سلام الله على أهل الحله اللي يكرمون الضيف

[طلال ناشي]

بعد التحية


سلام الله على أهل الحله اللي يكرمون الضيف = وأنا ماني بضيف وعزوتي فالماقف عتيبه

هل الميقاف راحو كلهم مع عجاج الصيف = وجانا مع عجاج الصيف نزلٍ يحتم الغيبه

[اصمعي عتيبه]

هلا مرحبا اخوي ناشي لي الشرف اني العب واحاورك اذا حاب
الله لايهينك

[طلال ناشي]

توكل على اللـه

[حسن إبراهيم الدجيماء]

ياسلام يابن ناشي
,,
عندي ملاحظة ( في البيت الثاني " كلهم -> كلبوهم " ) .. وادري انها خطأ مطبعي !!
,,
على العموم صح لسانك مليون ولاتسدّ
,,
والاجواء الى الان ممتازة أمطار ,, لا عجاج ولا هم يحزنون !! ;)
,,
متابع !!

[اصمعي عتيبه]

هلابك ياعميلي عد ماصبو دلال الكيف=علي مبداكم الكايف نهل القاف ترحيبه
ربيع الشعر نس نس خاطر اللي مايحب الحيف=وانا توي لقيته والعرب ياخوك تدريبه

[طلال ناشي]

هههههه

مايمديني يالدجيما ألا أنت محضر


صح بدنك طال عمرك وحضورك يشرف الطرق كله


لاهنت والله لايغير عليك

[اصمعي عتيبه]

يامرحبا بالدجيماء نورت الصفحه

[سراب اللال]

صـــح لسان العلم طلال

صح لسان خويي اصمعي عتيبه اعذرني توي انتبه للرساله ان شاء الله نلتقي في طاروق آخر

انا الحـين متابعكم

[بدر العضياني]

ما عليش على المداخله

لكن واصلو واصلو


ومتابعين

[اصمعي عتيبه]

يامرحبابك ياسراب اللال تراحيب المطر مرورك شرف وانا دائما اعتز بخوتك يالخوي ونعم فيك

واخوي طلال شاعر مافي كلام واتشرف اني احاوره

[اصمعي عتيبه]

لا افا عليك مسموح اخوي البواردي تحصل مع الجميع
مرورك يالبواردي شرف

[طلال ناشي]

يدوم ألك البقا والحرنفه تمشي مع الحريف = ورداد السلام أليا وصل يعرف معازيبه

ترى الطيب كما صم الجبال النايفات أمنيف = يطيب القاف والميقاف والمحراف من طيبه

[طلال ناشي]

البواردي - سراب الال

صحت أبدانكم واللـه يحيكم جميع

شرفتونا بمتابعتكم

[اصمعي عتيبه]

هلابك يوم انا وظفت قافك واقبل التوظيف=ورداد السلام ليا كتب جزل ن مكاتيبه
ترى روس العرب ترضى رفيع المستوى تصنيف=وبيليه إن بغى يلعب مرادونا يعديبه

[طلال ناشي]

أنا ماني ضعيف ولا رجيت المرجله بضعيف = وقافٍ مايشرف ماقفي ماجيك أغنيبه

مدام ألاد ذايب كلهم جمهور ذود أحنيف = عسى حنيف أتجمل ثم يجمل ربعه الذيبه

[اصمعي عتيبه]

مامات الاصمعي مادامني حي ولساني سيف=ولا تلحقني الشكه مع الاكوان لي هيبه
وحماي الجهام ليا إحتماها وانت ابو عريف=حنيف ان جاك ياشاعر دخل في قلبك الريبه

[أبونايف الروقي]

صحت السن الشعراء ونريد أن يستمر الطاروق رغبة في الإستمتاع بالشعر وشكراً للجميع

[الصميدع المقاطي]

صحت السنتكم ياشعار

وواصلوا ..

[طلال ناشي]

ألا يالأصمعي سيف السعه وقت الملاقا شيف = يومن السيف من يمناي مايخطي مظاريبه

أنا ماقلت فحنيف المسى يالعتيبي زيف = ولن جاني حنيف أكرمتله دقنه وشانيبه

[اصمعي عتيبه]

يامرحبا ببو نايف الروقي ومرحبا فيك يابدر المقاطي
مرحبا مليون ابشرو باللي يسركم
وحنا هنا نمازح بعض وهاذي محاوره ونتم عارفين ولا يهون اخوي طلال وانا احترمه كل الاحترام

[طلال ناشي]

صحت السن الشعراء ونريد أن يستمر الطاروق رغبة في الإستمتاع بالشعر وشكراً للجميع


صح بدنك يابونايف

وشكراً لك على مرورك الكريم طال عمرك

[طلال ناشي]

صحت السنتكم ياشعار

وواصلوا ..


صح بدنك يابدر


لاهنت على مرورك الكريم طال عمرك

[اصمعي عتيبه]

يابو ناشي ترا بعض الحكي مايقبل التنصيف=وسيفي لا ضرب سيفك حرق جملت الآعيبه
انا سببت لك ازمه وامرك في خيالك طيف=وانا عندي بعد خلطه مسويها بتركيبه

[طلال ناشي]

كلامك يامشاء الله لاسمعته مثل يوسف سيف = وأنا بعض الكلام يجوزلي والبعض ماليبه

ليامنك تدينت وتبا المكسب على التصريف = ترى ماكل راعي دينةٍ يلقى مكاسيبه

[اصمعي عتيبه]

تبى تفتح قنات ن بثها من ديرة البرليف=تحسب إنك حبييب وانت ماتعرف اساليبه
ولا تتعب عربساتك اذا ماعندك الارشيف=وانا اسست لي بنك الجزاله في مراقيبه

[طلال ناشي]

صح ألساااااااااااانك يالاصمعي


شرفتني طال عمرك


لاهــــنت

تحياتي

[اصمعي عتيبه]

صح بدنك ياطلال ناشي
عزالله استمتعنا معاك
وبيض الله وجهك انا اللي تشرفت الله لايهينك
ومشكور