النار فالقرآن اسمها سقر

ما قصرت يا الغالي

تشرفت باللعب معاك

وأنا العب مع جبل صايد بعد

والا كان واصلنا

[احمد حامد الزايدي]

الله يشرف مقدارك يالغالي ،وتصبح على خير

[فايـز العتيبي]

الله يبيض وجيهكم

[ابراهيم الجـــــذع]

هلا وغلا أخوي فايز

صح بدنك

شرفتنا بالمتابعه يا الغالي

[فيحان العطاوي]

صح لسانك ابراهيم الجذع