قدام تسري بها يا حبيب محثله

[المثالي]

حبيب العازمي



من كبر حظ العصيمي والجمل والشداد
لا طاح حظه ولا حول شداد جمله
لكن انا في طريقه بالسيوف الحداد
من حي ما راح قدامه سوات عمله






مستور العصيمي



يا حبيب العازمي يا جعلنا فالمراد
لن كان باقي كلام ٍ في ضميرك قله
لو ما ربطني معك فالوقت ملح ٍ وزاد
لا اقول خل العصيمي روح لا تشغله





حبيب العازمي




لا بد صم الجبال تروح مثل الرماد
اما من القارعه والا من الزلزله
انته تباها صباح ضحي والا هجاد
ماني مخليك لو اكتفك بالسلسله





مستور العصيمي




قالوا لي انك عضو في نادي الاتحاد
تروح من مشكله تطيح في مشكله
يالعازمي تاجب اللعنه على قوم عاد
الله ذكرذنبهم فأياته المنزله






حبيب العازمي



لا بالله انته عضو للي يحكم البلاد
وتجمع المرجله وتضيع المرجله
في عقلك اهون عذاب الشرك والا الفساد
الثانيه مقفيه والاخره مقبله




مستور العصيمي



يا حبيب العازمي راحت حياتي جهاد
تبى تجيك العلوم سمان ومفلفله
الناس ما تفرح الا في ليال العياد
نهار تلبس ثياب جداد ومفصله



حبيب العازمي



اخذت قسمي معك في حر والا براد
وانته ليا ابطيت معنا جبتها مطبله
هذاك يوم العرب كانت تعشا الجراد
واليوم رز وشحم والحوت فالبنقله



مستور العصيمي





ما اخذت قسمك ليا هالحين حتيش عاد
ايامك مطوله وعلومك مطوله
ما دامك ان المطيه رجلها فالقياد
تمسي وتصبح وهي في حبال ومعقله





حبيب العازمي







بالله وش رايكم يا عالم الاقتصاد
انا ارفع البوصله والا اخفظ البوصله
ان كان بيني وبينك يالعصيمي عناد
روح افتح الباب وانا اروح واقفله



مستور العصيمي


تراك غلطان حسب الظن و الاعتقاد
يا زارع القنبله ويلك من القنبله
ان طعتني ختم الدعوى بمسك وزباد
قدام تسري بها يا حبيب محثله

[الكاايد]

هههههههههههههه

عمالقه الله يطول عمارهم وعمرك يالمثالي :)

[فهد علي العازمي]

هههههههههههههه

عمالقه الله يطول عمارهم وعمرك يالمثالي :)

شرحكـ سراء

[الجوراسي]

مافيك حيله يالمثالي

ماتجيب الا الغانمه

[محمد العتيبي]

الله يعطيك العافيه يالمثالي ..


ماقصرت


اتمنى ان تكتب لنا طرق الشاعرين حبيب العازمي وزيد العضيله بنفس


الحفله ان ماخاب ظني مبداها من حبيب يقول :


هات الخبر يازيد كم لك وانت جايٍ فالحجاز = جايٍ على موترك ولا طايرٍ بالطايره


فضلا ليس امرا ..


تحيتي لك يالغالي
..

[الراقي وبس]

شكرا اخي المثالي على هذا الطاروق الممتع بين العمااااااالقه مستور وحبيب
واتمنى مثل هذه المحاورات في منتدانا الغالي

[خالد بن مورق]

من اجمل المحاورات

[صاحب الكلمة]

كثروا من هالمحاورات

[نصر الشمال]

بوووووووووووووووووووووفيصل وبس

[احمد منير الواصل]

لله دركم والله محاوره رائعه شعراء بس اتمنى انك لو غيرت الموضوع
وبو فيصل مايسريبا شبح الشعر ولا يهون الشايب ابوتركي الله يطول في اعمارهم
الاثنين وهم مهما صار ما احد يفرق بينهم او ينافق لو حاول الكثير من الناس يبقون الافضل في المحاوره

[مزحم العتيبي]

محاورة من العيار الثقيل وهذي عادت مستور وحبيب الثنائي الاقوى في ساحة المحاورة