أقرب شاعر ,,,,

[&محمد القلاع&]

السلام عليكم ورحمة الله,,,

حيا الله الجميع وكلكم شعار ونعم والله

وأنا بصراحه أتمنى أني أستفيد منكم فأنتم شعار كبار وأهل الشعر

أنا محمد العتيبي وبصراحه جيتكم وأقول (ما عابني سني) وأبي ألعب مع أقرب شاعر

وأتمنى أستفيد منه,,,,


سلام ياهل المنتدى شعار ولا من حضور

وأثني سلامي يمكم زوار ومن يقرابها

ياهل القوافي مرحبا والنعم فيكم ومخبور

جزل القوافي يا عرب جينا لكم طلابها

[اصمعي عتيبه]

صح بدنك بدايه موفقه ومبدا كايف

استمر انا متابع

كفو وانت قدها

[&محمد القلاع&]

اصمعي عتيبه

تسلم والله وبصراحه انا من المتابعين لك

قبل تسجيلي في المنتدى شاعر جزل والله

وتسلم ع المتابعه

تحياتي,,

[ابوهــندي]

صح السانك وبدايه موفقه

[اصمعي عتيبه]

ما عليك زرد محمد القلاع وبدايتك بدايت شاعر

وانشالله نحاورك بالجايات


ابو هندي شلونك من طول الغيبات جاب الغنايم

[&محمد القلاع&]

أبو هندي,,,

صح لسانك

تحياتي لك,,,

[اصمعي عتيبه]

ما عليك زرد محمد القلاع وبدايتك بدايت شاعر

وانشالله نحاورك بالجايات


ابو هندي شلونك من طول الغيبات جاب الغنايم

[ابوهــندي]

مرحبا يااصمعي

ومرحبا بالشاعر المبتدي بدايه قويه

[ابوهــندي]

دامه اول طاروق لك مانيب سافهك يالغالي

وستلم

يامرحبا وهلين ياقرمً محلك بالصدور
ياشاعرً عاف الهزيله والجزل يبدابها

ياللي بديت القاف وول طرق منته بمعثور
لاكن حذرى تقرب الحيه وتقرب دابها

[اصمعي عتيبه]

ابو هندي احذر هههههههههههه

[اصمعي عتيبه]

انا ماني شاعر مبتدي

انا صحيح توني جديد في منتدي الهيلا ولا لي فتره طويله

لاكن في منتديات اخري حائز علي القاب كثيره

وانا عضو دوانيه شعراء النبط فئة (أ)

لاتفهمني غلط مو غرور لاكن للتوضيح علي كلمت شاعر مبتدي


ولا انا احترمك كل الاحترام يابو هندي ولك معزه خاصه عندي لانك متواضع يا ابو هندي

[ابوهــندي]

؟؟؟؟؟؟؟؟؟؟؟؟؟؟؟؟؟؟؟؟؟

الظاهر انك فاهم غلط يااصمعي انا اقول شاعر مبتدي اقصد الشاعر محمد العتيبي اللي منزل الطاروق

ومااقصدك يالغالي بس الظاهر انك استعجلة في كلامك يالسنافي

[&محمد القلاع&]

هلا والله أبو هندي


وبيض الله وجهك,,,

وأستلم,,,


دام البقا بالورد والريحان مع طيب البخور

يا شاعراً كل المعاني الطيبه يزهابها

أسمع كلام الأصمعي واحذر معايه لا تدور

خل الرديه يا صحيبي لا تجر أسبابها

[ابوهــندي]

كنت اعذر اصحاب البدايه مير منته بمعذور
وكلمتك هذي يارفيق الخير ياوش جابها

الاصمعي شاعر ولاكن صابه الليله غرور
ورسالتي جاتك لعلك قاريً بكتابها

[رعد الروقي]

صح لسانك يالقلاع وصح لسانك يابو هندي





متابع

[&محمد القلاع&]

هلا والله يا عمدة


أبو هندي

أستلم وأنا أخوك

مانبي منكم عذر حنا ترى غصنا البحور

تاتي على درب السباع وياكلك مخلابها

الأصمعي شاعر وله أحلى تحيه بالعطور

وكلمتي كلمة وفاء من شاعراً غنابها

[ابوهــندي]

ياوجد حالي يامحمد كيف كثرت الكسور
والظاهر اكسورك من الضيقه وهذا اسبابها

الاصمعي شاعر ونا ماقلت بالشاعر قصور
مير الجمل ياصاحبي سهله وصعب اعرابها

[&محمد القلاع&]

ياوجد حالي يا صحيبي وأنت تايه ومعثور

ما شلت همك لجل أضيق ولا تعدي بابها

شاعر وله قدره وانا شاعر وناقف فـ النحور

والخيمه اللي تنبي لازم تشد أطنابها

[منصور الدرين]

ياسلام عليكم

صحت الألسن

[&محمد القلاع&]

صح بدنك يالغالي

وتسلم ع المتابعه

تحياتي,,,

[ابوهــندي]

الظاهر انك ضقة منا ونت لك دمً يفور
ودمعة عيونك سالت الليله ومش اهدابها

السالفه طالت وصارت من حدورً في حدور
ولاكن ابشعلها وشب النار ياشبابها

[ابوهــندي]

صح السانك يامحمد وبدايه موفقه ونا اعتذر عن اكمال الطاروق لنه اذن الفجر ولازم اروح اصلي



صح السانك وشكر المشاركين معنا

[&محمد القلاع&]

الدم حار وللمراجل يالخوي نسل الصقور

ولا أنت دمك باردً ما يوجعك مضرابها

ما تحملون أنا عليكم يالخوي نزعل نجور

أحذر تشب النار ثم نقلب عليك حسابها

[&محمد القلاع&]

ونعم والله أبو هندي

ولك كل الود والأحترام

شاعر ولا فيك حيله

وأتمنى لك التوفيق

ومشكور ,,,,

تحياتي,,,

[اصمعي عتيبه]

ههههههههههههههههههه
اشكر اخواني علي القلطه الجميله والممتازه

والله انبسطت معكم وانا اقراها


اول مره اشوف قلطه ثولاثيه بس بغياب الشاعر الثالث

ههههههههههههه

صح السنتكم

[&محمد القلاع&]

تسلم اصمعي عتيبه

لك كل الود

وعلى فكره كما قيل خالف تعرف

المحاورة الثلاثيه تميزنا بها اليوم

والتميز الحقيقي هو متابعتك

تحياتي لك