حياك الله يالبواردي ودنا نمزح معاك

[اصمعي عتيبه]

ياسلام الله سلامه ملت الاجوادي=من هجوس اللي بدعها طيبن مذهبها
المعاني يابوردي بندق ن وزنادي=وإترس البارود وانا بندقي جالبها

[بدر العضياني]

مرحبا يالاصمعي ياللي عليّ تنادي=من هجوسن لا توحت للشعر يطربها
الفتيله والمه والوضع ماهو عادي=وبندقي مشتالها مايختلف مضربها

[ولد حمد]

صح السانكم ,,,,,,,,,,,,,,,,

واتمناء لكم التوفيق

تحياتي ,,,,,,,,,,,,,,,,

[اصمعي عتيبه]

لا تروح إبعيد لا تشمل علي بغدادي=رمينا ماهو عليكم واحذر إتعاقبها
ودنا نقنص جزاله لو تمر إجدادي=صيدة القرقاح جزله وعلت ن صايبها

[اصمعي عتيبه]

يامرحبابك ياولد حمد شرفت

[بدر العضياني]

كل واحد يحسب انه المحيط الهادي=ولو يحول وسط بركه يمكن يغرق ابها
الجزاله عهدنا ابها مع خلف فالرادي=مابقي غير الدوادي خلك محاربها

[اصمعي عتيبه]

عزت الله يافطين القوم ما انته غادي=إبتلانا وإبتليته كانك إتعربها
خابرينه مير سمه واحدن حسادي=يوم ربي غاضب ن جذع النخل قالبها

[بدر العضياني]

ان ضحك له عمدة الحاره يجي متحادي=ولا زعل عليه جا رجلينه يحبحبها
افطنو ياربعنا بين العرب نقادي=والسوالف من يباها يعرف يرتبها

[فايـز العتيبي]

اصمعي عتيبه

و


البواردي



صحت الالسن

[اصمعي عتيبه]

الكرامه ياصحيبي تكره الموسادي=عمدة الحاره ذهين وحسبته يحسبها
ساهرن ليله معانا ماهو إبرقادي=وانت تعرف مذهبه يومنك إتقاربها

[اصمعي عتيبه]

حياك الله يافايز العتيبي
نورت يالغالي
متابعتك شرف لنا

[بدر العضياني]

اصمعي عتيبه تستحق الشكر واللقب.


واعتذر منك .. النوم سلطان


صح لسااانك وبيض الله وجهك والجايات اكثر


تحيااااتي لك ...

[اصمعي عتيبه]

انت اللي تستاهل لقب شاعر يابعيد النظر

اشكر الطاروق هذا المميز اللي جمعنا


كان ودنا نكمل
لاكن الوعد قدام والحي بيشوف


بيض الله وجهك