ابراهيم الجذع .

[شهاب العطاوي]

مرحبا في موقع العتبان شرهين الطمايع =لابتي سقم العدى وانا بعد سقم المعادي
الجذع ماهو بتاجر كان ماعنده بضايع =لو شرى بنك الرياض ولو شرى بنك البلادي

[خالد عواض الذيابي]

صح لسانك يافكاك النشب

وصح لسان الجذع مقدما

متابع

[ابراهيم الجـــــذع]

البقا بك يا المرحب جيتكم والقاف رايع=عند ربعٍ تحتما الميقاف في يوم الجهادي


الجذع طبعه ليا منه غزا جاب القلايع=يوم بعض الناس في عنده ويعرف بالعنادي

[فايـز العتيبي]

ياسلاااام سلم


صح لسانك يابو نايف

[شهاب العطاوي]

يابراهيم الوديع اليا نوى حفظ الودايع =تشتبه لك هي براس الظلع ولا بطن وادي
انت تحسب طرقتي من بين مكه والشرايع =مادريت اني على ظهر الجمل حازم شدادي

[أسير القوافي]

صحَت السنتكم ياكباتن ،، : )





متآآآآبعين للفتل والنقض الرااااايع والقااف الرااااايع ،،

[ابراهيم الجـــــذع]

والله أنك منت داري لو تنازعها النزايع=لن بغيتوها صباح ولن بغيتوها هجادي

طرقتك طرقة مطوع عقب ما جيناه طايع=يوم بعض الناس معهم لا يساق ولا يقادي

[شهاب العطاوي]

الضما مافيه شكه والجديد اثرك جايع =والمصايب مع دروبك كثر حنان الجرادي
انشد التاريخ ويعلمك باحداث الوقايع =كان ماتدري عن اللي صار في حزم الحمادي

[ابراهيم الجـــــذع]

اثر فكاك النشب في تالي الأيام صايع=مير ما فالناس شكه لا تكثر فالدوادي


أنت زبده لو نحطك فالحراره صرت مايع=ولو يجيك المسك يصبح ريح عود وريح كادي

[شهاب العطاوي]

راحت اعلومك خساره مالها شاري وبايع =والجروح اللي منول زادت جروح جدادي
الكلام اللي عن ابراهيم عند الناس شايع =الجمل ربّع شمال وعاد في زاره قرادي