اقرب شاعر كبير القوم ماهوب لقب

[المطيعي]

السلام عليكم ورحمة الله وبركاته


مرحبا ترحيبة ن ترضيك ياشيخ القبيله
ترضي اللي طايل ن شبره وعلمه مايثنا

ليلة ن جابت كبير القوم عن مليون ليله
ودنا ناخذ علومه عبر الارسال ان وصلنا

[ابراهيم الجـــــذع]

وعليكم السلام ورحمة الله وبركاته



البقا بك يا المطيعي عد همال المخيله=كانك من عتيبه الهيلا وطنكم هو وطنا

المعاني صفت اربعها كما المهر الأصيله=مير عجل بالعلوم الطيبات ولا تونا

[نوآف الغنامي]

المطيعي


والجذع


صحت السنتكم


وااصلوا وحنا متاابعين

[ولدعساف]

الله الله !!

,,

صحت الألسن والقلوب !!

,,

واصلوا ولي عوده مع الطاروق :) !!

[المطيعي]

اسف على التاخير لظرف ن قاهر


يالجذع ترا الوطن واحد وعلمك مايبيله
ابنشدك ليش النور ضاع ومع النور ضعنا

واحد يبغى يحلل من يغني طول ليله
وواحد ن حلل ذواقه زبد ناقه من ضعنا

[ابراهيم الجـــــذع]

كل رجالٍ وعقله يا بيض الشارب دليله=لا تعنا من ورا بعض الفتاوي لا تعنا

اعرف اصحاب الفضيله واعرف اصحاب الرذيله=وإن جهلت اقرا كتاب الله ورد العلم عنا

[المطيعي]

ياولد عساف تدري اني فالدنيا دليله
اعرف العوجا واعدلها بفكري لا تبنا

خوفنا من جاهل ن يسمع وياتي بالثقيله
من يرده يوم قال العلم من خيرة بلدنا

[ابراهيم الجـــــذع]

كان هو وسط البلد مفروض ما يخلا سبيله=وكان ما هو فالبلد كم واحدٍ مثله مجنا

من يجيب التايعه يبرك وحمله يرتكيله=مع ذنوبه يحمل اذنوب العرب منا ومنا

[المطيعي]

كان هو وسط البلد مفروض ما يخلا سبيله=وكان ما هو فالبلد كم واحدٍ مثله مجنا

من يجيب التايعه يبرك وحمله يرتكيله=مع ذنوبه يحمل اذنوب العرب منا ومنا

ابك المفروض مايهرج لين يبحث في دليله
ثم يبين الصح والمخطي تراجع ياجملنا

ابشر انه شال وزر القوم كله في شليله
والله اللي يغفر الزلات عالم وش ذخرنا

[السيل النحاوي]

لعب طيب ماعليه


صحت السنتكم