نادوا لنا غالب وابعطيله القاز

[ابراهيم الجـــــذع]

مساكم الله بالخير جميعاً











نادوا لنا غالب وابعطيله القاز=لو يقطع السبحه ويلقط خرزها

بعطيه درس أن ما طلعه منه ممتاز=بعض العرب لا بد تشكي لوزها

[سـعـد الـعـصـيـمـي]

يالله ستررررررك
صح لساااانك ولساااااان غالب
وانا بصف الغالب والمغلوب يعينه الله ;)

[ابراهيم الجـــــذع]

هلا وغلا أخوي سعد العصيمي

صح بدنك يا الغالي

والصف يزهابك

[غالب الذيابي]

مساكم الله بالخير جميعاً











نادوا لنا غالب وابعطيله القاز=لو يقطع السبحه ويلقط خرزها
بعطيه درس أن ما طلعه منه ممتاز=بعض العرب لا بد تشكي لوزها


قدام غالب وقفتك تحسب انجاز=واسمك مع الشعّار يحسب ويزها
صاحبك درّسه الزمن لين به فاز=درسٍ(ن) منه تعلن عزومك عجزها

[غالب الذيابي]

.
.
.


مرحبابك سعد .. وترى الجمهور معزومين الليلة هنا.
.
.
.
.
.

[ابراهيم الجـــــذع]

الخصم ما يعرف على قاف نقاز=وغالب ليا جا بالمهمه نجزها

الديره اللي صورت وسط برواز=ما عاد نعرف ذيبها من خززها

[غالب الذيابي]

الخصم ما يعرف على قاف نقاز=وغالب ليا جا بالمهمه نجزها
الديره اللي صورت وسط برواز=ما عاد نعرف ذيبها من خززها


الخصم ما يعرف سوى قاف الاعجاز=وان مرّ بديار المجنن حجزها
لولا بها ناس(ن) مطاليق وعزاز=قلت احكم الديرة وبالحد حزها

[ابراهيم الجـــــذع]

الله وصف بعض البشر مثل الأعجاز=وغالب بحطه واحدٍ من عجزها

لو كنت شيخٍ منت والله ببن باز=مع راعي السكر والابره وخزها

[غالب الذيابي]

الله وصف بعض البشر مثل الأعجاز=وغالب بحطه واحدٍ من عجزها

لو كنت شيخٍ منت والله ببن باز=مع راعي السكر والابره وخزها




تراك منهم صدق مانيب لماز=سوالف الشمطا كتابك كنزها
الليله الميدان للحر والباز=والباز راس الطايلة ما عنزها

[ابراهيم الجـــــذع]

جوالنا في جيبكم صار هزاز=سريقةٍ معك الحرامي لفزها

قد قلت لك لا تشبك النتر بالفاز=واطغاك موز المزرعه مع كرزها

[سعود العصيمي]

بعطيه درس أن ما طلعه منه ممتاز
بعـض العـرب لا بـد تشكـي لـوزهـا

الله الله

صح لسااانك مليوووون
يابو نااايف



صاحبك درّسه الزمن لين به فـاز
درسٍ(ن) منه تعلن عزومك عجزها



غالب الذيابي


صح لسااانك

متابعين للابدااع

[ابراهيم الجـــــذع]

هلا وغلا أبو طايل

صح بدنك يا الغالي

يشرفنا حضورك وتابعتك طال عمرك

[غالب الذيابي]

جوالنا في جيبكم صار هزاز=سريقةٍ معك الحرامي لفزها
قد قلت لك لا تشبك النتر بالفاز=واطغاك موز المزرعه مع كرزها



جوالكم مع واحد(ن) يم الاهواز = والقابكم كلٍ (ن) بهرجه نبزها
بدري تحذر واحدٍ(ن) للقيّم حاز=يعطيك لامدت يمينك عوزها

[غالب الذيابي]

.
.
.



مشكور ياسعود على الحضور والمتابعة.
.
.
.
.
.

[ابراهيم الجـــــذع]

قل للعما هذا براهيم ما جاز=ما مر ابن عتقان مر وهمزها

حتى يعلمكم على حل الألغاز=ويعلمك بالناشز ومن نشزها

[ناصر العصيمي]

ابراهيم الجذع صح لسانك واعتلى شانك

غالب الذيابي صح لسانك واعتلى شانك

متابع لكم

[ابراهيم الجـــــذع]

هلا وغلا أخوي ناصر

صح بدنك

يشرفنا متابعتك يا الغالي

[غالب الذيابي]

قل للعما هذا براهيم ما جاز=ما مر ابن عتقان مر وهمزها
حتى يعلمكم على حل الألغاز=ويعلمك بالناشز ومن نشزها




ترى العما خابر ولا ظن يعتاز=ومفرّقٍ(ن) بين الرجال ومعزها
وباق الدعاوي حلها عند خباز=عجينةٍ(ن) يشقى بها من خبزها

[ابراهيم الجـــــذع]

الذيب دايم صيده افراد واجواز=واليا لقاكم بينها ما فرزها

الغرب فيه من المخاريز مخراز=ونفسك مع الشيطان كل ما نغزها

[غالب الذيابي]

الذيب دايم صيده افراد واجواز=واليا لقاكم بينها ما فرزها
الغرب فيه من المخاريز مخراز=ونفسك مع الشيطان كل ما نغزها


التختيم عندك يالجذع الليل سرى والقاف مايشيب.


والحر دايم لابرق الريش جزاز=شيٍ (ن) زبن رمثه وشي(ن) قمزها
هذا البلا اللي حط فيك الف قماز=ونفسك تداوي سقمها من خنزها

[ابراهيم الجـــــذع]

اليا مزحنا معك وش فيك تنحاز=موسى تهاون وكزة اللي وكزها

قد قلت لك قدمك جبل صعب يراز=لكن رح يم النوايف ورزها


ههههههههه

حتى عندنا ما يشيب القاف

[غالب الذيابي]

.
.
.


صح لسانك ابراهيم ، لولا السهر طول كان استمريت معك

لكن الجايات اكثر.
.
.
.

[ابراهيم الجـــــذع]

ما قصر وبيض الله وجهك

تشرفت باللعب معاك

[برررق الحيا]

طاروق حامي بشعاره ومعانيه وعسى الله يزيده حمو وحرارة خخخخخخخ

وصحت السنتكم ابراهيم الجذع #### غالب الذيابي

والليلة المقامة عندكم وفي مجلسكم

واصلو ولاهنتوا

فتل ونقض على أصوله من غير اقصور بالباقين

[ولد حمد]

صح السنتكم

ومتباع لابداعاتكم


تحيااتي..............

[فايـز العتيبي]

صحت الالسن والقلوب



الله يبيض وجيهكم



مافيك حيله يابو نايف مبدع دائما


ولا يهون غالب

[ابراهيم الجـــــذع]

هلا وغلا برق الحيا

صح بدنك يا الغالي

اشكرك على الإطراء والتواصل

[مرزوق الجعيد]

صحت الالسن والقلوب



الله يبيض وجيهكم



طاروووووووق رائع

[ابراهيم الجـــــذع]

صح بدنك أخوي ولد حمد

شرفنا حضورك

[محمد صالح العطاوي]

صحت الالسن والقلوب



الله يبيض وجيهكم



مافيك حيله ياابراهيم مبدع دائما


ولا يهون غالب