المعاني على الشعار ماهي صعيبه ....!!

[براك المهيدلي]

كلكم سداد

والله يحيي من يجي


المعاني على الشعار ماهي صعيبه
وينكم وينكم يا عاشقين المعاني



راعي البندق اللي مايصيب الضريبه
لايشيل الحزام و ينقل الجبخاني

[برررق الحيا]

راعي البندق اللي مايصيب الضريبه
لايشيل الحزام و ينقل الجبخاني

صح السانك على الطاروق وعز الله إنه ماهو جاي إلا الكفو ومن يشوف هالبيت يعرف راعيه ووش مبتغاه

لاهنت ومتتتتتتابع معاكم وصح السان المقابل مقدما

[براك المهيدلي]

مرحبا يابرق الحيا


والجميع كفو والله لايهينك على حضورك


تحياتي

[براك المهيدلي]

تعديل

راعي البندق اللي (ماتصيب) الضريبه
لا يشيل الحزام و ينقل الجبخاني

[بدر العضياني]

المعاني تراها مثل حامي اللهيبه=والجهل فالمعاني يجذبك للهواني
جاك راع السلاح اللي سهومه عطيبه=محتزم بالحزام وبالهروج السماني

[خلف المطيري]

صحت الالسن والقلوب جميع


الشيوخي انت شاعر مالك غير طاروقين

ولفتّ الانظار يمك

والوسام جايك جايك

واراهن علي الشي هذا

مطاليعك مطاليع السعد

[براك المهيدلي]

كل رجال لو ياخذ من اسمه نصيبه
ماتخيّرت غير اسمك هذاه اسم ثاني



جرح الايام مدري وين تلقى طبيبه
يا جريح الفواد و يا فصيح اللساني

[علي الثبيتي]

صح لساااانك يالشيوخي وصح لسااان البواردي

متابع للبداع والجزاله

[برررق الحيا]

كل رجال لو ياخذ من اسمه نصيبه
ماتخيّرت غير اسمك هذاه اسم ثاني



جرح الايام مدري وين تلقى طبيبه
يا جريح الفواد و يا فصيح اللساني


صح السانك يالشيوخي عسى الله يتمم الطاروق


الليل دبسنا ياشعار

ياولد ياولد ياولد

[براك المهيدلي]

جبل صايد


كلامك ورايك يشرفني ويعتبر وسام


الله لايهينك ولاعليك زود


النشمي

صح بدنك ومتابعتك تشرفنا


لاهنت


برق الحيا


بيض الله وجهك و صح بدنك والله يتممه على خير :)


تحياتي

[سمي الجد]

صح لسان الشيوخي وصح لسان البواردي


وانا متابع للابــــــــــــــــــــداع والجزاله
----------------------

[بدر العضياني]

قولو ان الاسامي صار فيها طليبه=ما نسمِي الحصان بشي غير الحصاني
الشيوخي من غبونه طلع فيه شيبه=لا تحسف على ما فات و اطع الزماني

[بدر العضياني]

النشمي ,, بررق الحيا ,, سمي الجد


صحت ابدانكم والله لايهينكم

والشرف متابعتكم


تحياااتي لكم

[براك المهيدلي]

سوقها ياطويل العمر سوق النجيبه
وانحر الجدي والا انحر سهيل اليماني



منبر الحق عيا لا ينادي خطيبه
والعرب منصتين و فاتحين الاذاني

[براك المهيدلي]

سمي الجد


متابعتك تشرفنا


الله يحييك

[بدر العضياني]

اتبع القافله واطلع براس الجذيبه=وانطل الصوت وافطن من فلان وفلاني
منبر الحق لازم يظهر الله غيبه=احسبوا للدقايق واحسبوا للثواني

[ولد حمد]

جرح الايام مدري وين تلقى طبيبه
يا جريح الفواد و يا فصيح اللساني


الله الله عليك يا الشيوخي

وصح السانك يا شيوخي

وصح السانك يا البواردي

الله الله الله
الله الله
الله
تحياتي.......................

[براك المهيدلي]

لا تجينا بعلمن فيه شكه و ريبه
البس الثوب الابيض ياعريب المجاني




لا تعنا و خلك بين مكه و طيبه
اطلب الله فالاجر وصوم شهر رمضاني

[براك المهيدلي]

ولد حمد


الله يحييك و صح بدنك


لاهان حضورك

[بدر العضياني]

الشيوخي تفضل والختام عندك

استاذنك عندي شغل ولازم اطلع
اشهد انا بوقتن فيه ناسن عجيبه=ابتلتنا العرب والله فيهم بلاني
كل ماقلت عان الصيد تقدر تجيبه=قال انا أخاف تخفي فالصدر علم ثاني

[براك المهيدلي]

البواردي


صح لسانك وبدنك


وابياتك خير ختاااااااام :)



تحياتي

[علي الثبيتي]

الشيوخي والبواردي
وطاروق كايف وفتل ونقض وابداع وجزاله

وذكرني بطاروق بين عمالقة شعر المحاوره

مطلق الثبيتي ومحمد ابن تويم الثبيتي

واستلمو


خاتم الماس ما كل يجيله يجيبه ---------- حسبي الله على اللي عن محله حداني
انت تدري بجرحي وانت تعرف طبيبه-------- ياحديد العيون ويافصيح اللساني

محمد ابن تويم

خاتم الماس مكل هقا انه نصيبه------انتبه يالقمر وانشد سهيل اليماني
شاطي النيل مثل السحر للي ضري به------ كل عام بتحرك من مكان المكاني

مطلق

خاتم الماس لو جبناه ماهي غريبه-----سرع مقفابه الفارس بظهر الحصاني
شاطي النيل لو جربت خبثه وطيبه---راح حبك طحين وشفت عشرك ثماني

محمد ابن تويم

نجمة الصبح ماهي من عيونك قريبه----لاتشد الشداد ولاتمس البطاني

وانت اظنك غشيم فالحبوب الصليبه------مار لاتشبرونه يافلان الفلاني

مطلق

نجمة الصبح مع صاحبك في جوف جيبه-----والثريا تراها بين خوف واماني

حبكم ماطمعنا فيه ياعود شيبه ---------------لو تخلطه بسمن فوقه الضيمراني

محمد ابن تويم

وادي ان عشت ابه حذرا تعدى شعيبه------ لاتمر الكويت ولاتمر ابن ثاني
قصدنا بالزياره نحو مكه وطيبه-------وانت ودك تدور غيرها بقع ثاني

مطلق
كان قيدتني ياكبرها من مصيبه----------مايحب المجره غير ثور السواني

انت قانع بديسك يوم تشرب حليبه----------وان نفرته تبا تقرص بقوع الاذاني

محمد ابن تويم
منهو اللي غزا قبلك وجاب الكسيبه-------------ياوسيع الضمير ويابعيد المعاني

ان قبلت النصيحه قلت ماهي صعيبه---------وان تركت النصيحه روح يامكلماني

مطلق

يامحمد ترا كل ضميره رقيبه--------------ندفن الداب داب ونبعثه عقرباني

والذي يظلم العربان منت ابحسيبه----------- ماضربت الوعل فالقرن حتي نصاني

وسلامتكم

[براك المهيدلي]

النشمي

رحم الله مطلق وابن تويم

تواضع الطاروق امام عمالقة الطواريق رحمهم الله

لاهنت على مشاركتك الثمينه

دمتم بخير