تعال يا ورقان وأنته من مزورت الورق

[ابراهيم الجـــــذع]

تعال يا ورقان وأنته من مزورت الورق=امزور الميه يفيده بيعة الخمس بميه


اللي مشا درب الحقيقه عن طريقه ما فرق=لا تعتذر بعذار يا ورقان ما هي مجديه

[ورقان]

جيتك بعودٍ من قبس واخذت كرتك واحترق=يابو ثنعشر ذوقها في المقبله والمقفيه
على قليلٍ من كثير اقرب يارشاف المرق=انا على الجذعان ابا اعلنها ذكاه وتصفيه

[ابراهيم الجـــــذع]

بين الضلوع الحدب رمح اذياب يا الصاحب مرق=والعله اللي فيك يا ورقان عله معديه


يا كم وياكم واحدٍ مثلك ليا جيته شرق=لكن أنا بعطيك وسط السوق سهمٍ توصيه

[خوي السعد]

براهيم وورقان وتحقيق على اشده عشتوا

[ورقان]

ماهوب رمح ذياب رمح سميحه مبطي زرق=في قلب مقتول الغرام بغير ثار ولا..ديه
امسك عصى فرعون واقضبها ويدرك الغرق=في البحر الابيض بعد موتك ماتفيد التحليه

[ورقان]

ارحب ياخوي السعد ارحب

[ابراهيم الجـــــذع]

وشبك تصيح و وجهك من صياحكم ينضخ عرق=هذي السواه اللي يسويها قليل التربيه


خلك على الدرب الصحيح ولا تفرع فالطرق=ما ينفع الوجعان يا ورقان كثر الأدويه

[فايـز العتيبي]

(امـزور الميـه يفيـده بيعـة الخـمـس بمـيـه)


ههههههههههههه الله يرجك يالجدع

بس عاد بميه

صحت الالسنه انا في صف ورقان ولا يهون الجذع

[عادل الصعيبي]

الله الله

صحت السنتكم

[منصور الدرين]

ياسلام ياسلام

محاورة حاميه

إستمروا وحنا من متابعينكم

[ورقان]

عز الله انك مثل من كبّر سنامه بالخرق=والفرق واضح في الوصوف وفي حروف التسميه
وش لون ادل الدرب وانته نور شمسك ماشرق=مكسوف يا ابراهيم يومك في نهار الترويه

[ورقان]

فايز وابن عباد ومنصورالدرين

هلا هلا وغلا نورتوا

[الشاماني.]

,

,,

صحّت الألسن..

[ابراهيم الجـــــذع]

والله أنا ما التفت للمحاوره الغير لحظيه

لكن بما أنك رجت ورديت بحط الرد ردي


والله ثم والله مالومك ليا صابك ارق=يا الشاعر اللي ظاهر شعره بذيك الأمسيه

أنا أدري أنك منت داري لو على راسك برق=يا كم مره يدخل الجوال تحت التغطيه

[ورقان]

والله أنا ما التفت للمحاوره الغير لحظيه

لكن بما أنك رجت ورديت بحط الرد ردي



طيب لاتدف وروق المنقا:)

وصح لسانك يا استاذي ابراهيم

سعدت جدا بمجاراة شاعر بحجمك وتعلمت الكثير منك