سعود العصيمي تفضل

[عقاب العنزي]

يابن عاصم صاحبي كان فالدعوه مجال = حاول انك تطمن الصوت ولاّ ترفعه

بعد دونقا عن جهاز البرازيل استقال = ليت ديقو مارادونا على الدرب تبعه

[علي الثبيتي]

الله الله

صح لسااااااااااانك ياعقاب

و

وننتظر ابو طايل وصح لسااااااااااااااانه

[اصمعي عتيبه]

صح لسانك ياعقاب العنزي مبدا طيب

[&محمد القلاع&]

صح لسانك ياعقاب

ومبدا كايف

وننتظر ابن عاصم

وانا متابع,,,

[سعود العصيمي]

ارحب ياعقاااب توني انتبه لبدعتك






مالك الا من يحط الاجابه للسؤال = الغشيم انعلمه والصعيب انطوّعه
لو فيكم واحد مثل شيال الثقال = ماسمعنا منك علم ٍ تقول ونسمعه.

[علي الثبيتي]

لو فيكم واحد مثل شيـال الثقـال


لو فيكم واحد مثل شيـال الثقـال

طيب طيب الداب الداب العب العب صح لسااااااااااانك

وينك ياعقاب الليل الليل

[سعود العصيمي]

ابو فهد

هلا وغلا


صح بدنك وقلبك.



اصمعي عتيبه

حياك الله



محمد القلاع



حياك الله

[عقاب العنزي]

عام الاول صعب واليوم ياسهل المنال = يحفظ التاريخ من قبل يصبح مطمعه

ندري ان الحمل تشتاله ظهور الجمال = والحمل لن زاد يلقى جملكم مصرعه

[عقاب العنزي]

جميع من قام بالمرور


لاهنتو جميع وصحة ابدانكم

[الطيار..]

عقاب وسعود


صحت السنتكم


مبدعين لاهنتم

[سعود العصيمي]

ارتح ارتح واسترح خل راسك فالظلال = كل ضرس ٍ يؤلم الراس حقه نقلعه!!

العلوم الضائعه ماتزيدك راس مال = وش يحدك للتلوي عن دروب السعه.

[عقاب العنزي]

الله اكبر بعد مالمجمعه مصنع رجال = مابقا رجال ٍ تجمّلك وسط المجمعه

قصر بابل مبتني فالخرافه والخيال = مار لن ماطاعك الوقت ياعصيمي طعه

[سعود العصيمي]

اسمعوا يامفرقين الميول من العدال = وش يقول عقاب والمشكله في مرجعه.

انت فيك الاستقامه وشرك لايزال = كل ماحصلت لك در ديس ٍ ترضعه.

[عزيّز العبدلي]

الله اكبر يالعصيمي
صح السانك

وياسلام يا عقاب
صح السانك

ولاهنتوا
متابع

[سعود العصيمي]

العبدلي


ياهلا وغلا

صح بدنك

[سعود العصيمي]

استأذنك ياعقااااب

انا جاي من سفر وتعباااان والله

نكمل غدآ

[عقاب العنزي]

ههههه


طيب طيب



يالعصيمي تالي العمر قافيه الزوال = راح عمرك فالديّر في سبيل المنفعه


يوم اناظر فالتضاريس والماء والجبال = شدني بإن الظلاعين ماهي بااربعه

[عقاب العنزي]

طيب خذ راحتك يابو طايل ومتلاحقين