نتمني ابداع الشعار (والله يحيي الجميع)

[اصمعي عتيبه]

سلامي يم الملعبه (عذرا) ومبسمها فتون=خطابها واجد وانا مالومهم في حبها
والبنت ما تبغي قوافي هايمه وسط اللحون=واحدن يدور سترها واحدن كشف جلبابها

[سراب اللال]

يشرفني اللعب معك



يا مرحبا يا الاصمعي سلم الرجال الطيبون=في منتدى اهل العز و العزة تجي من بابها

هات العلوم مشكله شكل(ن) بشكل ولون لون=وانته من اللي كل سلعه طيبه تسعابها

[علي خيران العتيبي]

يا سلام يا سلام
بدعه كايفه يالاصمعي
لكن غيرت القافيه في الشطر الثاني من البيت الثاني

البيت الاول اون = بها
البيت الثاني اون=آبها
؟

و صح لسانك و صح لسان سراب اللال

[اصمعي عتيبه]

انت الي اتشرف اني العب معه يالغلي جزل وداهيه

الله الله يا سلام

استلم


البنت عيت ياعميل القاف ترضي بالمجون=واجد بغوها ورفضت وافتى عليها قلبها
والله لكسب ودها واكحل احلام العيون=واقدع انا من خدها واجيب مهر إكتابها

[اصمعي عتيبه]

حياك الله ياعلي خيران

نورتنا يالغالي متابعتك شرف

والقافيه هاذي لاتعتبر اختلاف نهائيا
مشكور ومرحبابك

[سراب اللال]

البنت تبغى الستر والناس تحماها بالذقون=واهل اللحى لا بد بلحاها تحمي اشنابها

في ماقفي تدري وكل الناس ياخي يعرفون=والله لاجيب كتابها واني لاجيب نصابها

[اصمعي عتيبه]

ههههههههههههههههه


انته عديل القاف مافيها حكي ولا ضنون=حتى ولو ماعندها اخواتها واترابها
لكن خذ إمن الآخره ياليت قومي يفقهون=وابشر تراها يارفيقي تعجبك باهدابها

[سراب اللال]

يا الاصمعي لو جيت فالمحفل تراهم ما يجون=اعرف كلام الناس واعرف فعلنا فارقابها

وانته فطين و تفهم اللي نقصده لو يجهلون=جهالها بحسابها ..عقالها بحسابها

[سراب اللال]

بطلع اصلي وارجع حط ردك ما عليك و بنكمل ان شاء الله الليل سروي

[اصمعي عتيبه]

كفو ياشاعرنا القدير

عزالله الليله كايفه معك

انطر ردك


الليل ما فيها سراب وياعساكم تفهمون=والذيب الاسود راح والذيب الرمادي جابها
تنوي علي خطف الجليله ياعسى ما تربحون=لكن كليب اللي حداكم عنها يهنابها

[حمد بن مسفرالحبابي]

شعاركبارماشاءالله

[اصمعي عتيبه]

مشاء الله عليك انت ياحمد وماعليك زود انت الداهيه

روح كمل الطاروق الله لايهينك

نورتنا يالغالي