( يزعل الواقع مطير العريقه من قديم )!!

[عزيّز العبدلي]

كبيره كبيره يا عتيبه بحقنا=
تجينا صغيره مير داخل محقنا=
عليكم بجلّكم وحنا بدقنا=
على الهون تو الليل ياعقرب الساعه=



يزعل الواقع مطير العريقه من قديم = والمطيري عادته ماينوش الغارقه
فيه كلمه تنعشك مثل هبات النسيم = وفيه كلمه تزعلك لو صدرك فارقه

[رعد الروقي]

يا راع الكبيرة خلها في محلـّـها = عشان السيوف الحدب قدمك نسلــّها
وعينك نقررها وكبدك نبلها = على الهون تو الليل يا عقرب الساعة




عادي الشـــداد يزعل ولكن المقيــــم=السعد حوله قريب وشمسه شارقه
كيف حالك بعد ما عشت في جو القصيم=عقب فارقت الشقا والسهوم الخارقه

[ابراهيم الجـــــذع]

المعذره يا العمدة

والله ما شفت ردك

وأنت تكفي وتوفي

[ابراهيم الجـــــذع]

اتمنى المشرفين يحذفون ردي

على شان ما تخرب المحاوره

متابع الابداع

[رعد الروقي]

صح لسانك يا ابراهيم الجذع


كفو كفو


لتني توخرت



كان تبي تواصل حذت ردي

[ابراهيم الجـــــذع]

لا والله الا كمل وانا بتابع

ولا فيك قصور يا الغالي

[عزيّز العبدلي]

تمنى منايح يوم فرت ضروسها = تفاهق قوايمها وترخي بروسها
على شان من يدّيك تحلب ديوسها =على الهون تو الليل يا عقرب الساعه


ماخبرناها تجي منك يوم انته كريم = دسّتك للسم عاده ولاهي فارقه
اجبر الخاطر وتمسح على راس اليتيم = وش تبا باللي على الضلع يركز بارقه

[عزيّز العبدلي]

خيرها بغيرها يالجذع

صح السانك

وردي على رد العمده

[فهد علي العازمي]

شقر شقر

صح السنتكم جميعااااااااااا

[برررق الحيا]

الله الله الطاروق هنا متخالف النسب وكايف ورايف والكنة فيه

وصح السانك يالمطيري وصح السان اللي مقابل العمدة أو ابراهيم الجذع

والصف صفك يالعبدلي إذا هو العمدة

وبانتظار النتايج سقها والصفوف ترددها وليتها على العمدة خخخخخخخخخخخخ


ماخبرناها تجي منك يوم انته كريـم
دسّتك للسـم عـاده ولاهـي فارقـه

الليل شتوي

[عزيّز العبدلي]

فهد العازمي
وبرق الحيا

مرحبا مرحبا نورتوا وشرفتوا

[رعد الروقي]

من العصر وام الداب تنفث سمومها =وقبـــــــل الوعد يدخل تولم علومها
وحنـــا الرخيصة يا عرب ما نسومها =على الهون تو الليل يا عقرب الساعة





ما حذفت الجمرة الا على ابليس الرجيم=جمــرةً للحـم والعظم تحته حارقه
البضاعة بايته عندكم والله عليــــــم=مار لا يمكن تحاشا الرماح الزارقه

[برررق الحيا]

من العصر وام الداب تنفث سمومها ؟؟؟؟؟

وقبـــــــل الوعد يدخل تولم علومها؟؟؟؟؟

وحنـــا الرخيصة يا عرب ما نسومها ؟؟؟؟


لا والله اللي رحنا فيها يالعمدة خخخخخخخخخخخخ

صح السانك ومتتتتتتتتابعين بشراهه ومهما يكون أو تقول الصف صف المطيري هالمرة


والعلاج تو أكلته لأجل هالطاروق الملغم والموال المموه

[رعد الروقي]

العازمي


حياك الله منورر



صح بدنك ولاهنت




برررق الحيااا


ههههه


الله يحييك


اثر مالك صاحب كيف تركت صفي هذي فيها قبايل طال عمرك



على العموم وجودك فالصفحة يشرفنا كلنا

[عزيّز العبدلي]

تجيك العلوم اسمان ماهي مولمه = تحط المنيه وسط حلقك مسلمه
وبعدين قول الكل يرقا بسلمه = على الهون تو الليل يا عقرب الساعه


قولها واشبع بقولتك يالعقل السقيم = كيف تجرا وام عينك تشوف السارقه
الله اكبر يوم اقول المطر مامنه ضيم = لين شفت السيل جارف ومحدٍ خارقه

[عزيّز العبدلي]

مرحبا يابرق الحيا

والصف يزهابك

ومن ناحية رحنا فيها .. رحنا فيها هذي مافيها كلام ههههههه

لا هنت نورت وشرفت

[برررق الحيا]

قولها واشبع بقولتك يالعقـل السقيـم
كيف تجرا وام عينك تشوف السارقه
الله اكبر يوم اقول المطر مامنه ضيم
لين شفت السيل جارف ومحدٍ خارقه

صح السانك يالمطيري نقض وفتل مايجيده إلا الكبار العبدلي ####العمدة ( عمدة الطواريق)

وحار بحار ياشعار وياليالي الصيف استعيري من وقت النهار

الطاروق في هالمتصفح غير ويبي حقه من القيفان والليل صار نهار

وعلى العمدة والله أكبر يالمطيري خخخخخخخخخ

[بدر العضياني]

الليل الليل

اثرك يالعمده في كل مكان

صح الساااانك وصح السان العبدلي

وبيض الله وجيهكم

[رعد الروقي]

الله الله


نجوم السماء ما ناشها اللي على الثرى=اقوله لمن ما عاد يسمع ولا يرى
ولا ادري درى والا لا هالحين مـــــــادرى=على الهون تو الليل يا عقرب الساعة



تلتوي فالدرب قــدّّام والا تستقيـــــم=كان ما انته ناطح الذيب كيف تدارقه
يالطريقي ما ضربناك ضربه فالصميم=السحاب اللي مظللك هزك بارقه




خارقة ... سرت

[رعد الروقي]

صح السانك يالمطيري نقض وفتل مايجيده إلا الكبار العبدلي ####العمدة ( عمدة الطواريق)

وحار بحار ياشعار وياليالي الصيف استعيري من وقت النهار

الطاروق في هالمتصفح غير ويبي حقه من القيفان والليل صار نهار

وعلى العمدة والله أكبر يالمطيري خخخخخخخخخ



هههههههههههه



حسبنا الله على الظالم



منوووووور ير برررق الحيا

[رعد الروقي]

حيااك الله يالبواردي



انستنا بطلتك البهية





صح بدنك وكلك ولاهنت

[برررق الحيا]

احم احم تراني مارقدت ومدبل خخخخخخخخ

والشوف هالحظة بنصف عين والباقي خامد خخخخخخ

[عزيّز العبدلي]

والا ياعتيبه عقب ماباح سدكم = تبون اللسان يبيّن أفعال جدكم
ومنهو وقف معكم هذا اليوم ضدكم = على الهون تو الليل يا عقرب الساعه


يالخيال اللي معك بارق الليل المهيم = وين ذاك البارق اللي بضوّه شارقه
جبت لك بابٍ مقفّل وقدمه سين جيم = واكتشفت انك على الباب وأنته طارقه

[عزيّز العبدلي]

اذن المذن
صح السانك يالعمده
تشرفت واسعدت باللعب معك
والختم عندك ان بغيت

وكما اشكر كل من طل واسعدنا وشرفنا بطلته السعيده
والله لايهينكم

[برررق الحيا]

والا ياعتيبه عقب ماباح سدكم = تبون اللسان يبيّن أفعال جدكم
ومنهو وقف معكم هذا اليوم ضدكم = على الهون تو الليل يا عقرب الساعه


يالخيال اللي معك بارق الليل المهيم = وين ذاك البارق اللي بضوّه شارقه
جبت لك بابٍ مقفّل وقدمه سين جيم = واكتشفت انك على الباب وأنته طارقه

صح السانك يالعبدلي

ومنهو وقف معكم هذا اليوم ضدكـم شكله أنا خخخخخخخ لاتضحك يالعمدة:mad::mad:

[رعد الروقي]

لنا الماضي المشرق بنوره وهيبته =وحاضر مشرّف تعرف الناس طيبته
ولكن بعــض الناس يبكي لخيبته =على الهون تو الليل يا عقرب الساعه




كيف تنفخ وانت من دون برطم يا شريم=روح دور ظل تحت الغصون الوارقه
شيلها فالجيب واهل الصراط المستقيم=منزلتهم عالية والويتهم فارقه

[برررق الحيا]

صصح السانك يالعمدة وصح السان العبدلي وجزلين من دون قول برق الحيا

والله قمة الامتاع والطرب وتصبحون على خير

والصلاة خير من الطواريق على مذهب منتدى المحاورة خخخخخخخخخ


ولاهنتو

[رعد الروقي]

صح لسانك ملايين يالعبدلي


الشرف لي بلا شك



وحياك الله بين اخوانك


تقديري لك




/////////////


برق الحيا



اكيد انت المقصود ،، شفت جبت لنفسك الكلام اقول خلك في صفي ما تلهم





الله يعطيك العافية على متابعتك اللي تشرررفنا



تقديري لك

[فهيد الايدا المورقي]

العبدلي


العمده


صحت السنتكم جميع


طاروق كايف


تحيتي