استمع والحر تكفيه الاشاره :::: رفيع المنزل لا هان

[رعد الروقي]

السلام ومساء الخير



ان سمح وقتك يا رفيع المنزل والا تراك مسامح دنيا فقط





سلام والا اهلين يا قوم الشمال=والا ترى الثنتين فدوة للرجال
لكن هذا فــــــــال يقفاه العقال=والمقبلات من الليال بفالها .. بفالها



يا رفيع الناس ماهم نايمينا =استمع والحر تكفيه الاشاره
واضح اللي فاليسار وفاليميـنا=زول صار ازوال والناتج خساره

[ماجد السميري]

وش عندك على الموال من تالي ههههههه


صح لساااااانك ياعمدتنا


جزل دائما كما عودتنا


وصح لساااان رفيع المنزل مقدما

[رعد الروقي]

ماسكة غلط هههههه



حياك الله يابن عاقل



عطررررت المتصفح وشرفتني بحضورك طال عمرك




صح بدنك ولا هنت

[&محمد القلاع&]

تسلم ع الموال يا عمدة

وراعي جزيله

وفي إنتظار رفيع المنزل

[رعد الروقي]

حيااااك الله يالقلاع






شرفتنااااااااااا


ونورت الصفحة



صح قلبك ولاهنت

[رفيع المنزل]

مساء النور والمعذرة للتاخير ابلشتنا بالموال يالذيب



يامرحبا من شاعر ٍ ربعه وفو= واصغرهم اللي في ملازيمه كفو
اليا نفخ فوق المعادين اختفو= والمقبلات من الليال بفالها


بيح المكنون كله يوم جينا = واعرف ان النار تبدى من شراره

ارض سينا مابها الا طور سينا = فوق بعض الرمل واصغار الحجاره

[رفيع المنزل]

ابن عاقل


محمد القلاع


صحت ابدانكم مروركم كافي

[رعد الروقي]

الله الله





ياهل الوفاء ياللي تعنون الخيول=الليلة الليلة تشيلون الحمــــول
نحدكم حتى تعرفون الاصول =والمقبلات مـــــــن الليال بفالها




لا تجاهل يابن وايل مـــــا رويــنا =المعـــزب قدم عينك شب ناره
من شمال الدار طرقي له سنينا=كل ليله معه رخصة واستماره

[رفيع المنزل]

المستحيل اللي تبونه بالهياط = مايحصل الا بعد هذا الاشتراط
اذا الجمل شفته يلج سم الخياط = والمقبلات من الليال بفالها


انت مبلي مار تبغى تبتلينا = في مسارك واترك الضيف بمساره
العلوم اللي معك ماهي يقينا = حضر البرهان ثم اصدر قراره

[&محمد القلاع&]

بيض الله وجيهكم

مهما قلت ومهما أبدعت

فلن أوفيكم حقكم

وكلمة شاعر قليله فيكم

أرفع القبعة أحتراماً لشاعرين

وانا متابع,,,

[رعد الروقي]

الله الله



الخـــط يالطيـّب مراقب بالردار = واللي يسوق الباص ويسوق القطار
مصيـــــود من مده ولا يقوى الفــرار=والمقبلات من الليال بفالها




الأدلة كلبوهـــــــــــا في يدينا =اصبر شويه ونعطيك الاماره
جرة السرحان والا ابو الحصينا=بيّـــنه لاهل البداوه والحضاره

[رعد الروقي]

حضورك المشرف يكفينا يا محمد




صح قلبك ولا هنت

[رفيع المنزل]

المجلس الاعلى معه كل العلوم= ياللي علومك داخل الريبه تحوم
ياليتك الليلة تنام ولاتقوم = والمقبلات من الليال بفالها



نصبر وربك يعين الصابرينا =لو طويل هروجكم يشبه قصاره
مالقينا الثانية حتى لقينا = واحد ٍ فاضي ويحفر فالجحاره

[رفيع المنزل]

محمد القلاع


شكرا لك على مرورك الثاني


ويسعدني اعجابك

[فهد علي العازمي]

وبيض الله وجيهكم
والصلاااااااااة لا تفوووووتكم

مع الف سلااااااااامة

[مشاري الحبردي]

الله الله

صحة السنتكم


متابع :)

[رفيع المنزل]

فهد العازمي صح بدنك

ومشكور على التذكير


مشاري الحبردي صح بدنك ومتابعتك مكسب

[رعد الروقي]

الله الله



خابرك مــا تبغى لنا جنبً متين=تدعى علينا بالفنا في كل حين
بلاك من جور الليالي والسنين=والمقبلات من الليال بفالها




في نحور القوم بالشلفا رمينا=مار روح نصهم خلف الستاره
كان ما ميــــزت في دنيا ودينا=مشكلتك اما كبد والا مراره

[رعد الروقي]

فهد .. جزاك الله خير // مشاري



حياكم الله



شرفتوناااااااا




بطلتكم



لا عدمناكم




صحت ابدانكم ولا هنتما

[رفيع المنزل]

ان كان دمك من دعاوينا يفور= ياجعلكم تبقون ليوم النشور
مار اتجه في درب لاتقعد تدور = والمقبلات من الليال بفالها



نعم فيكم مثلها نعمين فينا = والصداره دايم ٍ لاهل الصداره
في هذيك وذيك حنا ناجحينا = يالمقمر ماضرينا بالقماره

[رفيع المنزل]

انا طالع للصلاة واذا تبي تختم يالعمدة او نكمل لك الخيار

[رعد الروقي]

الله الله



الدرب قدامك مسوى من عصر=لكن من طوله نشوفك تحتضر
واليا بغيت الصــدق يا زين العذر=والمقبلات من الليال بفالها




العرب بالطيب ما زادت عليــنا=لو رقت بالونش في راس العماره
العب الدحه وقلي ما درينا =جات فالصندوق والا فالغماره

[رعد الروقي]

صل الصلاة أولى


صح لسانك يا رفيع المنزل ولا فض فوك



شاكر تلبية الدعوة


والختام عندك انت


شرفت وانست والى اللقاء

[رفيع المنزل]

مانته مزيد ناقصه والزايده= حاولت تنقصها ولاشي فايده
لكن ليامنك بغيت الكايده = المقبلات من الليال بفالها


طبعكم تلغون حق الاخرينا = فالحكي والا الفعل مامن شطاره
دحة الويلان ياللي منكرينا = خير من زير ٍ تدقه باي حاره

[رفيع المنزل]

صح لسانك وبدنك يالعمدة


وانا لي الشرف يوم العب مع امثالك


وعلى المودة نلتقي


شكرا لك وشكرا لجميع المتابعين بدون تخصيص


والى اللقاء

[خلف المطيري]

صح السانك يالعمده وصح السانك يارفيع المنزل

طاروق ممتاز

ويدل علي قوة شعرائه

واعجبني رفيع المنزل

لاهنتم