ومال التفاوض مع اسرائيل داعي (براهيم الجذع)

[خوي السعد]

ابو خليل لاهنت الكره الثانيه

على منهج الابطال ومصامخ الروس= هلا يالجذع حييت ولا الرباعي
نبا نخزي امريكا ونقضي على الروس = ومال التفاوض مع سراييل داعي

[ابراهيم الجـــــذع]

على منهج الأبطال والموس ملحوس=يدوم البقا وأنته بسن الرضاعي

أنا ما حسبت احساب صاحي وملحوس=ولا امشي مع العالم بوجهٍ صناعي

[الكاايد]

يالله مساء خار :)


متابع الله لايعوق بشر وصحت السنتكم

[خوي السعد]

تبالك مرق وش لون ياطابخ الفوس = ورى عقلك اصبح مثل عقل الوراعي
ابا اقرا علاك الفاتحه كان منفوس = وابا ذكرك في ضربة(ن) من ذراعي

[خوي السعد]

الكايد يامرحبا هذي وانا اخوك يسمونها خمات القوايل ههههههه

[أسير القوافي]

كلام كبير وتمريره وضربة راس وعلومن غانمه ههههههه ،،



صحًت ألسنتكم ياشعَار الهيلا ،،



والله تشرَفونَا وتسعدونا ،،




متآبع بجميع أنواع التقنيه ،، : )

[خوي السعد]

جعلك تسلم يااسير القوافي شرفنا حضورك

[ابراهيم الجـــــذع]

يبا يطفي الفانوس ويشب فانوس=وأنا ما عطيتك رد دون اطلاعي


ترا وضعكم يا صاحبي وضع مدروس=بعد جاك دكتورٍ يداوا الوجاعي

[خوي السعد]

بعد ماطواك الوقت والحظ متعوس = وش اللي تنطّح به وجيه السباعي
تراك بن عمي ماب لطمتك ناموس = ابا لطمتي فالجحدري والسباعي

[عبدالله القحطاني]

تراك بن عمي ماب لطمتك ناموس=ابا لطمتي فالجحدري والسباعـي


والله تبطي عظم هههههههههه

وين ولد عمك الي طق مني رح جيبوه خلوه يعود لا يرتاع

[خوي السعد]

وش قومك يابن مضيم ؟

ارحب ارحب وحسابك بعدين

والغايب حجته معه مثلك امس يوم انقطع وقودك وطقيت
ايه بلاك خابرن الطقه مامثلها ههههه

[ابراهيم الجـــــذع]

الا وا حليل اللي به السيف مغروس=يبا له سفينه ما عليها شراعي


يا ليتك تصد القوم لا دق هاجوس=قبل ما تضيق ابك الدروب الوساعي

[خوي السعد]

انا لانطحت القوم ابا ادوسهم دوس = وابترك خلفي ياقليل المتاعي
وش اللي فعلته يوم قابلت ابو روس = لقيته عمل بك شي مايستطاعي

[ابراهيم الجـــــذع]

أنا خلفكم يوم أنت غنيت منكوس=وزرعت اللغم وسط الطريق الزراعي


عمود الشواوي يوم خلاه بطعوس=تطوفه وتسعى يا خبيث المساعي

[عادل الحربي]

أنـا خلفكـم يـوم أنـت غنيـت منكـوس
وزرعت اللغم وسط الطريق الزراعي
عمود الشـواوي يـوم خـلاه بطعـوس
تطوفـه وتسعـى يـا خبيـث المساعـي




الله يكفينا شرك ههههههههههه


المطبات الهوائيه بين ابراهيم وبين خوي السعد الله يامنا

[خوي السعد]

تقوله ووجهك يالاخو كله اخفوس = ولا افتكك الي جامعك فالجماعي
عمود الشواوي فوق علباك ممسوس = ومن مسته جاك البلا وانت واعي

[خوي السعد]

هههههههه
عادل انتبه لايكون المعنى علاك
يالله حيه

[ابراهيم الجـــــذع]

صح السانك يا خوي السعد


ما قصرت يا الغالي


بستلم لك العبدلي

[خوي السعد]

يابعد راسي يا ابراهيم والله مالعبت معك الا من غلاك
وسيفنا واحد على راس العبدلي واشكاله

[منصور الدرين]

ياهملالي

صحت ألسنتكم محاورة ( فضفضه ) أعجبتني

كل الإحترام :)

[الكاايد]

بيض الله وجهك ياخوي السعد اشهد انك وافي :)

ولايهون ابراهيم

[خوي السعد]

ماعلاك زود يالكايد ونقول هلابك