هل اخطاء بن سلمي ؟؟؟؟

[المثالي]

حبيب العازمي



هلا يا مرحبا والتهنئه منا لصقور الجو
مغاوير المعارك كل ما شبت شبايبها
نرحب بالجميع ومن حضور الملعبه نرجو
صفوف الملعبه من فضلكم لا احد ٍ يقربها



زيد العضيله



يدوم الك البقاء والعز دايم من مشب الضو
ودايم هيبة اللحيه لجل هيبة شواربها
سمعتوا يالجماهير الكلام اللي حصل من تو
تواجدكم ينومس والرجال نعرف واجبها




حبيب



الا يا زيد بن سلمي ليا شفت الطراقي جو
اخذ فنجال من دلتك والضيفان تشربها
واظن القلب ما يفرح واظن الطير ما يشجو
ليا شاف العرب في حالها تصنع مصايبها

زيدالعضيله



الا يالله تسقي هالاراضي من صدوق النو
الا ياللي تعرف الدار شرقها وغربها
تعلمت الخواجه والخواجه قال يس ونو
وانا ماني مصدق فالعلوم ولا مكذبها



حبيب العازمي



سفينة نوح مامونه وراع الظلم ما ينجو
ليا منه تعدا الغبه الاخرى يطيح ابها
ابه شاطر وابه شاعر وابه ماعر مغير يهجو
وانا جربتها والثالثه ماني مجربها




زيد العضيله




الا يا اهل الحجايا من حاياكم علي احجو
وابه كلمه نبعدها وابه كلمه نقربها
انا مالي دخل فالناس يا حبيب ليا دجو
وكل علومهم لو خفيت عني دريت ابها



حبيب العازمي




ما دام ان الليالي مستلجه والعرب لجو
تراها مقفيه وشدادها حول براكبها
لو الله ومر صدام في بعض الدير يلجو
سلم من قصة ٍ يمكن على راسه عواقبها


زيد




انا بحج يا حبيب مع اصحابي ليا حجو
والبي مثل ما لبو على الكعبه واطوف ابها
انا ما اسج عنها لو وسيعين النظر سجو
وانا ماني مكلف فالقبور ولا نصايبها

[فهد علي العازمي]

طيب وين الخطاء يالمثالي لا هنت

وضح لنا يمكن مالاحظنا شي

والف شكر على الجهد الملمووووووس

[المثالي]

الشطر الاول لاحظ القافيه احتلاف

[الكاايد]

في مثل هذه القافيه كان يجب على زيد الالتزام بالحرفين ( ج , و ) لإن بادع الطاروق ملتزم بها

و إذا لم يلتزم حبيب بها في البيت الثالث هنا يحق لـ زيد التغيير


محاورة رائعه ولاهنت يالمثالي :)

[ابو فايح]

أولا طاروق رائع ومعناه قوي


زيد لم ينتبه للقافيه إلا أخر شي

رغم أنه من المفترض أن يتبع حبيب على نفس القافيه لأنها حرفين أما اكثر من حرفين فلا بأس من أخذ الحرفين الأخيرين فقط


لاهنت يالمثالي

[فهد علي العازمي]

إذا كان الحرف اللي قبل الواو عليه فتحة( َ )

فهذا يكفي عن الحرف الثاني وفي غالبية القصائد وليس عيبا من وجهة نظري لإني قد شاهدت ذلك كثيرا ومن شعراء كبار في مجال النظم والمحاورة

[محمد ابن رووق]

إذا كان الحرف اللي قبل الواو عليه فتحة( َ )

فهذا يكفي عن الحرف الثاني وفي غالبية القصائد وليس عيبا من وجهة نظري لإني قد شاهدت ذلك كثيرا ومن شعراء كبار في مجال النظم والمحاورة



طيب ليه حبيب بقى على جو ياليت تقول وجهة نظرك!

[فهد الزهراني]

على اعتبار القافية قصيدة نبطية زيد لم يخطئ

ولكن هنا بما أن البادع حبيب والتزم يفترض انه التزم ولكنها فاتته وجل من لايسهو

طاروق رائع لاهنت

[الجوراسي]

انا اشوف زيد مااخطأ

[فهد علي العازمي]

طيب ليه حبيب بقى على جو ياليت تقول وجهة نظرك!

لإن حبيب دائم يحاول يضغط على الشاعر من جميع النواحي
ضغط معنوي وضغط نفسي وضغط شعري وضغط لفظي
وصراحة ماكل واحد يجاريه بسهوله
ولازلت أرى أن زيد لم يخطيء

[محمد ابن رووق]

لإن حبيب دائم يحاول يضغط على الشاعر من جميع النواحي
ضغط معنوي وضغط نفسي وضغط شعري وضغط لفظي
وصراحة ماكل واحد يجاريه بسهوله
ولازلت أرى أن زيد لم يخطيء

ممكن تفسر لي وش ضغط معنوي والضغط النفسي


وياليت توضح لي اكثر وش الفرق بين الضغط الشعري واللفظي حتى استفيد

[الكاايد]

لإن حبيب دائم يحاول يضغط على الشاعر من جميع النواحي
ضغط معنوي وضغط نفسي وضغط شعري وضغط لفظي
وصراحة ماكل واحد يجاريه بسهوله
ولازلت أرى أن زيد لم يخطيء

نعم صدقت يافهد الشاعر اللي يواجه حبيب يواجه ضغوطات من عدة جوانب

كلامك صحيح

[فهد علي العازمي]

ممكن تفسر لي وش ضغط معنوي والضغط النفسي


وياليت توضح لي اكثر وش الفرق بين الضغط الشعري واللفظي حتى استفيد

والله مدري يابن روق وش نهايتك كل شوي جايب سالفة جديدة:confused:
وأخاف إنك تستهبل وأنا جايك مطفي النور:eek:

المعنوي والنفسي حول بعضها وتعني الإحباط والإرهاق
الشعري المعني والنص الشعري وسبك البيت
اللفظي قوة تركيب الأبيات وجزالة نطقها

عموما تراها من راسي مدري عنها صح والا لا بس لا عاد تنشدني مرة ثانية:eek:

[ابوتيجان]

حتى لوزيد ما التزم بالجيم والواو وحبيب التزم بها وهو البادي قاف زيد صح ولايلحقه خطا وشاف حبيب ملتزم بالجيم والواو والتزم بها يوري حبيب انها ماتصعب عليه

ولاقاف زيد صح 100%

[البرلمان]

طيب ياشباب من يقدر يوضح لنا المعنى يعني وش تدور حوله يالله يالمثالي ماقدرت الا على نو

[المثالي]

في مثل هذه القافيه كان يجب على زيد الالتزام بالحرفين ( ج , و ) لإن بادع الطاروق ملتزم بها

و إذا لم يلتزم حبيب بها في البيت الثالث هنا يحق لـ زيد التغيير


محاورة رائعه ولاهنت يالمثالي :)

كلام سليم لاهنت

[المثالي]

أولا طاروق رائع ومعناه قوي


زيد لم ينتبه للقافيه إلا أخر شي

رغم أنه من المفترض أن يتبع حبيب على نفس القافيه لأنها حرفين أما اكثر من حرفين فلا بأس من أخذ الحرفين الأخيرين فقط


لاهنت يالمثالي

الف شكر لك

[المثالي]

إذا كان الحرف اللي قبل الواو عليه فتحة( َ )

فهذا يكفي عن الحرف الثاني وفي غالبية القصائد وليس عيبا من وجهة نظري لإني قد شاهدت ذلك كثيرا ومن شعراء كبار في مجال النظم والمحاورة

اللي يتحكم فاللقافيه الشاعر البادي حسب معرفتي .

[المثالي]

على اعتبار القافية قصيدة نبطية زيد لم يخطئ

ولكن هنا بما أن البادع حبيب والتزم يفترض انه التزم ولكنها فاتته وجل من لايسهو

طاروق رائع لاهنت

كلام جميل جدا لاهت

[المثالي]

انا اشوف زيد مااخطأ

رايك وانت حر لاهنت

[المثالي]

حتى لوزيد ما التزم بالجيم والواو وحبيب التزم بها وهو البادي قاف زيد صح ولايلحقه خطا وشاف حبيب ملتزم بالجيم والواو والتزم بها يوري حبيب انها ماتصعب عليه

ولاقاف زيد صح 100%



وجهة نظرك ونحترمها ولكن لا نؤيدها .

[المثالي]

طيب ياشباب من يقدر يوضح لنا المعنى يعني وش تدور حوله يالله يالمثالي ماقدرت الا على نو

؟؟؟؟؟؟؟؟؟؟؟؟؟؟؟؟؟؟؟؟؟؟؟؟