الشاوي اللي قد تكلّف بالعزيمه والضيوف !!!!

[ماجد السميري]

صباح الخير للجميع


سلطاااان الجذع للفائده استلم



يامرحبا ترحيبةٍ تسوى ملايين ولوف=نرخص ثمنها في مواجيب النشاما والمحل
الشاوي اللي قد تكلّف بالعزيمه والضيوف= اليوم طوّى خيمته واخلا مراحه وارتحل

[ابراهيم الجـــــذع]

صح السانك يا بن عاقل

وصح السان سلطان مقدماً

وسجلوني فالصفوف

[ماجد السميري]

صح السانك يا بن عاقل

وصح السان سلطان مقدماً

وسجلوني فالصفوف







ارحب ارحب يابونايف

صح بدنك

ولازم تحدد الصف نبى نشوف انت عنصري والا ههههه

[ابراهيم الجـــــذع]

الصف اللي يرتخي اعزه

على شان نستمتع بالمحاوره

[سلطان الجـذع]

...

مساء النور والسرور

ارحب ارحب


دام البقا ياشاعرٍ توفي وبالعرف معروف = من هيض مستعبد مفاهيم اللغة بعد وقبل!!
مدري تعشى له جمل والا تعشى له خروف = اللي لقاه اكفاه يوم انه على الديرة نزل!!

[سلطان الجـذع]

...

ارحب يابو نايف ارحب ... صح بدنك ولاهنت على حضوركـ ... المهم

[ماجد السميري]

الله الله



احدٍ يقلّط في مقام العز والطيب مهدوف=واحدٍ على فراش الملامه والندامه والجهل
اللي توكّد لي ثلاثه من جزيلات الوصوف=ما ينعرف ويش الطلي ويش الجمل ويش العجل

[رعد الروقي]

هههههه


يعني اني فاهم << ما يدري وش السالفة



ابن عاقل // الاسطورة



صحت قلوبكم



متابعين

[ماجد السميري]

هههههه


يعني اني فاهم << ما يدري وش السالفة



ابن عاقل // الاسطورة



صحت قلوبكم



متابعين












هههههههه


انت اللي منت فاهم شئ طيب طيب

صح بدنك ياعمدتنا ولاهنت

شرفتنا بمرورك الكريم الذي اسعد قلوبنا

[الصبر جميل]

صحت السنكم ياشعار المحاوره وانا في صف الخصم القوي

[ماجد السميري]

صحت السنكم ياشعار المحاوره وانا في صف الخصم القوي








صح بدنك

ولاهنت على حضورك الكريم

[سلطان الجـذع]

...

الله الله :)


تستاهل التشجيع ياماجد وتصفيق الكفوف = وانته على كل احتمالات القضية محتمل!!
انا بوجه مضيع السكة وقفت مع الظروف = لين انقطع دابر هل التفريق والصف اعتدل!!

[سلطان الجـذع]

...

ارحب ارحب يالعمدة ... شرفت وصح بدنك

[ماجد السميري]

ههههه


طيب طيب



انت القديم اللي تعوّد واهتوى صفق الصفوف=والا صحيبك ما يصفق له وهو شاعر فحل
المشكله فاللي تمدد للشباري والسيوف=غرّه قليل العرف جابه وانشبه وسط الوحل

[سلطان الجـذع]

..
.

طيب طيب


خل الشكوك الله يبارك فيك لصدور الضعوف = انته ليا جتك العلوم ابرك لحملك ياجمل!!
العام ملزوم الوقوف .. اليوم ممنوع الوقوف = وصل سلامي للثقة بعد الكلام اللي وصل!!

[ماجد السميري]

العذر يابوعبدالله
البارح كنت جاي من مشوار وتعبان والنوم سلطان




سكان نجد اهل النقا ما يامنون اهل الهفوف=اهل الهفوف اللي تدس السم من تحت العسل
اخوك دفيته قدم للتجربه حتى تشوف=ان امّا استوت.. والا تصير بعيد عن خبط العقل

[سلطان الجـذع]

..

طيب طيب


أليا بغيتك في هذاك الدرب والله لتطوف = لكن انا مااحط وسم ابوي فرقاب الهمل!!
الدم وسط المختبر وانته تعيّن وش تشوف = تقول متعافي واثر في صاحبك سبع العلل!!

[فلاح القحطاني]

شعراء عمالقة

ومحاورة ممتعة

سجلوووني متابع

[ابو فايح]

ههههههههههه



واثق الخطوه يمشي ملك يا ابن عاقل



صحت السنتكم

[مرزوق الجعيد]

مبدعين بكل معنى الكلمة

صحة الالسن والقلوب

تحيتي

[ابن صبحي الشاطري]

صحة السنة الشعراء

[عزيّز العبدلي]

صح السنتكم جميع ولا هنتوا