مرحبا يا شاعر المطران منصور الدريني

[ابراهيم الجـــــذع]

مرحبا يا شاعر المطران منصور الدريني=عد حالات البحر يا صاحبي جزره ومده


العرب تدري وتعرف كل ذيب من الحصيني=وانته اتمثل قبيله والكلام الزين بده

[منصور الدرين]

أرحب ياإبراهيم :)


عدّ ماتسجد ببيت الله .. جباه الساجديني=البقا بك يالمرحّب .. فيك ..ترحيبك نردّه .!!
إرحم الله والديك .. ويرحم الله والديني=القلوب اللي على طيب المبادئ .. مستعدّه .!!

[ابراهيم الجـــــذع]

ان بغيتو سلم ولا حرب ما دينك بديني=استعدي وستريحي يا الجنود المستجده


دايم الحاضر يذكرنا قديمات السنيني=من يجاز الصاع صاع ومن يجاز المد مده

[منصور الدرين]

كل ماتبغون يالآصحاب حنا حاضريني=الكفؤ يسلم ..ومن يخطي وطآنا فوق خدّه.!!
الجذع ينظر ورى .. مستقبله ماهوب زيني=بس أنا لي نظرة الصقّار يوم . الحر .. هدّه .!!

[ابراهيم الجـــــذع]

لا تقوله وأنتم اللي غاب عن غزوة حنيني=حط من تحتك فراش وحط لكراعك مخده


كل قاسي عقب ما جينا لا بد أنه يليني=اصبر اصبر لين ياخذ له معك روحه ورده

[منصور الدرين]

كان فيكم خار .. روحوا حاربوا جيش الخميني=لاتجيني يالعتيبي .. لين لازمكم تسدّه .!!
إنشدوا عنّا الرجال أهل الفعول الآوليني=إن سمعتوها تجافي .. ماسمعناها مصدّه .!!

[ابراهيم الجـــــذع]

دايم اهل الغدر ما تصدق ولو تحلف يميني=والخميني صاحبك لكن هات العلم وده


جيت تبغاها وجاتك بين خشم وبين عيني=كل من يخطي تراني لاعنن عده وجده

[منصور الدرين]

إيه .. والشاهد على ذلك ..سلوم المسلميني=كل منهو خان بيت الله ... فأنا خصمه وضده .!!
الغراب اللي نقب عينه ترى .. بينه وبيني=مثل مابين الرياض .. من الفراغ .. وبين جده .!!

[ابراهيم الجـــــذع]

وبك حنا سيف حق الطاعة الله ونت ويني=لو يحكمكم بليس العود اخذ فمطير مده


عقب ما جاتك على وضح النقا فوق الجبيني=بل راسك يحمر العينين ثم حاول تكده

[ولد حمد]

صح السنتكم
,,,,,و.....متابع لابداعاتكم

[منصور الدرين]

مالقينا في عتيبه .. كلّها .. رجال أميني=يجحدون .ويضحك جهيمان .. والعتبان سدّه .!!
أنت يإإبراهيم حي .. ومن عداد الميتيني=بالهروج.. العوج. .. تحت ..السيف ..لين إنّا نحدّه .!!

[منصور الدرين]

صح لسانك ياإبراهيم تشرفت بمقابلك

وصحت ألسنتكم جميع

والنوم على الأبواب

لنا لقاءات قادمة

في أمان الله

[ابراهيم الجـــــذع]

الله يشرف مقدارك

وصح بدنك يالغالي

[زياد المزرمي]

الله الله

صح اللسانك يا ابراهيم الجذع


وصح اللسانك يا منصور الدرين

إيه .. والشاهد على ذلـك ..سلـوم المسلمينـي
كل منهو خان بيت الله ... فأنا خصمه وضده .!!

الغراب اللي نقب عينـه تـرى .. بينـه وبينـي
مثل مابين الرياض .. من الفراغ .. وبين جده .!!

مبدع يالغالي

تحياتي وتقديري

[منصور الدرين]

صح بدنك شاعرنا زياد الشطيطي


والإبداع لايكتمل إلا بتواجدك

كل الإحترام

[خالد الثبيتي]

صحت الالسن
و سلمتوا و لا هنتوا

طاروق امتعنا بصراحة
و الله يبيض وجيهكم يالشعار


لكم مني الطيب و الاحترام و التقدير

[برررق الحيا]

صح السانك ابراهيم وصح السان منصور الدين وشعار فتل ونقض وطاروق كايف ولا أحلى تخللته المتعه والجزالة من كلا الشاعرين

منصور

الجذع ينظر ورى .. مستقبله ماهـوب زينـي
بس أنا لي نظرة الصقّار يوم . الحر .. هدّه .!!

قمة يامنصور وكبير وجزل

ولا يهون مقابلك ابراهيم

وبك حنا سيف حق الطاعـة الله ونـت وينـي
لـو يحكمكـم بليـس العـود اخـذ فمطيـر مـده

أف على هالقوة والسبك ابراهيم

ولاهنتوا وعساكم على القوة والمحبة دوم

[منصور الدرين]

ابن منور + برق الحيا



مروركم زادنا شرف

ونسعد بثنائكم

كل الإحترام

[الواصلي العبدلي]

مبديعين وصح السنتكم لاكن الموضوع مستهلك بين شعار مطير وعتيبه

[فزاع الاسعدي]

الله الله


مبدعييييين


صحت السنتكم وقلوببببكم ..

[منصور الدرين]

صحت أبدانكم جميع