تحيزم يالجذع واخذ الحذر واحضر على الميعاد

[سويلم الشيباني]

مساك الله بالخير يالجذع واستلم


الايامرحبا ترحيبة(ن) ماعابها النقاد=تراحيب الوفاء لاهل الوفاء رجلي وخيالي
تحيزم يالجذع واخذ الحذر واحضر على الميعاد=ترانا مع مطيح الشمس نبدا روس الاقذالي

[ابراهيم الجـــــذع]

هلا ومرحبا


يدوم الك البقا يا اللي ترحب والسيوف احداد=وحنا اللي نحرك كل سوق بروس الأموالي

اخاف أنك يا بن مشيب تنوخ ما وصلت الماد=الا يا سرع ما تبدي براس النايف العالي

[سويلم الشيباني]

انا جاني خبر ياهل الخبر عن قوم نوح وعاد=تموت اجدودها مار الضّنا شينين الاعمالي
انا قدمك وصلت الماد وانت اربع عن المقعاد=ابك اتسير بوزاني بمطلاعي ومنزالي

[ابراهيم الجـــــذع]

ليا فرقت تاريخ العرب هجري من الميلاد=تبا تلقا العلوم الأوله مع جيلك التالي

أنا ماني خوي اللي ذلوله بالخطام تقاد=تبا ترقا الجبل والا تروح مع الخلا الخالي

[ابن قويعان]

الله الله واااااااصلواااا المحاوره مبداها قويه وصحت السنتكم

[سلطان الجـذع]

...

طيب طيب ...ابن مشيب وابو نايف ... صحت السنتكم .. متابعين ...

[ابن قويعان]

ليا فرقت تاريخ العرب هجري من الميلاد=تبا تلقا العلوم الأوله مع جيلك التالي

أنا ماني خوي اللي ذلوله بالخطام تقاد=تبا ترقا الجبل والا تروح مع الخلا الخالي

صح السانك الله اكبر عليك يالجذع واصل واصل

[ابراهيم الجـــــذع]

صح بدنك ابن قويعان

[ابراهيم الجـــــذع]

هلا وغلا أبو عبدالله

صح بدنك يا الغالي

اشوف المنتدى منور اليوم

[سويلم الشيباني]

دعاوي للقضاء ترفع وسبتها من الاوغاد=احد يعطى حقوقه واحد(ن) ماجوه بريالي
اجل خلك بجنب اللي يفشن اللبن لاجاد=وانا بلقى من الهيلا خوي(ن) يسعد البالي

[سويلم الشيباني]

ابن قويعان وسلطان حياكم الله

[ابراهيم الجـــــذع]

يقولون الرجال اللي يصيبه شك فيه اوكاد=وأبن مشيب مصيبه شك قام يصيح ويلالي

تلبس بالمعاني يا بن مشيب ليش جد اعماد=أنا ما قلت ذاك أنت ولبسته لبسة اعقالي

[سويلم الشيباني]

انا عيني على النيشان والعبرود فالمرصاد=لكنك ترمي الشاره تهو وتقول ورالي
اسامينا وساميكم سوى في دفتر الاستاد=وقسمها وجمعها وناتجها هو الحالي