لا تحسبني فـــــــــاقـد العقل ياصـــــــاح

[نادر بن طريخم]

ياصاح تال الليل قبل الصباحي=
قبل الظلام يزول والصبح مالاح

واعي وعقلي للمهمات صاحي=

ولا تحسبني فاقد العقل ياصاح

النوم مع روحات من راح راحي=
وانا احسبه لو راح معه السهر راح

الصاحب اللي للخفوق استباحي=
صار العنا والشوق مسرى ومسراح

من غيبته لا غير سيد الملاحي=
نعيت ساعات السعاده والافراح

فقدت غفواتي وراح انشراحي=
وعانيت من ليل السهر طيف واشباح

وتوي عرفت ان الكرى له جناحي=
طار الكرى لو قلت لي ماله جناح

لو كان يرجع بعد كثر الصياحي=
جمعت له بالنايفات ألف صياح

مكتوب ماله بالمخاليق ماحي=
باقدار رب العرش فلاج الاصباح

صار الفراق اسباب جرح الجراحي=
مافادني طبٍ ولافاد جراح
نادر محمد طريخم

[مرزوق حمدان العتيبي]

مافادني طب ٍّ ولافاد جرّاح..
صح قلبك
نزف رائع من شاعر يعلم جيّداً كيف
صخر الحرف وطوّع الكلمه..
تحياتي مقرونه با اعجابي..

[((الدلبحي))]

صح السانك

بالعون عبرت وطوعت المعني


تحيااااااااااااتي

[وصل العطياني؟؟؟]

صح لســـانك ...

قصيدة رائعة بكل ما تعنيه الكلمة ...

ولا نستغرب الإبداع من اهله ..


تحياااااااااتي

[بحر النسيان]

صار الفراق اسباب جرح الجراحي
مافادنـي طـبٍ ولافــاد جــراح

صح لسانك اخوي نادر ... والله لايحرمنا مزيدك الاروع معنا دائما وابدا :)


تحياااااااااتي لك

[الــوآفــي]

مافادنـي طـبٍ ولافــاد جــراح


لله درك يا نااااااااااااااااادر

صح لسااااانك

رائعه جديده من روائعك

[خليل المطيري]

بسم الله الرحمن الرحيم

نادر بن طريخم

السلام عليكم ورحمة الله وبركاته


صح الله السااااااااااااااااااانك وعلا شانك

ابدعت وامتعت

قصيده جزله من شاااااااااااااااعرٍ جزل

اخووووووك
خليل المطيري

[نادر بن طريخم]

الإخوة الأعزاء
مرزوق العتيبي
الدلبحي
وصل العطياني
بحر النسيان
ذيبان
خليل المطيري
لكم كل الشكر والتقدير على التعليق
ونتشرف بقرائتكم للمشاركه

[نايف الهمه]

ابن طريخم


صح لسانك وسلم نبضك


قصيييييييييييييييييييييييييده رائعه وتغييييييييييييييييييييير جميل

[دريد ابن الصمة]

صح السانك يابن طريخم ملاييين ......

قصيدة .. رائعة .. وابيات.. جزلة .. لا يكتبها الا نادر.....

تحياتي لك...

[نادر بن طريخم]

صحت أبدانك ملايين يابن الصمه
وتقبل شكري وتقديري

[نادر بن طريخم]

الأخ العزيز / نايف الهمه
المعذرة لم أرى تعليقك بالمرة السابقه
لك كل التقدير والاحترام
وصحت أبدانك,,,,,,,,,,,,,,,,,

[ناصر بن محمد العتيبي]

صح للسانك

يانادر

قصيده تستحق الاشاده

سجل اعاجابي بهذه

الجزله ياجزل



اخوك

[الروقي فيصل]

صح لسانك يالغالي ولاعدمناك

[نادر بن طريخم]

الأخ / ناصر بن محمد
صح بدنك وشكرا على التعليق الجميل

الأخ / الروقي فيصل
صحت أبدانك وتقبل الشكر الجزيل

[مدباس]

لو كان يرجع بعد كثر الصياحـي

جمعت له بالنايفـات ألـف صيـاح





صح لسانك وبيَض الله وجهك يا نادر




تقبل تحياتي

[نادر بن طريخم]

الأخ / مدباس
صحت أبدانك وبيض الله وجهك ولاهنت على التعليق
تقبل الشكر والتقدير