الشاعر ابراهيم مدري وش يبا تال الزمن!

[عيد العازمي]

الاخ براهيم الجذع

ان سمح وقتك

قبل رمضان :)



يامرحبا ردة وطن وعتيبه الهيلا وطن = بيت القبيله والقبايل كلها زوارها!!


الشاعر ابراهيم مدري وش يبا تال الزمن!= لكن لامانع نسوق القافله باوزارها!!

[علي الثبيتي]

انا اعلمك ويش يبا يبا يطبق نظام السعوده بحثافيره هههههههههههه

صح لساااااااااااااااانك يابو طلال

و

ولسااااااااااااان الجذع

وانتبه لاتقول غيرها خخخخخخخخخخخخ

[سلطان الجـذع]

...

طيب طيب ابو طلال موجود :) ... صح لسانك ... وننتظر ابراهيم

نبي نشوف وش يبا :)

[عيد العازمي]

هههههه


النشمي


والاسطوره


يامراحب


يالنشاما


وصحت ابدانكم


ونحن منتظرون

[ابراهيم الجـــــذع]

دام البقا يا اللي ترحب جيتنا بأعذب لحن=في منتدى الهيلا ونيران العرب من نارها

ترا الذيابه في شمال الدار ما تبغا عدن=مير البلا يا العازمي بطوالها وقصارها

[ابراهيم الجـــــذع]

هههههههههههههه

علمك النشمي

حياك الله يا النشمي

وحيا الله الأسطوره

منورين الصفحه

[ابراهيم الجـــــذع]

دقيفه اعدل القاف

[الجـذع]

الله الله


شعار يستحقون المتابعه


وازهل الصف يا براهيم ماعلاك

وانت ازهلنا القاضوعه ابو طلال

:)

[ابراهيم الجـــــذع]

هلا وغلا يا الجذع

والصف يزهابك يا الغالي

[عيد العازمي]

الله الله



وسط البحور العايمه ياكم يروّح من سفن= وانته بثوبك والبحور سلاحها بحارها!!


محمل هل الشام بركه لاقاد من يم اليمن= مابرّقو فيه الاوايل لو يمر ديارها!!

[عيد العازمي]

هلا وغلا يا الجذع



لكن فكنا من هالكلمه ههههه


ومسموح فالصف

[فايـز العتيبي]

صحت الالسن



شعار مبدعين



متابعين

[عيد العازمي]

ارحب يافايز


متابعتك شرف لنا



وصح بدنك

[ابراهيم الجـــــذع]

أنا ادري أن السفن واجد لو بعضها ما اغرقن=لا بد ما تغرق ليا هب الهبوب ودارها

هذا ترا واجب قصير البيت في وسط الصحن=أنا أشهد انك يا العتيبي عارفٍ مقدارها

[ابراهيم الجـــــذع]

هلا وغلا أخوي فايز

يشرفنا متابعتك يا الغالي

[عيد العازمي]

ماجيت يابراهيم غير بعلم مابغاله ثمن = الغاليه في سوقها محدن يدور غارها!!

ياطير رفرف بالجناح من ءذهلان ليا حضن = عانق طيورٍ مايباريها قشيش اوكارها!!

[غالب الذيابي]

.
.
.



صحت السنتكم يا ابراهيم انت والعازمي..

نزال قوي ومستواه رفيع.
.
.
.

[عيد العازمي]

ارحب ياغالب


سعداء بتشريفك


وصح بدنك

[ابراهيم الجـــــذع]

ترا الأصيله صفت اربعها وشديت الرسن=والقوم ما نحسب قعيدتها ولا سبارها

كل العلوم اليا وزنها يا بن عاصي وزن=لو كان يحضر للعلوم الكايده بيطارها

[ابراهيم الجـــــذع]

هلا وغلا أخوي غالب

صح بدنك يا الغالي

يشرفنا حضورك ومتابعتك

[عيد العازمي]

يمكن على غير السنع والله يكافينا المحن = كم واحدن تبرك ذلوله فالصفاه بزارها!!


مارجي وراك الا الضوامي لاتمسّن واوردن = من يجذب الما من عدودٍ وردها عمّارها!!

[معجب العتيبي]

معقوله؟؟؟؟؟؟؟؟؟؟


ماصدق ابد





















العازمي والجذع



صحة السنتكم :d

[عيد العازمي]

قسم

هههههه


انه انا والجذع

يرضيك


!!


وصح بدنك

[ابراهيم الجـــــذع]

لا بالله إلا بالسنع قدم الخيول اليا عدن=ما هي بسلع غشها التاجر وزاد اسعارها

تقولها لكن ابا احط الجنازه فالكفن=والله يبارك في رجالاً ما تضيق انظارها

[ابراهيم الجـــــذع]

خلاص حلف العازمي منول بحلف ههههههههههه

صح بدنك أخوي معجب

[عيد العازمي]

لا بالله إلا بالسنع قدم الخيول اليا عدن=ما هي بسلع غشها التاجر وزاد اسعارها

تقولها لكن ابا احط الجنازه فالكفن=والله يبارك في رجالاً ما تضيق انظارها



كفو يابو نايف


شرفت اخوك وصح لسانك

فمان الله

[ابراهيم الجـــــذع]

الله يشرف مقدارك

وصح بدنك

وفمان الكريم

[عادل الحربي]

بيض الله وجيهكم ياعمالقة اشعر في المنتدى مع احترامي لكل الشعار

[عيد العازمي]

عادل الحربي


الف هلا


وتشرف اخوانك لاهنت وابيض وجه