سلامي سلام الضيف و الضيف راعي بيت ؟ الطارف حياه الله

[براك المهيدلي]

السلام عليكم

يشرفني انضمامي هنا



سلامي سلام الضيف و الضيف راعي بيت
و انا ضيف راعي بيت و البيت له راعي



على ربعي العتبان سقت الركاب و جيت
عتيبي و عند عتيبه أحضر بلا داعي

[ابن صبحي الشاطري]

الله صدق من قال المكتوب ياضح من عنوانه

وانت من هالبيتين اراهن على شاعريتك صح السانك والصف صفك

[اصمعي عتيبه]

هلا مرحبا ترحيبتن توصل لتكريت=هلا بالجزاله يوم نور الشعر شاعي
يقوله عريب الجد والجد شيخ فليت=حضورك يشرفنا ولا ضاقت إوساعي

[اصمعي عتيبه]

انا اعتذر عن تكملت المحاوره مع اخوي الشويخي اللي احترمه جدا جدا


لانه طول علي بالرد وانا انطره من اليوم لاكن راح اعذره يمكن جاه شغل


انا الحين برمح العب قلطه

لاتزعل مني وانا اخوك

والجايات اكثر من الرايحات

مشكور علي ابياتك الجزله

[براك المهيدلي]

يدوم البقا ياربعنا ذايعين الصيت
ولا فيه صيت الا مع الناس ينذاعي



قبل لا تدق السلف عاير عيار الزيت
طريقك وعر و بعيد يا طايل الباعي

[براك المهيدلي]

ابن صبحي


صح بدنك واتمنى ان اكون عند حسن ظنك


اصمعي عتيبه


البطا مايعيب وانا اخوك و لكن ضع احتمال عدم وجودي امام الجهاز او اني ماقريت ردك الا بعد فتره او لاي ظرف طاريء ودي انك ماوقفتها لو ترد بعد يومين لكن معذور و خذ راحتك صح لسانك

[عيد العازمي]

الشيوخي الجزل صح لسانك وشرفت ربعك


الاصمعي


صح لسانك وافي

[اصمعي عتيبه]

اخوي وولد عمي الشيوخي

انت علي العين والراس

وشاعر ومافيك حيله وشهاتي فيك مجروحه

لكن لاتفهمني غلط

انا شرحتلك ظرفي في ردي الاول واتمني تقراه مرا ثانيه

ولابد اني اتشرف واحاوره فالجايات لانك شاعر إتشرف اللي يحاورك

وبيض الله وجهك والحظ الليله ما خدمنا يالغالي

[اصمعي عتيبه]

اخوي الشاعر العازمي بيض الله وجهك

وانت كل ماتمر صفحتنا

يعلم الله نفرح بمتابعتك

مشكور يالوافي

[عادل الحربي]

يقوله عريب الجد والجد شيـخ فليـت


فليت ولا بف باف

ههههههههههههه

صحت السنتكم يامبدعين

[اصمعي عتيبه]

يقوله عريب الجد والجد شيـخ فليـت


فليت ولا بف باف

ههههههههههههه

صحت السنتكم يامبدعين


يالحربي انت علامك امدحك دايم واثني عليك ولا ينفع فيك الطيب

واذا ما تعرف شيخ افليت منهو وتقول بف باف

ترا هنا عتيبه يعلمونك منهو شيخ فليت


ولا صرت ما تعرف الرياجيل لا تضحك عليهم

وانا اطالب الاداره بوقف عضويت عادل الحربي

لانه يغلط علي فخذ معروف من اكبر فخزذ القبيله ولا احترم اهل المنتدي والزوار اللي يشوفون كلامه

اضبط حالك يالحربي

واحنا لا احترمناك ترا تواضع منا ولا هو خوف واهم شي الاحترام بين الرياجيل

بيعلمونك عتيبه من هم فليت ياللي ماتعرف الرياجيل قبل لاتغلط عليهم وش عرفك انت بفليت

[عادل الحربي]

انا امزح معك بعدين ما توقعت افليت امير

لكن علمني من هو امير فليت

[اصمعي عتيبه]

انت تعرف فليت منهو اول علشان تعرف اميرهم

يالحبيب فليت ماهو اسم شخص

شفت انك مضيع

فليت فخذ ياللي تقول بف باف

انتهبه لكلامك

لان هنا منتدي والعالم كلها تقرا كلامك

[عادل الحربي]

والله اني حاس انك نفيعي هههههههههه

[براك المهيدلي]

اصمعي عتيبه


محشومين ونعم الفخذ و نعم القبيله


وانت يالحربي خذ بقول المثل يا غريب كون اديب


..

[عادل الحربي]

يا أخوي أنا امزح ولا تدخل الشكات كود الرديين والا ترا الطيب وسيعاً بطانه

[اصمعي عتيبه]

ههههههههههههههههههههه والله انت ياعادل الحربي عجيب ماشفت مثلك


تجيب الطامه وترقعها


يعطيك من طرف اللساني حلاوتا = ويروغو منك كما يروغو الثعلبو

ودامك صفيت النيه ما اقول الا ان المنتدي هذا يجمع ولا يفرق

والله يسامحك يالحربي


اخوان وحبايب مهما كان